Nau Kơp Bunuyh 19:3 - Nau Brah Ndu Ngơi 2023

³ Jêh nây jao ndrôk nây ma kôranh ƀư brah Y-Êlêasar; bu têk njŭn păng luh padih rmlak tahan jêh ri nkhĭt ndrôk nây tanăp păng.

Nau Kơp Bunuyh 19:3 ပူးပေါင်းရင်းမြစ်များ

Kan Lêvi 16:27

Ndrôk nkuăng rah jêh ri be nkuăng hŏ nhhơr jêng ndơ ƀư brah chuai nau tih, jêh ri mham mpa nây bu hŏ djôt jêh lăp tâm Ntŭk Dŭt Kloh Ueh gay ƀư nau rƀŭn chuai nau tih, ăn bu djôt lơi padih ngih bok; ntâu, puăch jêh ri ek tă bơh bar ntil mpa nây su lơi tâm ŭnh.

Kan Lêvi 24:14

“Djôt leo hom nơm rak rtăp nĕ luh padih ngih bok. Đơ lĕ rngôch phung hŏ tăng jêh nau păng ngơi, ăn pah hom ti khân may ta bôk păng jêh ri ăn lĕ rngôch phung ƀon lan Israel klŭp păng ma lŭ.

Kan Lêvi 4:11

Bi ma ntâu ndrôk, lĕ rngôch puăch, bôk, jâng, proch khŭng jêh ri ek păng,

Kan Lêvi 4:12

jêng lĕ rngôch ndơ hôm e tă bơh ndrôk, ăn kôranh ƀư brah njŭn luh padih ngih bok, tât ta du ntŭk kloh jêng ntŭk bu nkhŭt ŭnh buh, jêh nây bun ta klơ long gay ma su, jêng su ta ntŭk bu nkhŭt ŭnh buh.

Kan Lêvi 4:21

Jêh nây, ăn păng njŭn ndrôk luh padih rmlak tahan jêh ri su păng tâm ban ma păng hŏ su jêh ndrôk tal lor. Nĕ jêng ndơ ƀư brah chuai nau tih ăn ma phung tâm rƀŭn.

Nau Kơp Bunuyh 15:36

Tâm ban pônây, lĕ rngôch phung tâm rƀŭn njŭn păng luh padih rmlak tahan jêh ri klŭp lŭ nkhĭt păng; bunuyh khĭt di nâm Brah Yêhôva hŏ ntĭnh jêh ma Y-Môis.

Nau Kơp Bunuyh 19:9

Du huê bu klâu kloh mra kuak buh ndrôk me nkhŭt padih rmlak tahan, tâm ntŭk kloh. Bu djôt prăp buh nây ma phung ƀon lan Israel tâm rƀŭn gay ƀư dak jut tho nau ƀơ̆, yorlah nây jêng du ndơ ƀư brah ƀư kloh nau tih.

Nau Kơp Bunuyh 3:4

Ƀiălah Y-Nadap jêh ri Y-Abihu hŏ khĭt tanăp Brah Yêhôva tơlah bar hê nhhơr du ntil ŭnh êng tanăp Brah Yêhôva tâm bri rdah Sinai. Khân păng mâu geh kon ôh, knŏng geh Y-Êlêasar jêh ri Y-Ithamar ƀư nau pah kan ƀư brah tâm uănh Y-Arôn jêng mbơ̆ khân păng.

Nau Kơp Bunuyh 5:2

“Ntăm hom ma phung ƀon lan Israel ăn mprơh lơi lĕ rngôch phung geh phŭng, bunuyh geh nau ji luh jêh ri lĕ bunuyh geh nau ƀơ̆ ƀơch yor pah tât săk jăn khĭt.