Nau Kơp Bunuyh 19:2 - Nau Brah Ndu Ngơi 2023

² “Aơ jêng nau vay dăp bơh nau vay Brah Yêhôva hŏ ntăm jêh: ‘Ngơi hom ma phung ƀon lan Israel, ăn khân păng têk leo ma may du mlâm ndrôk me guh mâu geh ntŭk kuet rôi ôh, mâu geh têl khap ôh jêh ri mâu mâp nkuăk mâng mbăk.

Nau Kơp Bunuyh 19:2 ပူးပေါင်းရင်းမြစ်များ

Nau Ngluh Êjipt 12:5

Nhŭp hom tâm mpôl phung biăp mâu lah tâm mpôl phung be khân may, du mlâm biăp kon nkuăng mâu lah be kon nkuăng tâm du năm, mâu geh têl khap ôh;

Êsai 1:18

Brah Yêhôva lah: “Văch hom aƀaơ, ăn he sek uănh ndrel: Nđâp tơlah nau tih khân may chăng nâm bu chăng rhŏnh, Mra jêng nglang tâm ban ma pler; Nđâp tơlah păng chăng rhưch nâm bu bok chăng, Mra jêng nglang tâm ban ma rsau biăp.

Nau Nhĭm Vơl 1:14

Nau tih gâp kât ta mâng mbăk Ti Păng nơm kât ndrel khân păng. Păng tŭn jâk ta trô ko gâp, Ƀư djoh nau dăng ktang gâp. Kôranh Brah hŏ jao gâp tâm ti khân păng, Jêng phung gâp mâu dơi tâm rdâng ôh!

Kan Lêvi 1:10

Tơlah ndơ bunuyh nây nhhơr jêng ndơ ƀư brah gŭch ma mpô mpa rong jê̆, mâu lah biăp mâu lah be, ăn păng nhhơr du mlâm mpô mpa nkuăng mâu geh têl khap ôh.

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 14:6

Jêh nây, sŏk sĭm hôm rêh ndrel ma n'gâng tơm si sêdar, rse brai sut chăng, jêh ri n'gĭng hisôp, mbŭk lĕ tâm mham sĭm hŏ nkhĭt jêh ta glah uk geh prăp dak hoch.

Nau Kơp Bunuyh 19:1

Brah Yêhôva lah tay ma Y-Môis jêh ri Y-Arôn:

Nau Kơp Bunuyh 19:6

Jêh nây, kôranh ƀư brah mra sŏk tơm si sêdar, n'gĭng hisôp jêh ri brai chăng rhưch, jêh ri mƀăr ndơ nây ta nklang ndrôk me dôl hit ŭnh.

Nau Kơp Bunuyh 31:21

Kôranh ƀư brah Y-Êlêasar lah ma phung tahan plơ̆ sĭt jêh tă bơh nau tâm lơh pô aơ: “Aơ jêng nau vay dăp tâm nau vay Brah Yêhôva hŏ ntăm jêh ma Y-Môis:

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Nau Vay Nkah Tay 21:3

Phung kôranh bu ranh ƀon dăch lơn ma săk jăn khĭt mra sŏk du mlâm ndrôk me druh ê hŏ mâp dŏng kan jêh ri mâu mâp nkuăk mâng mbăk,

ហេឞ្រើ 7:26

N'hêl nanê̆ ngăn, Păng jêng kôranh ƀư brah toyh jêng Nơm he ŭch: kloh ueh, mâu geh nau tih, mâu geh nau ƀơ̆, tâm nkhah jêh đah phung tih, geh nau n'hao prêh rlau lơn ma lĕ ndâr trôk.

ហេឞ្រើ 9:10

ƀiălah jêng knŏng tât ma ndơ sông sa, ndơ nhêt jêh ri lĕ nau rƀŭn ƀư kloh êng, jêng lĕ nau vay nchâp nglay săk djôt prăp kŏ tât rnôk nau tâm rgâl.

I Pêtrôs 1:19

ƀiălah ma mham khlay Brah Krist, nâm bu mham du mlâm kon biăp geh ntŭk kuet, mâu geh têl khap,

I Pêtrôs 2:22

“Păng mâu mâp ƀư tih ôh, Tâm trôm mbung Păng mâu mâp saơ nau mƀruh lĕ.”

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

I Samuel 6:7

Aƀaơ, ƀư hom du bôk ndeh mhe, jêh ri sŏk bar mlâm ndrôk me hôm ăn ma kon pu, mâu mâp nkuăk mâng mbăk ôh, jêh ri nkuăk mâng mbăk nây ta ndeh ndrôk, ƀiălah têk lơi phung kon ndrôk jê̆ leo nglăp tâm ndrung.