Nau Kơp Bunuyh 18:2 - Nau Brah Ndu Ngơi 2023

² Ăn njŭn đŏng phung oh nâu may tâm noi deh Lêvi, jêng noi deh chô yau may, gay khân păng hăn văch ma may jêh ri kâp kơl ma may tâm nôk may jêh ri phung kon bu klâu may dơi pah kan panăp Ngih Bok Nau Tâm Rnglăp.

Nau Kơp Bunuyh 18:2 ပူးပေါင်းရင်းမြစ်များ

Nau Ntơm 29:34

Păng ntreo jêh ri deh đŏng ma du huê kon bu klâu. Păng lah: “Aƀaơ aơ, sai gâp mra tâm krêp đah gâp, yorlah gâp hŏ deh ăn ma păng pe nuyh kon bu klâu.” Yor ri, bu tâm amoh păng Y-Lêvi.

II Nau Rêh Jêng 30:16

Khân păng hăn gŭ tâm ntŭk vay kan, nâm bu hŏ dăp jêh tâm nau vay Y-Môis, bunuyh Brah Ndu, jêh ri phung kôranh ƀư brah sŏk mham tâm ti phung Lêvi jêh ri nsrih mham nây.

Êsêkiêl 44:11

Nđâp lah pônây, khân păng pah kan tâm ntŭk kloh Gâp, ƀư nuyh chiă uănh mpông ngih brah jêh ri pah kan ma Gâp. Khân păng mra nkhĭt lĕ mpa ƀư brah gay ƀư ndơ ƀư brah gŭch jêh ri ƀư brah êng ăn ma phung ƀon lan; khân păng dâk tanăp măt phung ƀon lan gay pah kan.

Êsêkiêl 44:15

“Bi phung kôranh ƀư brah noi deh Lêvi, phung kon sau Y-Sadôk, hôm e mât mray ntŭk kloh ueh Gâp tơlah phung ƀon lan Israel vĭ nhhơt du ngai đah Gâp. Lĕ rngôch phung nây mra văch dăch Gâp gay pah kan ma Gâp. Khân păng mra dâk tanăp Gâp gay nhhơr ngi jêh ri mham, Kôranh Brah Yêhôva lah pônây.

Malachi 2:4

Pôri mơ khân may mra gĭt Gâp hŏ mbơh nau ntăm aơ ma khân may, gay djôt prăp nau tâm rnglăp Gâp đah phung Lêvi.” Brah Yêhôva ma phung tahan lah kơt nây.

Nau Kơp Bunuyh 1:53

Ƀiălah phung Lêvi mra ndâk ngih bok gŭ jŭm Ngih Bok Nau Tâm Rnglăp gay nau ji nuih mâu nkhŭt ta phung ƀon lan Israel tâm rƀŭn. Phung Lêvi mra djôt kan chiă uănh Ngih Bok Nau Tâm Rnglăp.

Nau Kơp Bunuyh 16:40

Nau aơ nkah ăn gĭt ma phung ƀon lan Israel pô aơ mâu geh ôh du huê nơm, knŏng noi deh Arôn, dơi vay hăn dăch gay gŭch ndơ ƀâu kah tanăp Brah Yêhôva; lah mâu, bunuyh nây mra jêng nâm bu Y-Kôra jêh ri phung ndrel ma păng, di nâm nau Brah Yêhôva hŏ ntăm jêh ma Y-Môis.

Nau Kơp Bunuyh 17:7

Y-Môis dơm lĕ rngôch mâng jra nây tanăp Brah Yêhôva tâm Ngih Bok Nau Tâm Rnglăp.

Nau Kơp Bunuyh 18:4

Pônây khân păng mra tâm rnglăp đah may gay djôt kan chiă uănh ma Ngih Bok Nau Tâm Rƀŭn jêh ri ƀư nau kan tâm Ngih Bok; jêh ri mâu hôm geh nơm êng dơi văch dăch ôh.

Nau Kơp Bunuyh 3:5

Brah Yêhôva ngơi đah Y-Môis:

Nau Kơp Bunuyh 4:15

Lah jêh Y-Arôn jêh ri phung kon bu klâu păng hŏ nkŭm jêh ntŭk kloh ueh jêh ri lĕ ndơ dŏng kloh ueh lôch jêh, jêh ri dôl phung ƀon lan ndrăp jêh hăn du luh, phung kon bu klâu Y-Kôhat văch hom tung lĕ ndơ dŏng, ƀiălah khân păng mâu dơi mpât ôh tât lĕ ndơ kloh ueh, klach lah khân păng mra khĭt. Nây jêng lĕ ndơ dŏng tâm Ngih Bok Nau Tâm Rƀŭn ma phung kon bu klâu Y-Kôhat mra tung hom.

Nau Kơp Bunuyh 8:19

Tă bơh ta nklang phung ƀon lan Israel, Gâp hŏ ăn jêh phung Lêvi jêng ndơ ăn ma Y-Arôn jêh ri ma phung kon bu klâu păng gay ƀư nau kan phung ƀon lan Israel ta Ngih Bok Nau Tâm Rƀŭn, jêh ri ƀư nau rƀŭn chuai nau tih ma phung ƀon lan Israel, gay khân păng mâu mra geh ôh nau mhĭk nôk khân păng hăn dăch ntŭk kloh ueh.”

Nau Kơp Bunuyh 8:22

Jêh nây, phung Lêvi lăp ƀư nau kan khân păng nơm tâm Ngih Bok Nau Tâm Rƀŭn tâm nau chiă uănh Y-Arôn jêh ri phung kon bu klâu păng. Bu ƀư ma phung Lêvi di nâm Brah Yêhôva hŏ ntăm jêh ma Y-Môis.

ហេឞ្រើ 9:6

Lĕ ndơ nây dăp lor jêh tâm ban pônây, jêh ri ăp nar phung kôranh ƀư brah lăp tâm jrô tal nguay ngih bok gay nkra lĕ nau vay tâm rƀŭn ma nau yơk mbah.