Nau Kơp Bunuyh 18:23 - Nau Brah Ndu Ngơi 2023

²³ Ƀiălah phung Lêvi mra pah kan tâm Ngih Bok Nau Tâm Rƀŭn jêh ri khân păng mra anh nau tih khân păng. Khân păng mâu mra geh drăp ndơn ôh ta nklang phung ƀon lan Israel. Nĕ jêng du nau vay dăp n'ho ro tâm lĕ rngôch rô̆.

Nau Kơp Bunuyh 18:23 ပူးပေါင်းရင်းမြစ်များ

Nau Ngluh Êjipt 27:21

Tâm Ngih Bok Nau Tâm Rƀŭn mpeh padih bok panăp Hip Nau Tâm Rnglăp, Y-Arôn jêh ri phung kon bu klâu păng mra mât mray ŭnh kađen ăn ang mro tanăp Brah Yêhôva ntơm bôk măng tât ôi. Aơ mra jêng nau vay dăp n'ho ro ma lĕ rnôk rô̆ phung ƀon lan Israel.”

Êsêkiêl 44:10

Dôl phung Israel vĭ nhhơt pôri phung Lêvi du ngai đah Gâp tâm ban lĕ, chalơi Gâp gay pah kan phung rup brah; khân păng mra anh nau tih khân păng nơm.

Nau Kơp Bunuyh 18:1

Brah Yêhôva lah ma Y-Arôn: “May, phung kon bu klâu may, ndŭl mpôl may ndrel ma may mra anh lĕ nau tih tât ma Ntŭk Kloh Ueh; bi ma may, phung kon bu klâu may nđâp ma may mra anh lĕ nau tih tât ma nau pah kan kôranh ƀư brah.

Nau Kơp Bunuyh 18:20

Brah Yêhôva lah ma Y-Arôn: “May mâu mra geh drăp ndơn ôh tâm n'gor nây jêh ri đŏng mâu geh moh kô̆ ta nklang phung ƀon lan nây; Gâp nơm jêng kô̆ prăp ma may jêh ri jêng drăp ndơn may ta nklang phung ƀon lan Israel.

Nau Kơp Bunuyh 19:21

Aơ mra jêng ma du nau vay dăp n'ho ro ma phung ƀon lan. Mbu nơm nsrih dak ma dak jut tho nau ƀơ̆ mra pih kho ao păng; mbu nơm pah dak jut tho nau ƀơ̆ mra jêng ƀơ̆ ƀơch tât kêng măng.

Nau Kơp Bunuyh 26:62

Lĕ rngôch bu klâu ntơm du khay leo klơ hŏ kơp jêng bar rmưn pe rbăn nuyh. Phung Lêvi mâu dơi kơp ndrel ma rnoh bunuyh phung ƀon lan Israel, yorlah phung Lêvi mâu dơn drăp ndơn ta nklang phung ƀon lan Israel.

Nau Kơp Bunuyh 3:7

Phung Lêvi mra ƀư lĕ nau kan ma Y-Arôn jêh ri ma lĕ rngôch phung tâm rƀŭn ta ntŭk Ngih Bok Nau Tâm Rƀŭn ma nau pah kan tâm Ngih Bok.

Nau Kơp Bunuyh 35:29

Nĕ jêng nau vay dăp jêh ri nau vay ƀư gay khân may ƀư tĭng hom tâm lĕ rngôch rô̆ khân jêh ri tâm lĕ rngôch ntŭk khân may gŭ.

Nau Vay Nkah Tay 10:9

Yor ri, ndŭl mpôl Lêvi mâu dơi pă ôh du kô̆ neh jêng drăp ndơn tâm ban ma ndŭl mpôl khân may, yorlah Brah Yêhôva jêng drăp ndơn khân păng, tĭng nâm nau Yêhôva Brah Ndu lah jêh ma khân păng.

Yôsuê 13:14

Y-Môis mâu ăn drăp ndơn ma ndŭl mpôl Lêvi yor lĕ ndơ ƀư brah nhhơr ăn ŭnh sa ma Yêhôva Brah Ndu Israel jêng drăp ndơn khân păng tĭng nâm Păng lah jêh ma Y-Môis.