Nau Kơp Bunuyh 18:10 - Nau Brah Ndu Ngơi 2023

¹⁰ May sa hom ndơ nây nâm du ndơ dŭt kloh ueh; lĕ rngôch bunuyh bu klâu dơi sa ndơ nây jêh ri ndơ nây mra jêng du ndơ kloh ueh ma may.

Nau Kơp Bunuyh 18:10 ပူးပေါင်းရင်းမြစ်များ

Êsêkiêl 42:13

Rnôk nây, păng lah ma gâp pô aơ: “Lĕ rngôch jrô mpeh pa lơ jêh ri lĕ jrô mpeh pa dâng tanăp nkual ngih brah jêng lĕ jrô kloh ueh, jêng ntŭk phung kôranh ƀư brah hăn dăch Brah Yêhôva mra sa ndơ ƀư brah kloh ueh ngăn. Phung kôranh nây mra ăn ta nây ndơ ƀư brah kloh ngăn, ndơ ƀư brah rnih môi, ndơ ƀư brah chuai nau ƀư tih jêh ri ndơ ƀư brah chuai nau tih yorlah ntŭk nây jêng kloh ueh.

Kan Lêvi 10:13

Sa hom ndơ ƀư brah nây ta du ntŭk kloh ueh yorlah nĕ jêng kô̆ prăp ma may jêh ri phung kon bu klâu may, sŏk bơh lĕ ndơ nhhơr ăn ŭnh sa nhhơr ma Brah Yêhôva. Nĕ jêng nau Brah Yêhôva hŏ ntăm jêh ma gâp.

Kan Lêvi 10:17

“Mâm ƀư khân may mâu sa puăch mpa ƀư brah chuai nau tih tâm du ntŭk kloh ueh? Nĕ jêng du kô̆ dŭt kloh ueh, ndơ Brah Yêhôva hŏ ăn jêh ma khân may gay ma khân may dơi tuy nau tih tâm lĕ phung tâm rƀŭn jêh ri ƀư ndơ ƀư brah chuai nau tih ma khân păng tanăp Brah Yêhôva.

Kan Lêvi 14:13

Jêh nây kôranh ƀư brah nkhĭt biăp nây tâm ntŭk bu vay nkhĭt mpa ƀư brah chuai nau tih jêh ri ndơ ƀư brah gŭch, tâm ntŭk kloh ueh; yorlah ndơ ƀư brah chuai nau ƀư tih ăt prăp ma kôranh ƀư brah nâm ndơ ƀư brah chuai nau tih, nĕ jêng ndơ dŭt kloh ueh.

Kan Lêvi 21:22

Nơm nây dơi sa ndơ sông sa ma Brah Ndu, nđâp ma lĕ ndơ dŭt kloh ueh jêh ri lĕ ndơ prăp êng ma nau kloh ueh,

Kan Lêvi 6:16

Y-Arôn jêh ri phung kôranh ƀư brah tâm noi deh Y-Arôn mra sa moh ndơ hôm e, ƀiălah khân păng mra sa piăng let mâu geh ndrui jêh ri sa tâm du ntŭk kloh ueh, jêng ntŭk tâm ndring Ngih Bok Nau Tâm Rƀŭn.

Kan Lêvi 6:18

Lĕ rngôch bu klâu tâm noi deh Y-Arôn dơi sa ndơ nây. Nĕ jêng nau vay n'ho ro ma lĕ rngôch rnôk phung kon, bơh lĕ ndơ ƀư brah ăn ŭnh sa nhhơr ma Brah Yêhôva. Mbu nơm pah ta lĕ ndơ ƀư brah nây mra jêng nau mhĭk yorlah ndơ ƀư brah nây jêng ndơ kloh ueh.

Kan Lêvi 6:26

Kôranh ƀư brah nhhơr mpa ƀư brah chuai nau tih mra sa ndơ nhhơr nây tâm du ntŭk kloh ueh, jêng tâm ndring Ngih Bok Nau Tâm Rƀŭn.

Kan Lêvi 6:29

Lĕ rngôch bu klâu tâm rnăk vâl kôranh ƀư brah dơi sa ndơ nây da dê, nĕ jêng du kô̆ dŭt kloh ueh.

Kan Lêvi 7:6

Lĕ rngôch bu klâu tâm rnăk vâl kôranh ƀư brah dơi sa ndơ nây da dê tâm du ntŭk kloh ueh; nây jêng ndơ dŭt kloh ueh.

Nau Kơp Bunuyh 18:11

Lĕ ndơ nhhơr nây đŏng mra jêng ndơ may: Jêng ndơ ƀư brah jêh ri lĕ rngôch ndơ nhhơr phung ƀon lan Israel nhhơr ryeng pa tê̆ ryeng pa djaơ, Gâp ăn ma may jêh ri ma phung kon bu klâu may, phung kon bu ur may nâm du nau vay n'ho ro. Lĕ rngôch phung geh nau kloh tâm ngih may mra dơi sa lĕ ndơ nây.

Nau Kơp Bunuyh 18:9

Aơ jêng ndơ may tă bơh lĕ ndơ dŭt kloh ueh jêh mâu geh su ôh, phung ƀon lan Israel nhhơr ma Gâp: Lĕ rngôch ndơ nhhơr khân may, ndơ ƀư brah rnih môi, ndơ ƀư brah chuai nau tih, ndơ ƀư brah chuai geh nau tih. Lĕ ndơ dŭt kloh ueh nây prăp ma may jêh ri ma phung kon bu klâu may.