Nau Kơp Bunuyh 19:9 - Nau Brah Ndu Ngơi 2023

⁹ Du huê bu klâu kloh mra kuak buh ndrôk me nkhŭt padih rmlak tahan, tâm ntŭk kloh. Bu djôt prăp buh nây ma phung ƀon lan Israel tâm rƀŭn gay ƀư dak jut tho nau ƀơ̆, yorlah nây jêng du ndơ ƀư brah ƀư kloh nau tih.

Nau Kơp Bunuyh 19:9 ပူးပေါင်းရင်းမြစ်များ

Kan Lêvi 15:20

Lĕ rngôch ndơ păng bê̆ch mâu lah gŭ mra jêng ƀơ̆ ƀơch, tâm nôk mâu kloh nây.

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Nau Kơp Bunuyh 19:13

Mbu nơm pah bi săk jăn du huê bunuyh lĕ khĭt jêh, jêh ri mâu ƀư kloh ôh păng nơm, mra ƀư ƀơ̆ Ngih Bok Brah Yêhôva jêh ri nơm nây ăn bu mra nsot lơi bơh phung Israel. Yorlah dak jut tho nau ƀơ̆ mâu mâp nsrih ôh ta klơ păng, păng mra jêng ƀơ̆; nau ƀơ̆ păng ăt hôm e gŭ ta păng.’”

Nau Kơp Bunuyh 19:17

Gay ƀư kloh ma nơm jêng ƀơ̆, bu mra sŏk buh bơh mpa ƀư brah gŭch tâm ndơ ƀư brah ƀư kloh nau tih, ăn tâm du mlâm glah jêh ri pot đah dak sŏk ta dak krong mâu lah dak n'hor.

Nau Kơp Bunuyh 19:18

Du huê bunuyh geh nau kloh mra sŏk n'gĭng hisôp mbŭk tâm dak nây, jêh nây nsrih păng ta klơ ngih bok, ta klơ lĕ rngôch ndơ dŏng, ta klơ phung gŭ ta nây jêh ri ta klơ nơm pah jêh nting mâu lah du huê bunuyh bu nkhĭt, mâu lah săk jăn khĭt, mâu lah môch.

Nau Kơp Bunuyh 19:3

Jêh nây jao ndrôk nây ma kôranh ƀư brah Y-Êlêasar; bu têk njŭn păng luh padih rmlak tahan jêh ri nkhĭt ndrôk nây tanăp păng.

Nau Kơp Bunuyh 19:8

Nơm gŭch ndrôk me nây mra pih kho ao păng, ŭm tâm dak jêh ri mra jêng ƀơ̆ ƀơch tât kêng măng.

Nau Kơp Bunuyh 6:12

Păng prăp êng ma Brah Yêhôva tâm lĕ nar ƀư nau ton Nasirit tay jêh ri nhhơr du mlâm biăp nkuăng du năm jêng ndơ ƀư brah chuai nau ƀư tih, ƀiălah lĕ nar ơm mâu kơp ôh, yorlah nau păng prăp ăn păng nơm jêng ƀơ̆ jêh.

Nau Kơp Bunuyh 8:7

Aơ jêng nau may ƀư kloh ma khân păng: May nsrih dak nau ƀư kloh ta klơ khân păng; ăn may lah ma khân păng poih lĕ rngôch rsau săk jăn khân păng, pih kho ao jêh ri ƀư kloh khân păng nơm.

Nau Kơp Bunuyh 9:13

Ƀiălah nơm jêng kloh jêh ri mâu nsong ôh ntŭk ngai, ƀiălah mâu kah gĭt prăp ôh Rƀŭn Nau Găn, bu mra nsot lơi nơm nây luh bơh phung ƀon lan păng nơm, yorlah păng mâu mâp nhhơr ôh ndơ ƀư brah ma Brah Yêhôva ta nar tâm nal jêh. Nơm nây mra anh nau tih păng.

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

ហេឞ្រើ 7:26

N'hêl nanê̆ ngăn, Păng jêng kôranh ƀư brah toyh jêng Nơm he ŭch: kloh ueh, mâu geh nau tih, mâu geh nau ƀơ̆, tâm nkhah jêh đah phung tih, geh nau n'hao prêh rlau lơn ma lĕ ndâr trôk.

ហេឞ្រើ 9:13

Yorlah tơlah mham be nkuăng jêh ri ndrôk nkuăng ndrel ma buh ndrôk me druh bu djrah ta klơ phung ƀơ̆, ƀư kloh ueh ma khân păng gay ma khân păng geh nau ƀư kloh ma nglay săk,