Nau Kơp Bunuyh 16:9 - Nau Brah Ndu Ngơi 2023

⁹ Brah Ndu phung Israel hŏ prăp êng jêh khân may bơh phung Israel tâm rƀŭn, jêh ri djôt leo khân may hăn dăch Păng, gay ƀư kan tâm Ngih Bok Brah Yêhôva, jêh ri pah kan tanăp phung tâm rƀŭn. Nau pah kan ma khân păng jêng jê̆ lĕ?

Nau Kơp Bunuyh 16:9 ပူးပေါင်းရင်းမြစ်များ

Nau Ntơm 30:15

Ƀiălah H'Lêa lah: “Ê tŏng hĕ ay pĭt sŏk jêh sai gâp? Aƀaơ ay hôm ŭch sŏk play pom bri bơh kon gâp đŏng?” H'Rachel lah: “Pôri, gâp mra ăn Y-Yakôb bê̆ch ndrel ay măng aơ gay ma gâp dơi geh play pom bri kon ay.”

II Samuel 7:19

Hơi Kôranh Brah Yêhôva, nau may lah nây jêng du ndơ jê̆ tanăp măt May, dĭng May ngơi ma ngih oh mon May ma âk rô̆ rlet kăndơ̆? Hơi Kôranh Brah Yêhôva, di lĕ aơ jêng nau vay May ƀư ma lĕ rngôch bunuyh hĕ?

II Nau Rêh Jêng 35:3

Păng lah ma phung Lêvi dôl nti ma lĕ rngôch phung Israel jêh ri phung kloh ueh hŏ prăp êng jêh ma Brah Yêhôva: “Ăn hom Hip Nau Tâm Rnglăp Kloh ta ngih brah, Y-Salômôn kon bu klâu Y-Đavit, hađăch Israel, hŏ ndâk jêh. Khân may mâu hôm ŭch tung ôh Hip Nau Tâm Rnglăp klơ săng nglik khân may. Aƀaơ ri, pah kan hom ma Yêhôva Brah Ndu khân may jêh ri kơl kan ăn phung Israel jêng phung ƀon lan Păng.

Nêhêmi 12:44

Tâm nar nây, bu njêng phung mât uănh lĕ jrô prăp lĕ ndơ nhhơr, kao play bôk yan, jêh ri lĕ ndơ nhhơr du kô̆ tâm jât. Tă bơh lĕ mir jŭm ƀon, khân păng djôt leo ta jay prăp ma phung kôranh ƀư brah jêh ri phung Lêvi tĭng nau vay hŏ veh jêh, yorlah phung Yuđa di nuih n'hâm ma nau pah kan bơh phung kôranh ƀư brah jêh ri bơh phung Lêvi.

Êsai 7:13

Y-Êsai lah: “Hơi ngih Y-Đavit, iăt hom! Mâm khân may lah ƀư rsuak bu jêng nau kan jê̆, kŏ aƀaơ khân may ŭch ƀư rsuak Brah Ndu gâp đŏng?

Êsêkiêl 34:18

Phung khân may sa gơ̆ tâm ndrêch gơ̆ nse ueh mâu hŏ tŏng hĕ dĭng khân may sŏk jâng jot plên lơi gơ̆ hôm e? Khân may nhêt dak rsang mâu hŏ tŏng hĕ dĭng khân may sŏk jâng nchŭ lơi ăn rkhăl dak hôm e rmeh?

Êsêkiêl 44:16

Nây jêng phung mra lăp tâm ntŭk kloh ueh Gâp, văch dăch sưng Gâp gay pah kan ma Gâp jêh ri ƀư nau kan Gâp.

Nau Kơp Bunuyh 1:53

Ƀiălah phung Lêvi mra ndâk ngih bok gŭ jŭm Ngih Bok Nau Tâm Rnglăp gay nau ji nuih mâu nkhŭt ta phung ƀon lan Israel tâm rƀŭn. Phung Lêvi mra djôt kan chiă uănh Ngih Bok Nau Tâm Rnglăp.

Nau Kơp Bunuyh 16:13

Di lĕ jêng du nau jê̆ nau may hŏ njŭn leo hên du luh bơh n'gor bêng ma dak toh jêh ri dak sŭt, gay khĭt tâm bri rdah, gay njêng may nơm kôranh hên?

Nau Kơp Bunuyh 16:8

Y-Môis lah đah Y-Kôra: “Iăt hom, hơi phung kon bu klâu Lêvi!

Nau Kơp Bunuyh 3:6

“Djôt leo hom ndŭl mpôl Lêvi tâm mpơl măt panăp kôranh ƀư brah Y-Arôn gay pah kan ma păng.

Nau Kơp Bunuyh 3:9

Pônây, ăn may jao phung Lêvi ma Y-Arôn jêh ri ma phung kon bu klâu păng; yorlah bu hŏ săch jêh khân păng bơh phung ƀon lan Israel gay jao lĕ khân păng ma Y-Arôn.

Kôranh Oh Mon 13:2

Dôl khân păng yơk mbah ma Kôranh Brah jêh ri ât sông sa, Brah Huêng Ueh lah: “Prăp êng hom Y-Ƀarnaƀas jêh ri Y-Sôl ma kan Gâp hŏ kuăl khân păng.”

I Kôrintô 4:3

Bi ma gâp, nđâp tơlah khân may mâu lah ăp ntŭk ngih phat dôih kon bunuyh phat dôih, ăt mâu khlay ôh. Gâp mâu đŏng phat dôih gâp nơm.

Nau Vay Nkah Tay 10:8

Dôl nây, Brah Yêhôva prăp êng ndŭl mpôl Lêvi tung Hip Nau Tâm Rnglăp bơh Brah Yêhôva, gŭ tanăp Brah Yêhôva, gay pah kan ma Păng jêh ri sŏk amoh Păng gay ăn nau ueh uĭn, kŏ tât ta nar aơ.

I Samuel 18:23

Phung oh mon Y-Sôl ngơi đŏng lĕ nau nây ma Y-Đavit. Ƀiălah Y-Đavit lah: “Khân may mĭn jêng jê̆ lê̆ jêng klay ma hađăch? Gâp jêng du huê o ach jêh ri mâu geh nau lư n'găr ôh.”