Nau Kơp Bunuyh 18:32 - Nau Brah Ndu Ngơi 2023

³² Yorlah nau nây, tơlah khân may nhhơr kô̆ dŭt ueh, khân may mâu mra anh nau tih, mâu ƀư đŏng ƀơ̆ ôh lĕ ndơ kloh ueh phung ƀon lan Israel, jêh ri khân may mâu mra khĭt.’”

Nau Kơp Bunuyh 18:32 ပူးပေါင်းရင်းမြစ်များ

Nau Ngluh Êjipt 28:43

Y-Arôn jêh ri phung kon bu klâu păng mra nsoh kho nây ăp tơ̆ khân păng lăp tâm Ngih Bok Nau Tâm Rƀŭn mâu lah nôk khân păng văch dăch nơng ƀư brah gay pah kan tâm Ntŭk Kloh Ueh; lah mâu geh khân păng mra geh nau tih jêh ri khĭt. Nây jêng du nau vay n'ho ro ma Y-Arôn jêh ri ma phung kon sau păng.”

Kan Lêvi 19:8

Bunuyh nây mra anh nau tih păng nơm, yorlah păng hŏ ƀư mhĭk tât ta ndơ kloh ueh Brah Yêhôva jêh ri mprơh lơi păng luh bơh phung ƀon lan.

Kan Lêvi 22:2

“Lah hom ma Y-Arôn jêh ri ma phung kon bu klâu păng, njrăng hom đah lĕ ndơ nhhơr kloh ueh phung ƀon lan Israel nhhơr ma Gâp, gay ma khân păng mâu ôh ngơi sưr ma amoh kloh ueh Gâp. Gâp jêng Brah Yêhôva.

Malachi 1:7

“Khân may nhhơr piăng let ƀơ̆ ƀơch ta nơng ƀư Brah Gâp, jêh ri lah: ‘Phung hên ntŭk hŏ geh ƀư ƀơ̆ ƀơch ma May?’ Khân may mĭn rvê pô aơ: ‘Nơng bơh Brah Yêhôva jêng ndơ mưch rmot.’

Nau Kơp Bunuyh 18:22

Ntơm bơh aơ tât ô klak, phung ƀon lan Israel mâu dơi văch dăch ôh Ngih Bok Nau Tâm Rƀŭn, klach lah khân păng geh nau tih jêh ri khĭt.

Nau Kơp Bunuyh 18:31

Khân may jêh ri phung tâm ngih khân may dơi sa lĕ ndơ nhhơr nây tâm moh ntŭk khân may ŭch, yorlah nây jêng nau nkhôm ma nau pah kan tâm Ngih Bok Nau Tâm Rƀŭn.

Nau Kơp Bunuyh 19:1

Brah Yêhôva lah tay ma Y-Môis jêh ri Y-Arôn:

I Kôrintô 11:27

Yor ri, mbu nơm sa piăng let mâu lah nhêt kachok Kôranh Brah mâu tâm gop ma săk Păng, nơm nây jêng tih đah nglay săk jêh ri đah mham Kôranh Brah.

I Kôrintô 11:29

Yorlah mbu nơm sa piăng let mâu lah nhêt kachok aơ blă blơ, păng mâu kơp ndơ nây jêng săk jăn Kôranh Brah. Pôri păng dơn nau bu phat dôih dôl păng nhêt sa.