Nau Kơp Bunuyh 18:5 - Nau Brah Ndu Ngơi 2023

⁵ Khân may mra djôt kan chiă uănh nau kan prăp ma Ntŭk Kloh Ueh jêh ri nơng ƀư brah, gay nau ji nuih mâu tât ta phung Israel.

Nau Kơp Bunuyh 18:5 ပူးပေါင်းရင်းမြစ်များ

I Nau Rêh Jêng 23:24

Aơ jêng phung kon sau Y-Lêvi tĭng nâm ndŭl mpôl khân păng, jêng kôranh tâm noi deh bu nchih amoh khân păng tĭng amoh săk ăp nơm, ntơm bơh bar jât năm leo klơ; khân păng pah kan tâm ngih Brah Yêhôva.

I Nau Rêh Jêng 23:32

Khân păng tâm ban đŏng djôt kan chiă uănh Ngih Bok Nau Tâm Rƀŭn jêh ri Ntŭk Kloh Ueh, jêh nây kơl phung kon sau Y-Arôn, jêng phung oh nâu khân păng, gay pah kan tâm ngih Brah Yêhôva.

I Nau Rêh Jêng 24:5

Khân păng dơi tâm pă ma nau nchroh n'hôr tĭng mbŭch, ntơm bơh mbŭch nây tât ma mbŭch ri; yorlah phung kôranh ma ntŭk kloh ueh jêh ri phung kôranh ma kan Brah Ndu tâm phung kon sau Y-Êlêasar jêh ri phung kon sau Y-Ithamar.

I Nau Rêh Jêng 9:19

Y-Salum kon Y-Kôrê, sau Y-Êbiasap, se Y-Kôrê, jêh ri oh nâu nđâp ma ndŭl mpôl păng jêng phung Kôra, ƀư nau pah kan jêh ri mât uănh ntŭk lăp mpông Ngih Bok; tâm ban đŏng kăl e, chô yau khân păng djôt nau kâp njrăng lăp mpông ngih bok Brah Yêhôva.

I Nau Rêh Jêng 9:23

Pônây, khân păng jêh ri phung kon sau khân păng mât njrăng lĕ mpông ngih Brah Yêhôva, jêng Ngih Bok.

I Nau Rêh Jêng 9:33

Aơ jêng phung geh nau kan mprơ; phung jêng kôranh tâm noi deh tâm phung Lêvi, gŭ tâm jrô ngih brah, jêh ri mâu hôm ƀư lĕ nau kan êng yorlah khân păng pah kan nar nđâp măng.

Nau Ngluh Êjipt 27:21

Tâm Ngih Bok Nau Tâm Rƀŭn mpeh padih bok panăp Hip Nau Tâm Rnglăp, Y-Arôn jêh ri phung kon bu klâu păng mra mât mray ŭnh kađen ăn ang mro tanăp Brah Yêhôva ntơm bôk măng tât ôi. Aơ mra jêng nau vay dăp n'ho ro ma lĕ rnôk rô̆ phung ƀon lan Israel.”

Yêrêmi 23:15

Yor nây, Brah Yêhôva ma phung tahan lah ma phung mbơh lor nây pô aơ: “Ri, Gâp mra ăn phung ƀon lan aơ sa dak si tăng Jêh ri ăn nhêt dak kăch, Yorlah lĕ phung mbơh lor gŭ ta Yêrusalem Hŏ ƀư ăn nau rai yot lam ăp bri dak.”

Êsêkiêl 44:15

“Bi phung kôranh ƀư brah noi deh Lêvi, phung kon sau Y-Sadôk, hôm e mât mray ntŭk kloh ueh Gâp tơlah phung ƀon lan Israel vĭ nhhơt du ngai đah Gâp. Lĕ rngôch phung nây mra văch dăch Gâp gay pah kan ma Gâp. Khân păng mra dâk tanăp Gâp gay nhhơr ngi jêh ri mham, Kôranh Brah Yêhôva lah pônây.

Êsêkiêl 44:16

Nây jêng phung mra lăp tâm ntŭk kloh ueh Gâp, văch dăch sưng Gâp gay pah kan ma Gâp jêh ri ƀư nau kan Gâp.

Kan Lêvi 10:6

Jêh nây, Y-Môis lah ma Y-Arôn jêh ri ma bar hê kon bu klâu Y-Arôn jêng Y-Êlêasar jêh ri Y-Ithamar: “Lơi ƀư sŏk achưp, mâu lĕ dơi nkhêk ao khân may, gay ma nâu jêh ri phung mon mâu khĭt, jêh ri gay ma Brah Yêhôva mâu ji nuih đah lĕ rngôch phung tâm rƀŭn. Ƀiălah phung oh nâu jêh ri lĕ ngih Israel klăp lah dơi nhĭm nhhiăng ma phung hŏ khĭt yor Brah Yêhôva su ma ŭnh.

Kan Lêvi 24:3

Y-Arôn mra n'gân kađen nây tâm Ngih Bok Nau Tâm Rƀŭn, padih bok nching nkŭm Hip Nau Tâm Rnglăp, gay mât mray ŭnh kađen hit ƀaƀơ, ntơm bơh mhaơ tât ôi tanăp Brah Yêhôva. Nây jêng nau vay dăp n'ho ro tâm lĕ rngôch rnôk khân may.

Sakari 10:3

“Nau Gâp ji nuih dŭt n'hâm tâm rdâng đah phung rmăk biăp, Gâp mra tâm rmal phung kôranh chiă uănh. Nôk Brah Yêhôva ma phung tahan chop khâl phung biăp Păng, jêng ngih Yuđa, Pôri mra ƀư ma khân păng nâm bu seh ndơ tâm lơh ma nau rnam hăn tâm lơh.

Nau Kơp Bunuyh 1:50

ƀiălah ntĭm hom ma phung Lêvi chiă uănh Ngih Bok Nau Tâm Rnglăp, lĕ rngôch ndơ dŏng jêh ri lĕ rngôch ndơ dŏng prăp tâm Ngih Bok nây. Khân păng mra trơn Ngih Bok jêh ri lĕ rngôch ndơ ta nây, tâm ban đŏng mât uănh jêh ri ndâk ngih bok gŭ jŭm Ngih Bok.

Nau Kơp Bunuyh 1:53

Ƀiălah phung Lêvi mra ndâk ngih bok gŭ jŭm Ngih Bok Nau Tâm Rnglăp gay nau ji nuih mâu nkhŭt ta phung ƀon lan Israel tâm rƀŭn. Phung Lêvi mra djôt kan chiă uănh Ngih Bok Nau Tâm Rnglăp.

Nau Kơp Bunuyh 16:46

jêh nây Y-Môis lah ma Y-Arôn: “Sŏk hom khăl gŭch ƀâu kah may, dơm ŭnh tă bơh nơng ƀư brah tâm nây jêh ri dơm ndơ ƀâu kah tâm nây, djôt leo gơnh gơnh ma phung tâm rƀŭn gay ƀư nau rƀŭn chuai nau tih ma khân păng, yorlah nau ji nuih tă bơh Brah Yêhôva jêh ri nau tât mhĭk ntơm jêh.”

Nau Kơp Bunuyh 18:4

Pônây khân păng mra tâm rnglăp đah may gay djôt kan chiă uănh ma Ngih Bok Nau Tâm Rƀŭn jêh ri ƀư nau kan tâm Ngih Bok; jêh ri mâu hôm geh nơm êng dơi văch dăch ôh.

Nau Kơp Bunuyh 4:18

“Lơi ăn ôh ndŭl mpôl Kôhat roh rai tă bơh ta nklang ndŭl mpôl Lêvi.

Nau Kơp Bunuyh 8:19

Tă bơh ta nklang phung ƀon lan Israel, Gâp hŏ ăn jêh phung Lêvi jêng ndơ ăn ma Y-Arôn jêh ri ma phung kon bu klâu păng gay ƀư nau kan phung ƀon lan Israel ta Ngih Bok Nau Tâm Rƀŭn, jêh ri ƀư nau rƀŭn chuai nau tih ma phung ƀon lan Israel, gay khân păng mâu mra geh ôh nau mhĭk nôk khân păng hăn dăch ntŭk kloh ueh.”

Nau Kơp Bunuyh 8:2

“Lah hom ma Y-Arôn pô aơ: Tơlah may dăp ŭnh kađen, ăn hom pơh mlâm ŭnh kađen nây nchrat ang panăp jâng kađen.”

I Timôthê 1:18

Hơi Y-Timôthê kon gâp, gâp ntrŭnh nau vay dăp aơ ma may, tĭng nâm lĕ nau mbơh lor ma may bơh kăl e, gay bơh lĕ nau ngơi nây may tâm lơh janh ktang,

I Timôthê 3:15

gay tơlah gâp băt tât, pô ri may gĭt đŏng nau gŭ ngao tâm ngih Brah Ndu, jêng Phung Ngih Brah Ndu rêh, ntur jêh ri meh ma nau ngăn.

I Timôthê 5:21

Tanăp Brah Ndu jêh ri Brah Yêsu Krist nđâp ma phung tông mpăr Brah Ndu săch jêh, gâp mbơh ăn may djôt prăp lĕ nau ntĭm nti aơ, mâu dơi geh nau mĭn êng, mâu đŏng ƀư moh nau yorlah gŭ nding.

I Timôthê 6:20

Hơi Y-Timôthê, djôt prăp hom lĕ nau bu jao jêh ma may, der lĕ nau ngơi lă lêng mâu geh nau khlay jêh ri nau tâm rlăch âk nau bu ntôn lah jêng nau gĭt rbăng;