Nau Kơp Bunuyh 18:20 - Nau Brah Ndu Ngơi 2023

²⁰ Brah Yêhôva lah ma Y-Arôn: “May mâu mra geh drăp ndơn ôh tâm n'gor nây jêh ri đŏng mâu geh moh kô̆ ta nklang phung ƀon lan nây; Gâp nơm jêng kô̆ prăp ma may jêh ri jêng drăp ndơn may ta nklang phung ƀon lan Israel.

Nau Kơp Bunuyh 18:20 ပူးပေါင်းရင်းမြစ်များ

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Nau Mprơ Ơm 142:5

Ơ Brah Yêhôva, gâp kuăl dăn ma May pô aơ: “May jêng ntŭk gâp gŭ krap, Jêng ndơ bu pă ma gâp tâm n'gor bri phung rêh.”

Nau Mprơ Ơm 16:5

Brah Yêhôva jêng drăp ndơn jêh ri jêng kachok gâp; Păng yơh chiă uănh jêng drăp ndơ gâp

Nau Mprơ Ơm 73:26

Nglay săk jêh ri play nuih gâp mra roh rai, Ƀiălah Brah Ndu jêng nau ktang ma nuih n'hâm gâp; Jêh ri jêng ndơ ma gâp n'ho ro.

Nau Nhĭm Vơl 3:24

Gâp lah êng, “Brah Yêhôva jêng drăp ndơn ma gâp, Yor nây gâp kâp gân ta Păng.”

Êsêkiêl 44:28

Bi ma drăp ndơ gay prăp ăn ma khân păng Gâp nơm yơh jêng drăp ndơ ma khân păng. Lơi ta khân may ăn ma khân păng ôh du ntil drăp ndơn tâm bri Israel Gâp nơm yơh jêng drăp ndơn ma khân păng.

Nau Kơp Bunuyh 18:7

Ƀiălah may jêh ri phung kon bu klâu may njrăng pah kan kôranh ƀư brah khân may ma lĕ rngôch nau di ma nơng ƀư brah jêh ri ndơ tâm trôm bok nching. Gâp ăn ma may ƀư nau pah kan kôranh ƀư brah nâm bu du ndơ ăn. Bunuyh êng văch dăch pah kan nây bu mra nkhĭt păng.”

Nau Kơp Bunuyh 26:62

Lĕ rngôch bu klâu ntơm du khay leo klơ hŏ kơp jêng bar rmưn pe rbăn nuyh. Phung Lêvi mâu dơi kơp ndrel ma rnoh bunuyh phung ƀon lan Israel, yorlah phung Lêvi mâu dơn drăp ndơn ta nklang phung ƀon lan Israel.

Nau Vay Nkah Tay 10:9

Yor ri, ndŭl mpôl Lêvi mâu dơi pă ôh du kô̆ neh jêng drăp ndơn tâm ban ma ndŭl mpôl khân may, yorlah Brah Yêhôva jêng drăp ndơn khân păng, tĭng nâm nau Yêhôva Brah Ndu lah jêh ma khân păng.

Nau Vay Nkah Tay 12:12

Khân may mra hâk răm tanăp măt Yêhôva Brah Ndu nđâp ma phung kon bu klâu, phung kon bu ur, phung kơl kan bu klâu, phung kơl kan bu ur khân may, jêh ri nđâp ma phung Lêvi gŭ tâm ƀon toyh khân may, yorlah khân păng bu mâu geh ôh mâu lah dơn drăp ndơn ndrel ma khân may.

Nau Vay Nkah Tay 14:27

Lơi dĭng chuêl ôh ma phung Lêvi gŭ tâm ƀon toyh khân may, yorlah khân păng mâu geh ôh du kô̆ neh tâm pă mâu lah dơn drăp ndơn ndrel ma khân may.

Nau Vay Nkah Tay 14:29

Nôk nây phung Lêvi, yorlah khân păng mâu geh ôh kô̆ tâm pă jêh ri mâu đŏng dơn nsum drăp ndơn ndrel ma khân may, phung bu năch, phung kon đơi, jêh ri phung bu ur ndrô gŭ tâm ƀon toyh khân may dơi văch da dê sa nhêt ăn hơm. Pônây, Yêhôva Brah Ndu khân may mra ăn nau ueh uĭn ma lĕ rngôch nau kan khân may ƀư.”

Yôsuê 13:14

Y-Môis mâu ăn drăp ndơn ma ndŭl mpôl Lêvi yor lĕ ndơ ƀư brah nhhơr ăn ŭnh sa ma Yêhôva Brah Ndu Israel jêng drăp ndơn khân păng tĭng nâm Păng lah jêh ma Y-Môis.

Yôsuê 13:33

Ƀiălah Y-Môis mâu ăn drăp ndơn ma ndŭl mpôl Lêvi, yorlah Yêhôva Brah Ndu Israel jêng drăp ndơn ma khân păng, di nâm nau Păng lah jêh ma khân păng.

Yôsuê 14:3

Y-Môis ăn jêh drăp ndơn ma bar ndŭl mpôl jêh ri du n'gul ndŭl mpôl gŭ ta đah ri dak krong Yurdan, ƀiălah păng mâu ăn ôh drăp ndơn ma phung Lêvi gŭ vah vang lĕ ndŭl mpôl.

Yôsuê 18:7

Ƀiălah bu mâu pă ôh neh ma phung Lêvi ndrel ma khân may, yorlah nau kan kôranh ƀư brah ma Brah Yêhôva jêng kô̆ drăp ndơn ma khân păng. Bi phung Gat, phung Ruben jêh ri du n'gul ndŭl mpôl Manasê hŏ dơn sŏk jêh kô̆ drăp ndơn bơh Y-Môis, oh mon Brah Yêhôva, ăn jêh ma khân păng ta kơh đah ri dak krong Yurdan mpeh luh nar.”

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.