Nau Kơp Bunuyh 18:3 - Nau Brah Ndu Ngơi 2023

³ Khân păng mra kơl kan may jêh ri ƀư lĕ kan di ma Ngih Bok, ƀiălah khân păng mâu dơi hăn dăch ma ndơ dŏng tâm Ntŭk Kloh Ueh mâu lah ma nơng ƀư brah ôh, klach lah khân păng jêh ri may khĭt.

Nau Kơp Bunuyh 18:3 ပူးပေါင်းရင်းမြစ်များ

Êsêkiêl 44:13

Khân păng mâu mra văch dăch Gâp ôh gay ƀư lôch nau kan kôranh ƀư brah tanăp măt Gâp. Mâu lĕ khân păng mâu mra văch dăch ôh ma moh ndơ kloh ueh Gâp mâu lah ndơ dŭt kloh ueh, ƀiălah mra anh nau bêk prêng jêh ri lĕ rngôch nau mhĭk khân păng hŏ ƀư jêh.

Nau Kơp Bunuyh 1:51

Ăp tơ̆ ngih bok trơn ntŭk pôri phung Lêvi mra rơih păng jêh ri tơlah tât ntŭk ndâk tay Ngih Bok, khân păng mra ndâk păng. Tơlah bunuyh êng hăn dăch mra nkhĭt.

Nau Kơp Bunuyh 1:53

Ƀiălah phung Lêvi mra ndâk ngih bok gŭ jŭm Ngih Bok Nau Tâm Rnglăp gay nau ji nuih mâu nkhŭt ta phung ƀon lan Israel tâm rƀŭn. Phung Lêvi mra djôt kan chiă uănh Ngih Bok Nau Tâm Rnglăp.

Nau Kơp Bunuyh 16:40

Nau aơ nkah ăn gĭt ma phung ƀon lan Israel pô aơ mâu geh ôh du huê nơm, knŏng noi deh Arôn, dơi vay hăn dăch gay gŭch ndơ ƀâu kah tanăp Brah Yêhôva; lah mâu, bunuyh nây mra jêng nâm bu Y-Kôra jêh ri phung ndrel ma păng, di nâm nau Brah Yêhôva hŏ ntăm jêh ma Y-Môis.

Nau Kơp Bunuyh 18:4

Pônây khân păng mra tâm rnglăp đah may gay djôt kan chiă uănh ma Ngih Bok Nau Tâm Rƀŭn jêh ri ƀư nau kan tâm Ngih Bok; jêh ri mâu hôm geh nơm êng dơi văch dăch ôh.

Nau Kơp Bunuyh 18:7

Ƀiălah may jêh ri phung kon bu klâu may njrăng pah kan kôranh ƀư brah khân may ma lĕ rngôch nau di ma nơng ƀư brah jêh ri ndơ tâm trôm bok nching. Gâp ăn ma may ƀư nau pah kan kôranh ƀư brah nâm bu du ndơ ăn. Bunuyh êng văch dăch pah kan nây bu mra nkhĭt păng.”

Nau Kơp Bunuyh 3:25

Nau kan phung kon bu klâu Y-Gersôn tâm Ngih Bok Nau Tâm Rƀŭn jêng djôt kan chiă uănh lĕ rngôch ndơ tâm Ngih Bok, ngih bok nđâp ma lĕ bok nkŭm jêh ri bok nching ta bôk mpông Ngih Bok Nau Tâm Rƀŭn,

Nau Kơp Bunuyh 3:31

Phung Kôhat djôt kan chiă uănh Hip Nau Tâm Rnglăp, sưng, jâng kađen, lĕ rngôch nơng ƀư brah, lĕ ndơ dŏng ma ntŭk kloh ueh dŏng tâm kan yơk mbah, bok nching jêh ri lĕ ndơ kan dŏng tât nau djôt prăp ta ntŭk kloh ueh.

Nau Kơp Bunuyh 3:36

Khân păng geh nau kan mât uănh lĕ kađar Ngih Bok, mâng nđăng, meh n'gâng, rnơl, lĕ ndơ dŏng jêh ri lĕ rngôch ndơ êng;

Nau Kơp Bunuyh 31:30

Bi du n'gul ri ma phung ƀon lan Israel, ăn may sŏk du kô̆ tâm prăm jât, mâu lah bunuyh mâu lah ndrôk mâu lah seh bri mâu lah biăp, jêng lĕ rngôch mpô mpa rong, jêh ri jao ma phung Lêvi, jêng phung sâm dơn djôt kan chiă uănh Ngih Bok Brah Yêhôva.”

Nau Kơp Bunuyh 4:15

Lah jêh Y-Arôn jêh ri phung kon bu klâu păng hŏ nkŭm jêh ntŭk kloh ueh jêh ri lĕ ndơ dŏng kloh ueh lôch jêh, jêh ri dôl phung ƀon lan ndrăp jêh hăn du luh, phung kon bu klâu Y-Kôhat văch hom tung lĕ ndơ dŏng, ƀiălah khân păng mâu dơi mpât ôh tât lĕ ndơ kloh ueh, klach lah khân păng mra khĭt. Nây jêng lĕ ndơ dŏng tâm Ngih Bok Nau Tâm Rƀŭn ma phung kon bu klâu Y-Kôhat mra tung hom.