Nau Kơp Bunuyh 20:21 - Nau Brah Ndu Ngơi 2023

²¹ Pônây, Êđôm mâu dơi ăn phung ƀon lan Israel hăn rgăn nkual khân păng nơm, pôri phung Israel hăn du ngai bơh khân păng.

Nau Kơp Bunuyh 20:21 ပူးပေါင်းရင်းမြစ်များ

II Nau Rêh Jêng 20:10

Dôl phung ƀon lan Israel luh tă bơh n'gor Êjipt, May mâu ăn ôh khân păng hăn lăp tâm n'gor phung Ammôn, phung Môap jêh ri phung ta n'gor yôk Sêir, pôri phung Israel ndôn kơi tă bơh khân păng jêh ri mâu ƀư rai khân păng ôh.

Nau Kơp Bunuyh 21:23

Ƀiălah Y-Sihôn mâu ăn ôh phung Israel hăn rgăn n'gor păng. Păng tâm rƀŭn lĕ rngôch tahan jêh ri hăn lơh phung Israel tă bơh bri rdah. Păng văch ma Jahas jêh ri tâm lơh đah phung Israel.

Nau Kơp Bunuyh 21:4

Tă bơh yôk Hor, phung ƀon lan Israel hăn tĭng mpeh Dak Mƀŭt Chăng gay ndăch dăr n'gor Êđôm. Ƀiălah ta nklang trong phung ƀon lan rdja nuih.

Nau Vay Nkah Tay 2:27

‘Ăn gâp hăn rgăn n'gor hađăch. Gâp mra hăn knŏng rŏ trong toyh, mâu mra teng pa ma mâu lah teng pa chiau.

Nau Vay Nkah Tay 2:29

tâm ban ma phung kon sau Y-Êsau gŭ tâm n'gor Sêir jêh ri phung Môap gŭ tâm n'gor Ar hŏ ăn jêh ma hên, kŏ tât nôk hên rgăn dak krong Yurdan gay lăp n'gor Brah Yêhôva Brah Ndu hên ăn jêh ma hên.’

Nau Vay Nkah Tay 23:7

Lơi tâm rmot ôh ma phung Êđôm, yorlah păng jêng oh nâu khân may. Lơi tâm rmot ôh ma phung Êjipt yorlah khân may hŏ tă jêng jêh bunuyh bu năch tâm n'gor khân păng.

Phung Kôranh Phat Dôih 11:17

Nôk nây taơ, phung Israel prơh phung mbơh hăn tât tâm mâp đah hađăch Êđôm, lah pô aơ: ‘Dăn ma hên hăn rgăn n'gor hađăch.’ Ƀiălah hađăch Êđôm mâu maak nuih n'hâm. Khân păng prơh đŏng phung mbơh hăn tât tâm mâp đah hađăch Môap, jêh ri hađăch aơ tâm ban đŏng dun, rĭ dĭng phung ƀon lan Israel ăt gŭ ta Kadês.

Phung Kôranh Phat Dôih 11:18

Jêh nây, khân păng hăn găn tay tâm bri rdah, jêh ri hăn ndăch n'gor Êđôm jêh ri n'gor Môap, jêh nây hăn tât mpeh luh nar n'gor Môap. Khân păng ndâk ngih bok ta mpeh kơh tê̆ dak n'hong jê̆ Arnôn, ƀiălah khân păng mâu lăp ôh tâm n'gor Môap, yorlah Arnôn jêng n'har neh n'gor Môap.

Phung Kôranh Phat Dôih 11:24

Mâu di hĕ may dơi dơn n'gor jêng moh Chêmôs, jêng brah ma may, hŏ ăn jêh ma may phă? Pôri, he tâm ban đŏng dơn n'gor lĕ bunuyh Yêhôva Brah Ndu hên mprơh jêh phung gŭ ta nây luh bơh he.