Nau Kơp Bunuyh 18:8 - Nau Brah Ndu Ngơi 2023

⁸ Brah Yêhôva lah ma Y-Arôn: “Aơ, Gâp ăn jêh ma may mât uănh lĕ ndơ nhhơr Gâp, jêng lĕ rngôch ndơ ƀư brah kloh ueh phung ƀon lan Israel hŏ nhhơr jêh. Gâp ăn jêh lĕ ndơ nhhơr nây ma may jêh ri ma phung kon bu klâu may nâm jêng kô̆ ma nau pah kan ndơ ƀư brah di tĭng vay n'ho ro.

Nau Kơp Bunuyh 18:8 ပူးပေါင်းရင်းမြစ်များ

II Phung Hađăch 12:16

Bi rnoh prăk ma ndơ ƀư brah chuai nau tih jêh ri ndơ ƀư brah chuai nau tih nây mâu dơi leo ôh lăp tâm ngih Brah Yêhôva; rnoh prăk nây jêng ndơ ma phung kôranh ƀư brah.

II Nau Rêh Jêng 31:4

Hađăch ntĭnh ma phung ƀon lan gŭ ta ƀon Yêrusalem ăn siăm ma phung kôranh ƀư brah jêh ri phung Lêvi, gay ma khân păng dơi pah kan lĕ nuih n'hâm di nâm nau vay Brah Yêhôva hŏ dăp.

II Nau Rêh Jêng 31:5

Lah tăng nau hađăch ntrŭnh lam jêh, phung ƀon lan Israel djôt tât âk ngăn ndơ bôk rah tă bơh ba, tă bơh ndrănh, bơh dak sŭt, bơh dak ngi ôlive, jêh ri lĕ rngôch ndô ndơ êng luh bơh mir. Khân păng nhhơr đŏng du kô̆ tâm jât tâm lĕ ndơ khăn păng geh, dŭt âk râk.

Nau Ngluh Êjipt 28:43

Y-Arôn jêh ri phung kon bu klâu păng mra nsoh kho nây ăp tơ̆ khân păng lăp tâm Ngih Bok Nau Tâm Rƀŭn mâu lah nôk khân păng văch dăch nơng ƀư brah gay pah kan tâm Ntŭk Kloh Ueh; lah mâu geh khân păng mra geh nau tih jêh ri khĭt. Nây jêng du nau vay n'ho ro ma Y-Arôn jêh ri ma phung kon sau păng.”

Nau Ngluh Êjipt 29:21

May sŏk đŏng djê̆ mham ta klơ nơng jêh ri djê̆ dak ƀâu kah nsrih ta Y-Arôn jêh ri bok ao păng tâm ban đŏng ta phung kon bu klâu jêh ri bok ao khân păng. Pôri, Y-Arôn nđâp ndơ nsoh n'gut păng, lĕ phung kon bu klâu păng nđâp bok ao khân păng mra dơi jêng kloh ueh.

Nau Ngluh Êjipt 29:28

Lĕ ndơ nhhơr tă bơh phung ƀon lan Israel mra jêng ndơ Y-Arôn jêh ri phung kon bu klâu păng tĭng nâm nau vay n'ho ro, yorlah aơ jêng ndơ mpăm sŏk tă bơh mpa ƀư brah tâm ndơ ƀư brah ma nau đăp mpăn phung ƀon lan Israel nhhơr ma Brah Yêhôva.

Nau Ngluh Êjipt 29:29

Dĭng lĕ bok ao kloh ueh Y-Arôn mra dơi jao ăn ma phung kon bu klâu ntrok thoi nau kan păng gay khân păng nsoh lah dơi mhĭng dak ƀâu kah jêh ri ăn n'hao kan.

Nau Ngluh Êjipt 40:13

Ăn may nsoh bok ao kloh ueh ma Y-Arôn, mhĭng dak ƀâu kah jêh ri prăp êng păng ma nau kloh ueh gay ma păng ƀư nau kan ndơ ƀư brah ma Gâp.

Nau Ngluh Êjipt 40:15

mhĭng dak ƀâu kah ma khân păng nâm bu may hŏ mhĭng dak ƀâu kah ma mbơ̆ khân păng gay ma khân păng ƀư kan ndơ ƀư brah ma Gâp. Nau mhĭng dak ƀâu kah nây mra dơn ma khân păng ƀư nau kan ndơ ƀư brah n'ho ro tâm lĕ rô̆ nuyh.”

Êsai 10:27

Tâm nar nây, mbăk jâk khân păng mra sŏk lơi tă bơh săng nglik may bu mra sŏk lơi, mâng mbăk khân păng bu mra sŏk lơi tă trô ko; mâng mbăk mra đoh jêh yorlah may jêng lay jêh.”

Kan Lêvi 21:10

Kôranh ƀư brah jêng nơm toyh lơn tâm phung oh nâu păng, nơm bu hŏ mbrih dak ngi kloh ta klơ bôk păng, nơm bu prăp êng jêh jêng kloh ueh gay ma nsoh bok ao, mâu dơi rơih lơi sŏk, mâu lah nkhêk ao,

Kan Lêvi 23:20

Kôranh ƀư brah mra nhhơr lĕ mpa nây tanăp Brah Yêhôva, ndrel ma bar mpơng piăng let ƀư đah ba bôk yan jêh ri bar mlâm biăp kon, tĭng nau vay ƀư ndơ̆ đah aơ ndơ̆ đah ri. Lĕ rngôch mpa nây mra jêng kloh ueh ma Brah Yêhôva jêh ri ăn mpa nây ma kôranh ƀư brah.

Kan Lêvi 6:16

Y-Arôn jêh ri phung kôranh ƀư brah tâm noi deh Y-Arôn mra sa moh ndơ hôm e, ƀiălah khân păng mra sa piăng let mâu geh ndrui jêh ri sa tâm du ntŭk kloh ueh, jêng ntŭk tâm ndring Ngih Bok Nau Tâm Rƀŭn.

Kan Lêvi 6:18

Lĕ rngôch bu klâu tâm noi deh Y-Arôn dơi sa ndơ nây. Nĕ jêng nau vay n'ho ro ma lĕ rngôch rnôk phung kon, bơh lĕ ndơ ƀư brah ăn ŭnh sa nhhơr ma Brah Yêhôva. Mbu nơm pah ta lĕ ndơ ƀư brah nây mra jêng nau mhĭk yorlah ndơ ƀư brah nây jêng ndơ kloh ueh.

Kan Lêvi 6:20

“Aơ jêng ndơ Y-Arôn jêh ri phung kôranh ƀư brah jêng noi deh Y-Arôn mra nhhơr ma Brah Yêhôva tâm nar khân păng dơn bu tŏ dak ngi: Du kilô rnih ƀlê tâm ban ma du ndơ ƀư brah rnih môi bu vay nhhơr, ôi n'gul jêh ri măng n'gul.

Kan Lêvi 6:26

Kôranh ƀư brah nhhơr mpa ƀư brah chuai nau tih mra sa ndơ nhhơr nây tâm du ntŭk kloh ueh, jêng tâm ndring Ngih Bok Nau Tâm Rƀŭn.

Kan Lêvi 7:14

Ăn păng sŏk đŏng du mlâm ƀănh tâm ăp ntil nâm bu du ndơ kô̆ khlay nhhơr ma Brah Yêhôva. Ndơ nây mra prăp ma kôranh ƀư brah hŏ mbrih jêh mham mpa ƀư brah tâm nau ƀư brah đăp mpăn.

Kan Lêvi 7:28

Brah Yêhôva hôm ntĭnh đŏng ma Y-Môis:

Kan Lêvi 7:6

Lĕ rngôch bu klâu tâm rnăk vâl kôranh ƀư brah dơi sa ndơ nây da dê tâm du ntŭk kloh ueh; nây jêng ndơ dŭt kloh ueh.

Kan Lêvi 8:30

Jêh nĕ tât, Y-Môis sŏk dak ngi mhĭng jêh ri mham ta klơ nơng ƀư brah nsrih ta klơ Y-Arôn jêh ri ta klơ bok ao păng, ta klơ phung kon bu klâu jêh ri ta klơ bok ao khân păng. Kơt nĕ, Y-Môis hŏ prăp êng Y-Arôn jêh ri bok ao păng ăn kloh tâm ban phung kon bu klâu păng jêh ri ta bok ao khân păng.

Nau Kơp Bunuyh 18:9

Aơ jêng ndơ may tă bơh lĕ ndơ dŭt kloh ueh jêh mâu geh su ôh, phung ƀon lan Israel nhhơr ma Gâp: Lĕ rngôch ndơ nhhơr khân may, ndơ ƀư brah rnih môi, ndơ ƀư brah chuai nau tih, ndơ ƀư brah chuai geh nau tih. Lĕ ndơ dŭt kloh ueh nây prăp ma may jêh ri ma phung kon bu klâu may.

Nau Kơp Bunuyh 5:9

Lĕ rngôch ndơ ƀư brah kloh ueh tă bơh phung ƀon lan Israel djôt leo ma kôranh ƀư brah mra jêng ndơ păng.

I Kôrintô 9:13

Khân may mâu gĭt hĕ mbu nơm rvê pah kan tâm ngih brah mra sa ndơ nhhơr tâm ngih brah, bi mbu nơm rvê pah kan ta nơng ƀư brah geh ndơ bơh nơng ƀư brah nây lĕ ƀơh?

Nau Vay Nkah Tay 12:11

Nôk nây mra geh du ntŭk Yêhôva Brah Ndu khân may mra săch an gay amoh Păng gŭ ta nây jêh ri jêng ntŭk khân may mra njŭn lĕ rngôch ndơ gâp hŏ ntĭnh ma khân may tâm ban ndơ ƀư brah gŭch, lĕ mpa ƀư brah, tê̆ pi du kô̆ tâm jât, ndơ nhhơr yơr, jêh ri lĕ ndơ nhhơr ƀư nanê̆ nau ton bơh khân may ton nhhơr ma Brah Yêhôva.

Nau Vay Nkah Tay 12:6

Khân may mra djôt leo ta nây lĕ ndơ ƀư brah gŭch, lĕ mpa ƀư brah, pi du kô̆ tâm jât, ndơ nhhơr yơr, ndơ nhhơr ƀư nanê̆ nau ton, ndơ nhhơr ma nuih n'hâm rŏng, jêh ri lĕ kon dak bôk tâm mpôl ndrôk jêh ri biăp khân may.

Nau Vay Nkah Tay 18:1

“Phung kôranh ƀư brah noi deh Lêvi jêh ri nđâp ma ndŭl mpôl Lêvi mâu mra dơi geh ôh kô̆ tâm pă mâu lah drăp ndơn ndrel ma phung Israel. Khân păng mra rêh đah mpa ƀư brah ăn ŭnh sa nhhơr ma Yêhôva, jêng ndơ tă bơh Păng.

Nau Vay Nkah Tay 26:13

jêh ri khân may mra hăn tât tanăp Yêhôva Brah Ndu jêh ri lah: ‘Hên hŏ njŭn leo kô̆ prăp êng bơh ngih ăn ma phung Lêvi, ma nơm gŭ njưh ƀât lât, ma kon se kon đơi jêh ri bu ur ndrô, tĭng nâm lĕ nau May ntăm jêh ma hên; hên mâu mâp ôh rlau mâu lah chuêl du nau vay May ntăm.

ហេឞ្រើ 1:9

May rŏng nau sŏng srăng, tâm rmot nau djơh mhĭk; Yor nây, Brah Ndu jêng Brah Ndu May, hŏ tŏ dak ngi nau maak ma May, Ƀư ăn May rmeh rlau lơn ma phung băl May nơm.”

I Yôhan 2:20

Ƀiălah khân may sŏk dơn jêh nau tŏ dak ƀâu kah tă bơh Nơm Kloh Ueh, jêh ri lĕ rngôch khân may geh jêh nau gĭt rbăng.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.