Nau Kơp Bunuyh 20:12 - Nau Brah Ndu Ngơi 2023

¹² Ƀiălah Brah Yêhôva lah ma Y-Môis jêh ri Y-Arôn: “Yorlah khân may mâu rnơm ma Gâp gay yơk ma nau kloh ueh Gâp tanăp măt phung ƀon lan Israel, yor nây khân may mâu mra njŭn phung tâm rƀŭn aơ lăp tâm n'gor Gâp ăn jêh ma khân păng.”

Nau Kơp Bunuyh 20:12 ပူးပေါင်းရင်းမြစ်များ

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Nau Mprơ Ơm 106:32

Phung chô yau hên nsônh jêh nau May ji nuih ta kơh dak Mêriba, Pôri yor ma khân păng Y-Môis dơi nau mhĭk tât,

Nau Mprơ Ơm 99:8

Ơ Yêhôva Brah Ndu hên, May plơ̆ sǐt lah jêh ma khân păng; May jêng Brah Ndu vay yô̆ an, Ƀiălah May har plơng lĕ nau khân păng ƀư mhĭk.

Êsai 7:9

Bôk Êphraim jêng Samari, Bôk Samari jêng Y-Rêmalia. Tơlah khân may mâu iăt nanê̆ ôh, Khân may mra mâu nâp ôh.’”

Êsai 8:13

Ƀiălah ăn khân may klach yơk Brah Yêhôva ma phung tahan jêng kloh ueh. Păng nơm jêng Nơm khân may klach yơk jêh ri râm nsâr.

Êsêkiêl 20:41

Gâp mra vơt dơn khân may nâm bu ndơ n'hôl ƀâu kah tơlah Gâp djôt leo khân may luh bơh phung mpôl băl êng jêh ri tâm rgum khân may tă bơh lĕ bri dak khân may hŏ nchah rai pru pra, jêh ri nau kloh ueh Gâp mra dơi tâm mpơl ta nklang khân may tanăp măt phung bu năch.

Êsêkiêl 36:23

Gâp mra ƀư ăn kloh amoh dŭt toyh Gâp, jêng amoh bu hŏ ƀư ƀơ̆ jêh ta nklang lĕ phung ƀon lan; n'hêl nanê̆, ta nklang lĕ phung ƀon lan, khân may ƀư ƀơ̆ amoh nây. Kôranh Brah Yêhôva lah: Tâm ban pônây, lĕ ntil mpôl bunuyh mra gĭt Gâp jêng Brah Yêhôva tơlah Gâp tâm mpơl tra năp măt khân păng nau kloh ueh tâm amoh Gâp rgăn ta khân may.

Êsêkiêl 38:10

Kôranh Brah Yêhôva lah: “Tâm lĕ rngôch nar nây, geh nau mĭn mra nsĭch tâm rngok may jêh ri may mra geh mĭn nkra nau ƀư ƀai.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Nau Kơp Bunuyh 11:15

Tơlah Kôranh Brah ƀư pô aơ ma gâp jêh ri tơlah gâp geh nau yô̆ tanăp măt Kôranh Brah, dăn nkhĭt hom gâp gay gâp mâu saơ ôh nau rêh ni gâp!”

Nau Kơp Bunuyh 20:24

“Y-Arôn mra sĭt ma phung chô yau păng nơm; păng mâu dơi lăp ôh tâm n'gor Gâp ăn jêh ma phung ƀon lan Israel, yorlah khân may hŏ ƀư nau tâm rdâng, mâu tông tĭng nau ntăm Gâp ntĭnh ta dak nhêt Mêriba.

Nau Kơp Bunuyh 27:14

yorlah ta bri rdah Sin, khân may hŏ tâm rdâng jêh đah nau vay Gâp dôl phung tâm rƀŭn tâm djrel ma dak nhêt jêh ri khân may mâu yơk ôh ma nau kloh ueh Gâp ta tra măt khân păng.” Nây jêng dak ma tâm djrel ta Mêriba Kadês tâm bri rdah Sin.

Mathay 17:17

Brah Yêsu plơ̆ lah: “Hơi ndŭl mpôl mâu chroh jêh ri dăng bôk, ndah nâm jŏ Gâp mra gŭ ndrel đah khân may? Ndah nâm jŏ Gâp mra nsrôih dơn đah khân may? Njŭn leo hom kon se nây ma Gâp.”

Mathay 17:20

Păng plơ̆ lah: “Yorlah khân may geh nau chroh djê̆. Gâp lah nanê̆ ma khân may: Tơlah khân may geh nau chroh nâm bu du găr trau, khân may dơi lah ma yôk aơ pô aơ: ‘Du hom tă bơh ntŭk aơ tât ta ntŭk ri’ du ro; jêh ri mâu geh ôh nau khân may mâu dơi ƀư!”

Luka 1:20

Nĕ aơ, may mra mlo, mâu dơi ngơi ôh, tât nar lĕ nau nây tât geh, yorlah may mâu chroh ma nau gâp ngơi, jêng nau mra dơi ƀư nanê̆ di mông.”

Luka 1:45

Ueh maak yơh ma ay hŏ chroh, yorlah nau Kôranh Brah mbơh jêh ma ay mra dơi tât di ngăn!”

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Samƀŭt Pôl Njuăl Ăn Ma Phung Nsing Ta Ƀon Rôm 4:20

Păng mâu ăn ma nuih n'hâm mâu chroh ƀư ma păng vĭ vĕ ma nau Brah Ndu ton, ƀiălah lơ ktang lơn tâm nau chroh jêh ri tâm rnê Brah Ndu,

Nau Vay Nkah Tay 1:37

Yor khân may đŏng dĭng, Brah Yêhôva ji nuih ma gâp jêh ri lah: ‘May mâu mra dơi lăp ta nây ôh.

Nau Vay Nkah Tay 34:4

Brah Yêhôva lah ma păng: “Aơ yơh jêng n'gor Gâp hŏ ton ăn ma Y-Abraham, ma Y-Isăk jêh ri ma Y-Yakôb nôk Gâp lah: ‘Gâp mra ăn n'gor aơ ma noi deh may.’ Gâp ăn may uănh saơ ma măt n'gor aơ ƀiălah may mâu mra dơi lăp ôh ta n'gor nây.”

Nau Vay Nkah Tay 4:21

Yor ma khân may Brah Yêhôva ji nuih ma gâp jêh ri Păng hŏ ton jêh pô aơ gâp mâu mra dơi rgăn ôh dak krong Yurdan jêh ri gâp mâu dơi lăp ôh tâm n'gor ueh Yêhôva Brah Ndu ăn ma khân may jêng drăp ndơn.

Yôsuê 1:2

“Y-Môis, oh mon Gâp khĭt jêh. Aƀaơ may jêh ri lĕ rngôch ƀon lan aơ dâk hăn rgăn kơh ri dak krong Yurdan, gay lăp tâm bri Gâp dăch ăn ma phung ƀon lan Israel.

I Pêtrôs 3:15

ƀiălah ăn khân may yơk ma Brah Krist jêng kloh ueh, Kôranh Brah tâm nuih n'hâm khân may. Ăn khân may gŭ njrăng ƀaƀơ gay dơi plơ̆ lah ma nau yơk jêh ri nau rdơ̆ ma mbu nơm ôp ăn gĭt ma nau khân may kâp gân.