Nau Kơp Bunuyh 18:21 - Nau Brah Ndu Ngơi 2023

²¹ Bi ma kon sau Lêvi, aơ Gâp hŏ ăn ma lĕ rngôch pi kô̆ tâm jât bơh phung Israel, jêng drăp ndơn gay plơ̆ ma nau kan khân păng ƀư, kan khân păng ƀư tâm Ngih Bok Nau Tâm Rƀŭn.

Nau Kơp Bunuyh 18:21 ပူးပေါင်းရင်းမြစ်များ

Nau Ntơm 14:20

Tâm rnê ma Brah Ndu Dŭt Prêh Nơm hŏ jao phung rlăng tâm ti may!” Y-Abram nhhơr ma hađăch du kô̆ tâm jât lĕ ndơ sŏk jêh.

Nau Ntơm 47:24

Tât yan kăch, khân may ăn du kô̆ tâm prăm ma Pharaôn, bi ma puăn kô̆ ri ma khân may nơm gay jêng găr ntil jêh ri ndơ sông sa ma khân may, ma phung tâm ngih jêh ri ma phung kon khân may.”

Nau Ntơm 47:26

Pôri Y-Yôsep njêng du nau vay dăp ma neh ntu ta n'gor Êjipt, n'ho hôm tât aƀaơ, ăn ma Pharaôn du kô̆ tâm prăm ndơ khân păng geh. Knŏng neh phung kôranh ƀư brah mâu ôh jêng drăp Pharaôn.

II Nau Rêh Jêng 31:12

khân păng răp jăp djôt lĕ ndô ndơ nhhơr, du kô̆ tâm jât jêh ri lĕ ndơ kloh êng êng. Kôranh mât chiă ndơ nây jêng Y-Kênania, phung Lêvi, ndrel ma Y-Simei oh păng jêng nơm groi kâp kơl.

Nêhêmi 10:29

tâm rnglăp ndrel phung oh nâu jêh ri phung ndrŏng khân păng gay sơm ton hăn tĭng tâm nau vay Brah Ndu hŏ ăn jêh ma Y-Môis, oh mon Păng, jêh ri djôt prăp, ƀư tĭng kơt lĕ rngôch nau vay ntăm, nau vay ƀư jêh ri nau vay dăp bơh Brah Yêhôva jêng Kôranh Brah hên.

Nêhêmi 10:37

Hên hŏ ton tâm ban lĕ djôt leo tât ta lĕ jay kloh ueh ngih Brah Ndu rnih ueh lor lơn, lĕ ndơ ƀư brah, kao play tâm lĕ ntil tơm play, ndrănh mhe jêh ri dak ngi ôlive, jêh nây jao ma phung kôranh ƀư brah. Hôm du kô̆ tâm jât kao play luh tă tâm neh, hên djôt leo chê̆ ma phung Lêvi jêng phung sŏk du kô̆ tâm jât kao play bơh neh lŏ tâm lĕ rngôch ƀon hên.

Nêhêmi 10:38

Phung kôranh ƀư brah, kon sau Y-Arôn, mra hăn ndrel phung Lêvi, tơlah khân păng sŏk pi du kô̆ tâm jât; jêh nây khân păng mra djôt leo ndơ du kô̆ tâm jât nây ma tât ngih Brah Ndu hên, bun ăn tâm lĕ jrô prăp drăp ndơ kloh ueh.

Nêhêmi 12:44

Tâm nar nây, bu njêng phung mât uănh lĕ jrô prăp lĕ ndơ nhhơr, kao play bôk yan, jêh ri lĕ ndơ nhhơr du kô̆ tâm jât. Tă bơh lĕ mir jŭm ƀon, khân păng djôt leo ta jay prăp ma phung kôranh ƀư brah jêh ri phung Lêvi tĭng nau vay hŏ veh jêh, yorlah phung Yuđa di nuih n'hâm ma nau pah kan bơh phung kôranh ƀư brah jêh ri bơh phung Lêvi.

Nêhêmi 12:47

Tâm rnôk rô̆ Y-Sôrôƀaƀel jêh ri Y-Nêhêmi, lĕ rngôch phung Israel ăn ndơ sông sa ăp nar ma phung mprơ jêh ri phung gak njrăng mpông pêr. Khân păng tâm ban đŏng prăp êng ndơ sông sa ma phung Lêvi, jêh ri phung Lêvi prăp êng ndơ sông sa ma phung kôranh ƀư brah, phung kon sau Y-Arôn.

Nêhêmi 13:12

Rnôk nây lĕ rngôch phung Yuđa djôt leo da dê du kô̆ tâm jât ba ƀlê, ndrănh mhe jêh ri dak ngi ôlive ăn tâm jay prăp.

Nêhêmi 13:5

jêh ri jêng mpôl băl ma Y-Tôbia, hŏ ăn ma Y-Tôbia du jrô toyh jêng ta ntŭk nây ntơm saơm bu dŏng gay prăp ndơ ƀư brah rnih môi, ndơ ƀâu kah, ndơ dŏng, du kô̆ tâm jât ma ba ƀlê, ndrănh mhe jêh ri dak ngi ôlive, jêng lĕ ndơ tĭng nau vay ntăm prăp ma phung Lêvi, ma phung mprơ jêh ri ma phung gak njrăng mpông pêr, nđâp ma ndơ nhhơr prăp ma phung kôranh ƀư brah.

Malachi 2:4

Pôri mơ khân may mra gĭt Gâp hŏ mbơh nau ntăm aơ ma khân may, gay djôt prăp nau tâm rnglăp Gâp đah phung Lêvi.” Brah Yêhôva ma phung tahan lah kơt nây.

Malachi 3:10

Lĕ ndơ du kô̆ tâm jât, ăn khân may nhhơr ăn nŭm ta jay prăp, gay geh ndơ sa tâm ngih brah Gâp. Jêh ri ntơm bơh aƀaơ, Brah Yêhôva ma phung tahan, sŏk hom nau aơ gay rlong uănh Gâp, gĭt lah Gâp pơk mpông bloh tâm trôk, nkhŭt nau ueh lăng ma khân may âk ngăn kŏ tât mâu tŏng ntŭk khân may ma dơ!

Nau Kơp Bunuyh 18:6

Aơ, Gâp nơm hŏ săch jêh phung oh nâu khân may jêng phung Lêvi tă bơh ta nklang phung ƀon lan Israel jêh ri ăn ma khân păng, yorlah khân may hŏ nhhơr jêh ma Brah Yêhôva gay pah kan tâm Ngih Bok Nau Tâm Rƀŭn.

Nau Kơp Bunuyh 3:6

“Djôt leo hom ndŭl mpôl Lêvi tâm mpơl măt panăp kôranh ƀư brah Y-Arôn gay pah kan ma păng.

Nau Kơp Bunuyh 31:28

Tâm kô̆ prăp ma phung tahan hŏ hăn jêh tâm lơh, mâu lah bunuyh, mâu lah ndrôk mâu lah seh bri mâu lah biăp, ăn may sŏk du kô̆ tâm prăm rhiăng djôt leo nhhơr ma Brah Yêhôva.

Galati 6:6

Mbu nơm tăng bu nti nau chroh, tâm pă hom lĕ rngôch ndơ ueh ăn ma nơm nti lah ma khân păng.

Nau Vay Nkah Tay 18:8

Nơm nây mra dơn kô̆ ndơ sông sa tâm ban ma lĕ rngôch oh nâu păng nơm, mâu kơp ma mpa păng geh bơh ndơ păng tăch drăp ndơ mbơ̆ păng.”

ហេឞ្រើ 7:5

Tĭng du nau đă tâm nau vay, phung kon sau Y-Lêvi jêng phung kôranh ƀư brah dơi sŏk dơn du kô̆ tâm jât bơh phung ƀon lan, nâm bu ntĭt bơh phung oh nâu khân păng, nđâp tơlah khân păng nơm ăt luh tă bơh Y-Abraham da dê.