Nau Kơp Bunuyh 19:10 - Nau Brah Ndu Ngơi 2023

¹⁰ Mbu nơm kuak buh ndrôk me druh nây mra pih kho ao păng jêh ri jêng ƀơ̆ tât kêng măng. Aơ jêng du nau vay dăp n'ho ro ma phung ƀon lan Israel jêh ri ma bu năch nơm gŭ njưh ƀât lât ta nklang khân păng.

Nau Kơp Bunuyh 19:10 ပူးပေါင်းရင်းမြစ်များ

Nau Ngluh Êjipt 12:49

Nây jêng du nau vay nsum ăn ma bunuyh tơm bri nđâp ma bu năch gŭ njưh ta klang khân may.”

Kan Lêvi 11:25

Mbu nơm djôt săk jăn khĭt khân păng mra pih kho ao păng jêh ri jêng ƀơ̆ ƀơch tât kêng măng.

Kan Lêvi 14:46

Dôl ngih nây hôm nchăng, mbu nơm lăp ngih ta nây mra jêng ƀơ̆ ƀơch kŏ tât kêng măng.

Kan Lêvi 16:28

Nơm gŭch lĕ ndơ nây mra pih kho ao, ŭm păng nơm tâm dak jêh nây mơ dơi lăp tâm ngih bok.

Nau Kơp Bunuyh 19:19

Ta nar tal pe jêh ri nar tal pơh, du huê bunuyh geh nau kloh nsrih hom dak nây ta klơ bunuyh ƀơ̆ jêh ri nar tal pơh bunuyh geh nau kloh mra ƀư kloh ma păng. Bunuyh geh nau kloh mra pih kho ao, ŭm tâm dak jêh ri dăch kêng măng păng mra geh nau kloh.

Nau Kơp Bunuyh 19:21

Aơ mra jêng ma du nau vay dăp n'ho ro ma phung ƀon lan. Mbu nơm nsrih dak ma dak jut tho nau ƀơ̆ mra pih kho ao păng; mbu nơm pah dak jut tho nau ƀơ̆ mra jêng ƀơ̆ ƀơch tât kêng măng.

Kôlôh 3:11

Ta aơ mâu hôm tâm nkhah phung Grek, mâu lah phung Yuđa, bunuyh dơn koh ntâu mâu lah mâu dơn koh ntâu, bunuyh bri, mâu lah phung Syth, bunuyh dĭk bu mâu lah kon me; ƀiălah Brah Krist jêng lĕ rngôch jêh ri tâm lĕ rngôch.