Nau Kơp Bunuyh 20:5 - Nau Brah Ndu Ngơi 2023

⁵ Mâm may njŭn hên luh bơh Êjipt jêh nây njŭn hên tât ntŭk dŭt krit kir aơ, jêng ntŭk bu mâu dơi tuch ba ôh, mâu đŏng tăm tơm rvi, tơm krăk ƀâu, tơm pom gra nat ôh jêh ri mâu geh ôh dak nhêt?”

Nau Kơp Bunuyh 20:5 ပူးပေါင်းရင်းမြစ်များ

Nêhêmi 9:21

Kôranh Brah mât siăm khân păng puăn jât năm tâm bri rdah: Khân păng mâu pưt du ntil ndơ, Kho ao khân păng mâu sat rai ôh jêh ri jâng khân păng mâu geh môr lĕ.

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Yêrêmi 2:6

Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’

Êsêkiêl 20:36

Nâm bu Gâp phat dôih jêh phung chô yau khân may tâm bri rdah n'gor bri Êjipt tâm ban pônây lĕ Gâp mra phat dôih khân may,’ Kôranh Brah Yêhôva lah pônây.

Nau Kơp Bunuyh 16:14

Rlau lơn ma nĕ, may mâu njŭn hên lăp ôh tâm du n'gor bêng ma dak toh jêh ri dak sŭt, mâu lĕ ŭch ăn ma hên mir mâu lah đang krăk ƀâu jêng drăp ndơn. May ŭch rloch găr măt Phung ƀon lan aơ ƀơh? Hên mâu mra hăn hao ôh!”

Nau Kơp Bunuyh 20:24

“Y-Arôn mra sĭt ma phung chô yau păng nơm; păng mâu dơi lăp ôh tâm n'gor Gâp ăn jêh ma phung ƀon lan Israel, yorlah khân may hŏ ƀư nau tâm rdâng, mâu tông tĭng nau ntăm Gâp ntĭnh ta dak nhêt Mêriba.

Nau Kơp Bunuyh 27:14

yorlah ta bri rdah Sin, khân may hŏ tâm rdâng jêh đah nau vay Gâp dôl phung tâm rƀŭn tâm djrel ma dak nhêt jêh ri khân may mâu yơk ôh ma nau kloh ueh Gâp ta tra măt khân păng.” Nây jêng dak ma tâm djrel ta Mêriba Kadês tâm bri rdah Sin.

Nau Vay Nkah Tay 8:15

Păng hŏ njŭn leo jêh khân may hăn rgăn bri rdah dŭt toyh dŭt krit kir, nkual neh nđang mâu geh dak, bêng ma bêh ŭnh jêh ri ndŭr vơng. Păng ƀư ăn dak luh bơh lŭ kranh ngăn hoch ma khân may.