Nau Kơp Bunuyh 20:24 - Nau Brah Ndu Ngơi 2023

²⁴ “Y-Arôn mra sĭt ma phung chô yau păng nơm; păng mâu dơi lăp ôh tâm n'gor Gâp ăn jêh ma phung ƀon lan Israel, yorlah khân may hŏ ƀư nau tâm rdâng, mâu tông tĭng nau ntăm Gâp ntĭnh ta dak nhêt Mêriba.

Nau Kơp Bunuyh 20:24 ပူးပေါင်းရင်းမြစ်များ

Nau Ntơm 15:15

Mpeh ma may, may mra sŏk dơn nau ranh ueh maak, jêh nây plơ̆ sĭt đăp mpăn ndrel phung chô yau may tâm môch đăp ueh.

Nau Ntơm 25:17

Y-Ismaêl dơi rêh du rhiăng pe jât mpơh năm, jêh nây tăch n'hâm jêh ri păng khĭt, dơi plơ̆ sĭt ndrel ma chô yau păng.

Nau Ntơm 25:8

Y-Abraham tăch n'hâm jêh ri păng khĭt ranh jong rêh, dơi maak tâm nau rêh, jêh ri păng sĭt ndrel ma chô yau păng.

Nau Ntơm 35:29

Y-Isăk tăch n'hâm. Păng khĭt, plơ̆ sĭt ma chô yau păng nôk lĕ ranh, hŏ maak jêh tâm nau rêh, jêh ri bar hê kon bu klâu păng jêng Y-Êsau jêh ri Y-Yakôb sâm tâp an păng.

Nau Ntơm 49:29

Jêh nây Y-Yakôb ntĭnh ma phung kon păng: “Gâp dăch plơ̆ sĭt gŭ nsum ma chô yau gâp. Ăn phung khân may tâp hom gâp ta meng phung chô yau gâp, tâm trôm lŭ ta mir Y-Ephrôn, bunuyh Hitit,

Nau Ntơm 49:33

Lah Y-Yakôb lôch jêh ntĭnh ma phung kon păng, Y-Yakôb rhuăt jâng păng lâng tay klơ sưng bê̆ch, jêh nây tăch n'hâm, jêh ri hăn gŭ nsum ma chô yau păng.

II Nau Rêh Jêng 34:28

Aơ, Gâp mra ăn ma may rgum ndrel ma phung chô yau may, may mra khĭt tâm nau đăp mpăn jêh ri măt may mâu mra saơ ôh lĕ rngôch nau mhĭk Gâp mra ăn tât ma ntŭk aơ jêh ri ma phung gŭ tâm ntŭk aơ.’” Jêh ri khân păng plơ̆ mbơh tay lĕ nau ngơi ma hađăch.

Nau Ngluh Êjipt 17:7

Y-Môis rnha ntŭk nây jêng Masa jêh ri Mêriba, yorlah phung ƀon lan Israel hŏ joi nau đah păng jêh ri janh rlong uănh Brah Yêhôva dôl khân păng lah: “Brah Yêhôva geh gŭ ta nklang phung hên mâu lah mâu?”

Nau Kơp Bunuyh 20:26

jêh nây doh lơi kho ao Y-Arôn jêh ri nsoh kho ao nây ma Y-Êlêasar, kon bu klâu păng. Ta nây, Y-Arôn mra dơi sĭt ndrel chô yau jêh ri khĭt.”

Nau Kơp Bunuyh 20:5

Mâm may njŭn hên luh bơh Êjipt jêh nây njŭn hên tât ntŭk dŭt krit kir aơ, jêng ntŭk bu mâu dơi tuch ba ôh, mâu đŏng tăm tơm rvi, tơm krăk ƀâu, tơm pom gra nat ôh jêh ri mâu geh ôh dak nhêt?”

Nau Kơp Bunuyh 27:13

Tơlah may uănh saơ n'gor nây jêh, may mra dơi plơ̆ sĭt ma phung chô yau nâm nâu may jêng Y-Arôn,

Nau Kơp Bunuyh 31:2

“Plơng har hom ma phung Madian yorlah phung ƀon lan Israel, jêh nau nây may mra hăn gŭ ndrel ma phung chô yau may.”

Nau Kơp Bunuyh 4:27

Lĕ rngôch kan phung kon sau Y-Gersôn, mâu lah tung, mâu lah ƀư moh nau kan ƀư hom tĭng nâm nau ntĭm njŭn Y-Arôn jêh ri phung kon bu klâu păng. Ăn khân may jao ma khân păng mât uănh lĕ rngôch ndơ dŏng khân păng mra tung.

Nau Vay Nkah Tay 32:50

Kon mra khĭt ta klơ yôk kon mhe hao nây jêh ri mra dơi rgum ndrel ma phung ƀon lan kon, nâm bu nâu kon jêng Y-Arôn khĭt jêh ta klơ yôk Hor jêh ri hŏ rgum ndrel ma phung ƀon lan păng nơm.

Nau Vay Nkah Tay 33:8

Ma phung Lêvi, Y-Môis lah: “Dăn ăn Thumim ma phung Lêvi Jêh ri Urim ma nơm blau yơk May. Bơh May hŏ rlong uănh jêh ta Masa, Nđâp nau tâm rlăch jêh ta dak tu Mêriba.

Yôsuê 2:9

jêh ri lah ma khân păng: “Gâp gĭt Brah Yêhôva hŏ ăn n'gor aơ ma khân may; bu klach ngăn yorlah khân may hŏ trŭnh ndal ta hên kŏ tât lĕ rngôch phung ƀon lan tâm n'gor rdja nuih n'hâm nau mĭn tanăp khân may.

Phung Kôranh Phat Dôih 2:10

Jêh ri lĕ rngôch bunuyh rnôk rô̆ nây lĕ khĭt đŏng, jêh ri geh đŏng rnôk rô̆ phung êng pakơi khân păng; khân păng mâu gĭt năl ôh Brah Yêhôva mâu đŏng gĭt lĕ nau kan Păng ƀư jêh ma phung Israel.