Nau Kơp Bunuyh 19:11 - Nau Brah Ndu Ngơi 2023

¹¹ Mbu nơm pah bi săk jăn du huê bunuyh khĭt mra jêng ƀơ̆ tâm pơh nar.

Nau Kơp Bunuyh 19:11 ပူးပေါင်းရင်းမြစ်များ

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Nau Nhĭm Vơl 4:14

Khân păng hăn nsong mblêng njŏ trong sâng Nâm bu bunuyh chieh măt. Lĕ mham ƀư ƀơ̆ Kŏ tât mâu geh nuyh pah bi tât ma bok ao khân păng.

Êsêkiêl 39:12

Ngih Israel mra roh tâm pơh khay gay tâp săk jăn khĭt khân păng jêh ri ƀư ăn kloh tâm bri neh.

Êsêkiêl 44:26

Lôch jêh nau ƀư kloh, kôranh ƀư brah gŭ kâp tâm pơh nar đŏng.

Kan Lêvi 11:31

Tâm lĕ rngôch mpa vơr, nây jêng lĕ mpa mâu kloh ma khân may; mbu nơm pah ta săk jăn khĭt khân păng mra jêng ƀơ̆ ƀơch tât kêng măng.

Kan Lêvi 21:1

Brah Yêhôva lah tay ma Y-Môis: “Ăn kon ngơi hom ma phung kôranh ƀư brah jêng phung kon bu klâu Y-Arôn: ‘Du huê kôranh ƀư brah mâu dơi ƀư ƀơ̆ păng nơm yor du huê bunuyh khĭt tâm ndŭl mpôl dăch păng nơm,

Kan Lêvi 21:11

mâu dơi hăn dăch ôh ta săk jăn khĭt, mâu dơi ƀư ƀơ̆ păng nơm gĭt lah mbơ̆ mâu lah mê̆ păng nơm.

Kan Lêvi 22:4

Mâu geh tâm noi deh Y-Arôn geh ji phŭng mâu lah nau ji kren dơi vay sa lĕ ndơ nhhơr kloh ueh, kŏ tât nơm nây dơi kloh. Mbu nơm pah tât moh ntil ndơ hŏ geh nau ƀơ̆ yor săk jăn khĭt, bunuyh geh ji kren dak ntăk,

Kan Lêvi 5:2

Lah du huê pah ta ndơ ƀơ̆ ƀơch, nâm bu săk mpô mpa bri mâu kloh, mâu lah săk du mlâm mpô mpa rong mâu kloh, mâu lah ta săk ndrŭng mâu kloh, nđâp lah mâu gĭt kđôi, nơm nây ăt geh nau ƀơ̆ ƀơch jêh ri khan nau tih.

Ndrom Samƀŭt bơh Agê 2:13

Y-Agê lah ôp đŏng: “Tơlah du huê lĕ ƀơ̆ ƀơch yor pah ta săk jăn khĭt, jêh nây pah tât lĕ ndơ nây pôri lĕ ndơ nây geh tưp nau ƀơ̆ ƀơch lĕ?” Phung kôranh ƀư brah plơ̆ lah: “Lĕ ndơ nây mra ƀơ̆ ro.”

Nau Kơp Bunuyh 19:16

Mbu gŭ tâm mir, pah tât du huê bunuyh bu nkhĭt păng ma mpiăt đao mâu lah du săk jăn khĭt mâu lah du mlâm nting bunuyh, mâu lah môch mra jêng ƀơ̆ tâm pơh nar.

Nau Kơp Bunuyh 31:19

Bi khân may, ndâk hom ngih bok padih rmlak tahan tâm pơh nar. Mbu nơm nkhĭt bunuyh mâu lah pah săk jăn khĭt, ăn păng ƀư kloh păng nơm ta nar tal pe jêh ri nar tal pơh.

Nau Kơp Bunuyh 5:2

“Ntăm hom ma phung ƀon lan Israel ăn mprơh lơi lĕ rngôch phung geh phŭng, bunuyh geh nau ji luh jêh ri lĕ bunuyh geh nau ƀơ̆ ƀơch yor pah tât săk jăn khĭt.

Nau Kơp Bunuyh 6:6

Tâm dôl prăp êng ma Brah Yêhôva, păng mâu dơi hăn dăch ôh săk jăn khĭt.

Nau Kơp Bunuyh 9:10

“Lah hom ma phung ƀon lan Israel pô aơ: ‘Tơlah du huê tâm phung khân may mâu lah tâm phung kon sau khân may jêng ƀơ̆ yor săk jăn khĭt mâu lah nsong tâm ntŭk ngai, ăt păng mra kah gĭt prăp Rƀŭn Nau Găn ma Brah Yêhôva.

Nau Kơp Bunuyh 9:6

Ƀiălah geh bar pe bunuyh mâu dơi râng Rƀŭn Nau Găn yor geh nau ƀơ̆ ƀơch tă bơh săk jăn khĭt, văch tra năp Y-Môis jêh ri Y-Arôn;

Kôranh Oh Mon 21:26

Y-Pôl njŭn leo puăn nuyh nây hăn tĭng jêh ri nar ôi taơ, păng ƀư rƀŭn nau ƀư kloh ndrel ma khân păng; jêh ri păng lăp tâm ngih brah, gay mbơh nar ƀư kloh mra lôch jêh ri ndơ nhhơr ăp nơm tâm khân păng nhhơr.

Kôranh Oh Mon 21:27

Dăch lôch pơh nar, phung Yuđa tă bơh n'gor Asi, saơ Y-Pôl tâm ngih brah, nsônh phung ƀon lan nhŭp Y-Pôl.

Samƀŭt Pôl Njuăl Ăn Ma Phung Nsing Ta Ƀon Rôm 5:12

Yor nây, tâm ban ntơm bơh du huê bunuyh nau tih lăp jêh tâm neh ntu, jêh ri bơh nau tih geh nau khĭt, pônây yơh nau khĭt hŏ hao lip tât ma lĕ rngôch bunuyh, yorlah lĕ rngôch bunuyh ƀư tih da dê.

II Kôrintô 6:17

“Yor nây, Kôranh Brah lah: Luh du hom tă bơh khân păng, Tâm nkhah hom tă bơh khân păng, Lơi pah tât ndơ ƀơ̆ ƀơch, Gâp mra rom dơn khân may.

Êphêsô 2:1

Khân may khĭt jêh yor lĕ nau ƀư tih jêh ri nau tih khân may nơm,

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!