Nau Kơp Bunuyh 19:20 - Nau Brah Ndu Ngơi 2023

²⁰ Bi bunuyh jêng ƀơ̆ jêh, mâu dơi ƀư kloh, nơm nây ăn bu nsot lơi păng bơh nklang phung tâm rƀŭn, yorlah păng lĕ ƀư ƀơ̆ Ntŭk Kloh Ueh Brah Yêhôva. Yorlah bu mâu mâp nsrih ôh ta klơ păng ma dak jut tho nau ƀơ̆, pôri păng ăt hôm jêng ƀơ̆.

Nau Kơp Bunuyh 19:20 ပူးပေါင်းရင်းမြစ်များ

Nau Ntơm 17:14

Mbu nơm bu klâu mâu geh ôh koh ntâu, jêng mâu dơn siăt ntâu ta chiông ndơ chrach, pôri bu mra ngluh lơi păng bơh phung ƀon lan, yorlah păng chalơi nau Gâp tâm rnglăp.”

Nau Ngluh Êjipt 30:33

Mbu nơm lŭk lai du ntil dak ƀâu kah tâm ban ma nây mâu lah sŏk dak ƀâu kah nây mhĭng ma bunuyh bu năch, ăn bu mra ngluh lơi păng luh bơh phung ƀon lan.’”

Kan Lêvi 15:31

Khân may mât phung ƀon lan Israel tâm nkhah khân păng nôk geh nau ƀơ̆ ƀơch; lah mâu, khân păng mra khĭt tâm nau ƀơ̆ ƀơch khân păng nơm, yorlah hŏ ƀư ƀơ̆ ƀơch jêh Ngih Bok Gâp hôm gŭ ta nklang khân păng.”

Kan Lêvi 17:16

Bi ma mbu nơm mâu pih ôh kho ao mâu lah mâu ŭm ôh, păng mra tuy nau tih păng.’ ”

Kan Lêvi 22:4

Mâu geh tâm noi deh Y-Arôn geh ji phŭng mâu lah nau ji kren dơi vay sa lĕ ndơ nhhơr kloh ueh, kŏ tât nơm nây dơi kloh. Mbu nơm pah tât moh ntil ndơ hŏ geh nau ƀơ̆ yor săk jăn khĭt, bunuyh geh ji kren dak ntăk,

Nau Kơp Bunuyh 15:30

Ƀiălah mbu ŭch ƀư tih, gĭt lah bunuyh ƀon lan gŭ tâm n'gor mâu lah phung gŭ njưh ƀât lât, bunuyh nây ngơi sưr ma Brah Yêhôva jêh ri bu mra nsot lơi păng bơh phung ƀon lan Păng.

Nau Kơp Bunuyh 19:13

Mbu nơm pah bi săk jăn du huê bunuyh lĕ khĭt jêh, jêh ri mâu ƀư kloh ôh păng nơm, mra ƀư ƀơ̆ Ngih Bok Brah Yêhôva jêh ri nơm nây ăn bu mra nsot lơi bơh phung Israel. Yorlah dak jut tho nau ƀơ̆ mâu mâp nsrih ôh ta klơ păng, păng mra jêng ƀơ̆; nau ƀơ̆ păng ăt hôm e gŭ ta păng.’”

Nau Kơp Bunuyh 9:13

Ƀiălah nơm jêng kloh jêh ri mâu nsong ôh ntŭk ngai, ƀiălah mâu kah gĭt prăp ôh Rƀŭn Nau Găn, bu mra nsot lơi nơm nây luh bơh phung ƀon lan păng nơm, yorlah păng mâu mâp nhhơr ôh ndơ ƀư brah ma Brah Yêhôva ta nar tâm nal jêh. Nơm nây mra anh nau tih păng.

Markôs 16:16

Mbu nơm chroh jêh ri dơn nau ƀaptem mra rklaih; ƀiălah mbu nơm mâu chroh ôh mra dơn nau tâm rmal.

II Pêtrôs 3:14

Pôri, hơi phung gâp rŏng, tâm nôk gŭ kâp lĕ nau nĕ, ăn khân may srôih lĕ nau ktang gay ma Păng saơ khân may mâu geh têl khap, mâu geh nau nduyh jêh ri rêh gŭ tâm nau đăp mpăn.

Nau Tâm Mpơl 22:11

Mbu nơm mâu sŏng, ăn păng ăt ƀư nau mâu sŏng srăng, mbu nơm ƀơ̆ ăt jêng ƀơ̆, mbu nơm sŏng srăng ăt ƀư nau sŏng srăng, bunuyh jêng kloh ueh ăt jêng kloh ueh!”