Nau Kơp Bunuyh 17:5 - Nau Brah Ndu Ngơi 2023

⁵ Tơlah mâng jra bunuyh Gâp săch, mâng păng mra luh kao. Kơt nĕ, Gâp mra ƀư mlo lĕ nau ngơi ƀrôk phung ƀon lan Israel tâm rdâng đah may.”

Nau Kơp Bunuyh 17:5 ပူးပေါင်းရင်းမြစ်များ

II Nau Rêh Jêng 26:16

Ƀiălah tơlah Y-Usia hŏ geh jêng jêh, păng geh nuih n'hâm sưr ƀư ăn ma păng nơm roh rai. Păng ƀư tih đah Yêhôva Brah Ndu păng, yorlah păng hŏ lăp tâm ngih Brah Yêhôva gŭch ndơ ƀâu kah ta Nơng ƀư brah gŭch ndơ ƀâu kah.

Êsra 2:62

Phung nây joi amoh săk khân păng tâm ndrom samƀŭt noi deh, ƀiălah mâu dơi joi ôh yor ri yơh bu kơp khân păng jêng ƀơ̆ ƀơch, jêh ri bu ngluh lơi khân păng tă bơh nau kan kôranh ƀư brah.

Nau Mprơ Ơm 105:26

Păng njuăl oh mon Păng jêng Y-Môis Jêh ri Y-Arôn nơm Păng săch jêh.

Nau Ngluh Êjipt 16:7

jêh ri ôi taơ, khân may mra saơ nau chrêk ma lơp Brah Yêhôva, yorlah Păng hŏ tăng jêh nau khân may nduyh Păng. Bi hên mbu nơm jêng, dĭng khân may nduyh ma hên?”

Êsai 11:1

Du mlâm nkeh mra hon bơh tơm Y-Yêsê, Du mlâm n'gĭng tă bơh reh păng mra geh play.

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 27:6

Tât mông Yakôb mra hon reh, Israel geh rmlom jêh ri dang kao, Jêh ri khân păng mra play bêng klơ neh.

Êsai 5:24

Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsêkiêl 16:41

Khân păng mra su ngih vâl ay, phat dôih ay tanăp măt âk phung bu ur. Gâp mra ƀư ma ay mâu hôm văng tĭr ôh jêh ri mâu hôm đŏng ăn prăk ma bu năch.

Êsêkiêl 23:27

Pôri, Gâp mra mƀăr lơi nau ay văng tĭr jêh ri nau ka n'hong ay djôt leo jêh tă bơh n'gor bri Êjipt. Ay mâu mra n'gơr măt uănh khân păng jêh ri mâu hôm kah gĭt ma Êjipt đŏng ôh.’

Ndrom Samƀŭt bơh Ôsê 14:5

Gâp mra jêng nâm bu dak ngom ma phung Israel; Păng mra luh kao nâm bu kao si ueh Jêh ri hon reh nâm bu krŏng bri Liban.

Nau Kơp Bunuyh 1:51

Ăp tơ̆ ngih bok trơn ntŭk pôri phung Lêvi mra rơih păng jêh ri tơlah tât ntŭk ndâk tay Ngih Bok, khân păng mra ndâk păng. Tơlah bunuyh êng hăn dăch mra nkhĭt.

Nau Kơp Bunuyh 11:1

Aƀaơ, phung ƀon lan ngơi ƀrôk jêh ri nau nây ƀư Brah Yêhôva mâu di nuih. Brah Yêhôva tăng jêh ri Păng hao ji nuih. Ŭnh Brah Yêhôva su ta nklang phung ƀon lan jêh ri su ma ŭnh ta pĭt ntŭk rmlak tahan.

Nau Kơp Bunuyh 16:11

Yor ri, may jêh ri lĕ rngôch phung hăn tĭng ma may rgum gay ŭch tâm rdâng đah Brah Yêhôva! Mbu Y-Arôn jêng kŏ tât khân may ngơi ƀrôk tâm rdâng đah păng?”

Nau Kơp Bunuyh 16:5

jêh ri păng lah ma Y-Kôra jêh ri ma lĕ rngôch phung hăn tĭng păng: “Ôi taơ, Brah Yêhôva mra tâm mpơl mbu nơm jêng phung Păng jêh ri mbu nơm jêng kloh ueh, jêh ri Păng mra ƀư ăn nơm nây hăn dăch Păng; nơm Păng săch mra ăn hăn dăch Păng.

Nau Kơp Bunuyh 17:10

Brah Yêhôva lah ma Y-Môis: “Sŏk tay hom mâng jra Y-Arôn dơm tay panăp Hip Nau Tâm Rnglăp gay prăp jêng du nau tâm mbên mbơh ma nau tâm rdâng. Ăn may ƀư mlo lĕ nau ngơi ƀrôk khân păng tâm rdâng đah Gâp, klach lah khân păng khĭt.”

Nau Kơp Bunuyh 17:6

Y-Môis ngơi ma phung ƀon lan Israel, jêh ri lĕ rngôch kôranh tĭng nâm ndŭl mpôl khân păng djôt leo chê̆ ma păng ăp nơm du mâng jra, jêng jât ma bar mlâm mâng jra. Mâng jra Y-Arôn gŭ ndrel ma lĕ mâng jra êng.

Nau Kơp Bunuyh 17:8

Ôi taơ, tơlah Y-Môis lăp tâm Ngih Bok Nau Tâm Rnglăp saơ ta mâng jra Y-Arôn, mpeh phung Lêvi hŏ chăt nse, mâu knŏng chăt nse ƀiălah ăt luh du kao jêh ri luh play amandê dŭm.

I Kôrintô 10:10

Jêh ri lơi ngơi ƀŭk dŭk suyh ôh nâm bu phung ƀaƀă tâm khân păng, jêh ri khân păng khĭt đah ti tông mpăr ƀư rai.

Yôsuê 4:7

khân may plơ̆ lah hom pô aơ: Dak ta dak krong Yurdan suăt tăch grăl tanăp Hip Nau Tâm Rnglăp Brah Yêhôva. Lah Hip Nau Tâm Rnglăp rgăn dak krong Yurdan dak krong tâm rnglah jêh ri lĕ rplay lŭ aơ jêng ndơ ndray n'ho ro ma phung ƀon lan Israel.”