Nau Kơp Bunuyh 18:15 - Nau Brah Ndu Ngơi 2023

¹⁵ Lĕ rngôch kon bôk rah bơh bunuyh mâu lah mpô mpa rong, jêng ndơ phung ƀon lan Israel nhhơr ma Brah Yêhôva, mra jêng ndơ may. Ƀiălah may mra tâm chuai tay kon bôk rah bơh bunuyh jêh ri kon bôk rah bơh mpô mpa mâu kloh.

Nau Kơp Bunuyh 18:15 ပူးပေါင်းရင်းမြစ်များ

II Phung Hađăch 12:5

ăn phung kôranh ƀư brah sŏk dơn rnoh prăk nây tă bơh phung nhhơr gay nkra tay lĕ ntŭk bluh sat tâm ngih brah.”

Nêhêmi 10:37

Hên hŏ ton tâm ban lĕ djôt leo tât ta lĕ jay kloh ueh ngih Brah Ndu rnih ueh lor lơn, lĕ ndơ ƀư brah, kao play tâm lĕ ntil tơm play, ndrănh mhe jêh ri dak ngi ôlive, jêh nây jao ma phung kôranh ƀư brah. Hôm du kô̆ tâm jât kao play luh tă tâm neh, hên djôt leo chê̆ ma phung Lêvi jêng phung sŏk du kô̆ tâm jât kao play bơh neh lŏ tâm lĕ rngôch ƀon hên.

Nau Ngluh Êjipt 13:15

Nôk Pharaôn dăng nuih n'hâm mâu ăn ôh hên hăn du luh, Brah Yêhôva hŏ nkhĭt lĕ rngôch kon dak bôk tâm n'gor Êjipt, ntơm bơh kon bu klâu bôk rah bunuyh kŏ tât kon dak bôk mpô mpa rong. Yor nây dĭng gâp nhhơr ma Brah Yêhôva dĭng lĕ rngôch kon nkuăng dak bôk jêng ndơ ƀư brah, jêh ri tâm chuai kon bu klâu bôk rah tâm phung kon bu klâu gâp.’

Nau Ngluh Êjipt 13:2

“Ăn may nhhơr hom ma Gâp lĕ rngôch kon bôk rah bu deh jêh tâm phung Israel, nđâp bunuyh nđâp mpô mpa, yorlah lĕ rngôch kon dak bôk jêng ndơ Gâp da dê.”

Nau Ngluh Êjipt 22:29

May mâu dơi ôh mbrĕ mbrơi tâm nau nhhơr lĕ ndơ play dak bôk bơh mir may jêh ri ndrănh khân may. Ăn khân may nhhơr phung kon bu klâu bôk rah ma Gâp.

Nau Ngluh Êjipt 34:20

Ăn may chuai seh bri dak bôk đah du mlâm biăp kon mâu lah be kon. Tơlah mâu chuai ăn may juet lơi trô ko. Chuai hom lĕ rngôch phung kon bu klâu bôk rah may nơm. Lơi ăn du huê hăn tanăp măt Gâp ma ti dơm ôh.

Nau Kơp Bunuyh 18:16

Ma rnoh chuai tay, may mra chuai tay lĕ kon ntơm bơh du khay leo klơ jêh ri tâm nal rnoh jêng prăm jât prăm gram prăk, tĭng nâm sêkel tâm ntŭk kloh ueh; du sêkel jêng bar jât gêra.

Nau Kơp Bunuyh 3:13

yorlah lĕ rngôch kon bôk rah jêng ndơ Gâp. Ta nar Gâp rmal lĕ rngôch kon bôk rah tâm n'gor Êjipt, Gâp hŏ prăp êng ăn ma Gâp lĕ rngôch kon bôk rah tâm Israel, nđâp ma bunuyh jêh ri mpô mpa mra jêng ndơ Gâp. Gâp jêng Brah Yêhôva.”

Nau Kơp Bunuyh 3:46

Gay chuai tay phung bar rhiăng pơh jât ma pe nuyh phung kon bôk rah tâm phung ƀon lan Israel rmeh lơn ma rnoh phung Lêvi

Nau Vay Nkah Tay 15:19

“Ăn khân may prăp êng ma Yêhôva Brah Ndu khân lĕ rngôch kon nkuăng deh dak bôk tâm mpôl ndrôk, mpôl biăp mâu lah mpôl be khân may. Lơi dŏng ôh ndrôk nkuăng deh dak bôk ƀư kan, mâu đŏng kreh rsau biăp nkuăng deh dak bôk.