Nau Kơp Bunuyh 20:2 - Nau Brah Ndu Ngơi 2023

² Nôk nây, mâu geh ôh dak ma phung tâm rƀŭn, pôri khân păng rƀŭn ndrel gay tâm rdâng đah Y-Môis jêh ri Y-Arôn.

Nau Kơp Bunuyh 20:2 ပူးပေါင်းရင်းမြစ်များ

Nau Mprơ Ơm 106:32

Phung chô yau hên nsônh jêh nau May ji nuih ta kơh dak Mêriba, Pôri yor ma khân păng Y-Môis dơi nau mhĭk tât,

Nau Ngluh Êjipt 16:12

“Gâp hŏ tăng jêh nau phung ƀon lan Israel nduyh. Yor ri, ăn may lah ma khân păng pô aơ: ‘Kêng mhaơ khân may mra sa puăch, kêng ôi khân may mra sa piăng let kŏ tât hơm; jêh ri khân may mra gĭt Gâp jêng Yêhôva Brah Ndu khân may.’”

Nau Ngluh Êjipt 16:2

Tâm bri rdah, lĕ phung Israel tâm rƀŭn nduyh ma Y-Môis jêh ri Y-Arôn.

Nau Ngluh Êjipt 16:7

jêh ri ôi taơ, khân may mra saơ nau chrêk ma lơp Brah Yêhôva, yorlah Păng hŏ tăng jêh nau khân may nduyh Păng. Bi hên mbu nơm jêng, dĭng khân may nduyh ma hên?”

Nau Kơp Bunuyh 14:2

Lĕ rngôch phung ƀon lan Israel njang mbung đah Y-Môis jêh ri Y-Arôn; lĕ rngôch phung tâm rƀŭn lah ma bar hê: “Ueh lơn hên khĭt tâm n'gor bri Êjipt mâu lah khĭt tâm bri rdah aơ!

Nau Kơp Bunuyh 14:9

Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Nau Kơp Bunuyh 16:19

Y-Kôra tâm rƀŭn lĕ rngôch phung ƀon lan tâm rdâng đah Y-Môis jêh ri Y-Arôn ta mpông Ngih Bok Nau Tâm Rƀŭn. Nau chrêk rmah Brah Yêhôva tâm mpơl ma lĕ rngôch phung tâm rƀŭn.

Nau Kơp Bunuyh 16:3

khân păng tâm rƀŭn ndrel tâm rdâng đah Y-Môis jêh ri Y-Arôn. Khân păng phong: “Khân may ƀư jêh rmeh ir! Yorlah lĕ rngôch phung tâm rƀŭn jêng kloh ueh jêh ri Brah Yêhôva dôl gŭ ta nklang khân păng. Pôri, mâm khân may n'hao êng khân may nơm ta klơ lơn phung tâm rƀŭn Brah Yêhôva?”

Nau Kơp Bunuyh 16:42

Tơlah phung ƀon lan dôl tâm rƀŭn ŭch tâm rdâng đah Y-Môis jêh ri Y-Arôn, phung tâm rƀŭn uănh ma Ngih Bok Nau Tâm Rƀŭn, saơ ndâr tŭk nkŭm Ngih Bok jêh ri nau chrêk rmah Brah Yêhôva tâm mpơl.

Nau Kơp Bunuyh 21:5

Phung ƀon lan ngơi tâm rdâng đah Brah Ndu jêh ri Y-Môis. Khân păng lah: “Mâm may njŭn hên du luh bơh n'gor Êjipt ăn khĭt tâm bri rdah nây? Yorlah ta aơ mâu geh piăng let jêh ri mâu geh dak nhêt, jêh ri hên tâm rmot ma ndơ sông sa dơm dam aơ.”