Nau Kơp Bunuyh 16:5 - Nau Brah Ndu Ngơi 2023

⁵ jêh ri păng lah ma Y-Kôra jêh ri ma lĕ rngôch phung hăn tĭng păng: “Ôi taơ, Brah Yêhôva mra tâm mpơl mbu nơm jêng phung Păng jêh ri mbu nơm jêng kloh ueh, jêh ri Păng mra ƀư ăn nơm nây hăn dăch Păng; nơm Păng săch mra ăn hăn dăch Păng.

Nau Kơp Bunuyh 16:5 ပူးပေါင်းရင်းမြစ်များ

Nau Mprơ Ơm 105:26

Păng njuăl oh mon Păng jêng Y-Môis Jêh ri Y-Arôn nơm Păng săch jêh.

Nau Mprơ Ơm 115:10

Ơ ngih Arôn, rnơm nsing hom ma Brah Yêhôva: Păng jêng nơm kơl jêh ri khêl khân păng.

Nau Mprơ Ơm 65:4

Ueh uĭn ngăn ma nơm May dơi săch Jêh ri dơi vay tât gŭ tâm nkual ngih May. Hên mra geh nau hơm mpay ma lĕ nau ueh tâm ngih May, Jêng ngih brah kloh ueh May.

Nau Ngluh Êjipt 28:1

“Tă bơh tâm phung ƀon lan Israel, ăn may săch Y-Arôn, nâu may, jêh ri phung kon bu klâu păng jêng Y-Nadap, Y-Abihu, Y-Êlêasar, jêh ri Y-Ithamar, ăn pah kan ndơ ƀư brah ma Gâp.

Nau Ngluh Êjipt 28:41

Ăn may sŏk bok ao nây nsoh ma Y-Arôn, nâu may, jêh ri ma phung kon bu klâu păng. Ăn may mhĭng dak ƀâu kah ma khân păng, ăn n'hao kan jêh ri nhhơr khân păng gay ma khân păng kloh ueh ƀư nau kan kôranh ƀư brah ma Gâp.

Nau Ngluh Êjipt 28:43

Y-Arôn jêh ri phung kon bu klâu păng mra nsoh kho nây ăp tơ̆ khân păng lăp tâm Ngih Bok Nau Tâm Rƀŭn mâu lah nôk khân păng văch dăch nơng ƀư brah gay pah kan tâm Ntŭk Kloh Ueh; lah mâu geh khân păng mra geh nau tih jêh ri khĭt. Nây jêng du nau vay n'ho ro ma Y-Arôn jêh ri ma phung kon sau păng.”

Yêrêmi 30:21

Kôranh khân păng tât bơh khân păng, Bunuyh chiă uănh ăt luh bơh khân păng. Gâp mra njŭn nơm nây văch dăch Gâp, jêh ri păng mra văch dăch Gâp, Yorlah mbu nơm janh văch dăch Gâp? Brah Yêhôva lah pônây.

Yêrêmi 49:19

Nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ, Ƀât lât Gâp mra ƀư ăn ma phung Êđôm nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Yêrêmi 50:44

Aơ, nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ; Gâp mra ƀư ăn phung Babilôn ƀât lât nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Êsêkiêl 40:46

jêh ri jrô rlet mpeh pa lơ prăp ăn ma phung kôranh ƀư brah mât uănh nơng ƀư brah. Nây jêng phung kon bu klâu Y-Sadôk, nây jêng tâm nklang phung kon bu klâu Y-Lêvi văch dăch Brah Yêhôva gay ma pah kan ma Păng.”

Êsêkiêl 43:19

Kôranh Brah Yêhôva lah: ‘Dôl phung kôranh ƀư brah, mpôl Lêvi tâm noi deh Y-Sadôk, văch dăch Gâp, gay pah kan ma Gâp, may jao ăn hom ma khân păng du mlâm ndrôk nkuăng rah gay ma ƀư brah chuai nau tih.

Êsêkiêl 45:4

Nây jêng du kô̆ neh kloh ueh jêng nkual prăp ăn ma lĕ phung kôranh ƀư brah jêng nơm pah kan tâm ntŭk kloh ueh jêh ri văch dăch Brah Yêhôva gay pah kan ma Păng. Nây jêng ntŭk gay ndâk ngih ăn ma khân păng jêh ri du ntŭk kloh ueh ăn ntŭk kloh ueh.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Kan Lêvi 8:2

“Ăn may djôt leo hom Y-Arôn jêh ri phung kon bu klâu păng ndrel ma bok ao, dak ngi mhĭng, ndrôk ƀư ndơ ƀư brah chuai nau tih, bar mlâm biăp nkuăng jêh ri bĭ piăng let mâu geh ndrui,

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

Nau Kơp Bunuyh 16:3

khân păng tâm rƀŭn ndrel tâm rdâng đah Y-Môis jêh ri Y-Arôn. Khân păng phong: “Khân may ƀư jêh rmeh ir! Yorlah lĕ rngôch phung tâm rƀŭn jêng kloh ueh jêh ri Brah Yêhôva dôl gŭ ta nklang khân păng. Pôri, mâm khân may n'hao êng khân may nơm ta klơ lơn phung tâm rƀŭn Brah Yêhôva?”

Nau Kơp Bunuyh 16:6

Ơ Y-Kôra, ƀư hom nau aơ: May jêh ri lĕ rngôch phung hăn tĭng may, djôt hom khăl gŭch ƀâu kah;

Nau Kơp Bunuyh 17:5

Tơlah mâng jra bunuyh Gâp săch, mâng păng mra luh kao. Kơt nĕ, Gâp mra ƀư mlo lĕ nau ngơi ƀrôk phung ƀon lan Israel tâm rdâng đah may.”

Nau Kơp Bunuyh 17:8

Ôi taơ, tơlah Y-Môis lăp tâm Ngih Bok Nau Tâm Rnglăp saơ ta mâng jra Y-Arôn, mpeh phung Lêvi hŏ chăt nse, mâu knŏng chăt nse ƀiălah ăt luh du kao jêh ri luh play amandê dŭm.

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Kôranh Oh Mon 1:2

kŏ tât ta nar Brah Ndu sŏk Păng hao klơ trôk, jêh Păng nsing ma Brah Huêng Ueh gay ntĭm nti ma phung kôranh oh mon Păng săch jêh.

Kôranh Oh Mon 1:24

Jêh nây khân păng mbơh sơm pô aơ: “Ơ Kôranh Brah, May jêng Nơm gĭt rah vah nuih n'hâm lĕ rngôch bunuyh, dăn mpơl ma hên gĭt tâm bar hê aơ, mbu nơm May hŏ săch jêh

Kôranh Oh Mon 13:2

Dôl khân păng yơk mbah ma Kôranh Brah jêh ri ât sông sa, Brah Huêng Ueh lah: “Prăp êng hom Y-Ƀarnaƀas jêh ri Y-Sôl ma kan Gâp hŏ kuăl khân păng.”

Kôranh Oh Mon 15:7

Lôch jêh nau tâm nchră nanê̆ ngăn, Y-Pêtrôs dâk lah ma khân păng pô aơ: “Hơi phung oh nâu, khân may gĭt bơh saơm jêh, Brah Ndu hŏ săch gâp tâm phung khân may, gay bơh bâr mbung gâp, phung bu năch dơi tăng nau mbơh ma Nau Mhe Mhan Ueh jêh ri chroh.

Kôranh Oh Mon 22:14

Jêh ri păng lah: ‘Brah Ndu phung che he săch jêh may ăn gĭt nau Păng ŭch, ăn saơ Nơm Sŏng Srăng, jêh ri ăn iăt nau tă bơh bâr mbung Păng ngơi.

Êphêsô 2:13

Ƀiălah tâm Brah Yêsu Krist, khân may jêng phung kăl e ri gŭ ngai, aƀaơ aơ khân may gŭ dăch jêh yor mham Brah Krist.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

ហេឞ្រើ 12:14

Joi hom nau đăp mpăn ma lĕ rngôch bunuyh jêh ri tĭng joi nau kloh ueh; yorlah tơlah mâu gŭ kloh ueh, mâu geh du huê dơi saơ Kôranh Brah ôh.

Nau Tâm Mpơl 1:6

jêh ri ƀư ma he plơ̆ jêng ƀon bri hađăch, plơ̆ jêng phung kôranh ƀư brah ma Brah Ndu, Mbơ̆ Păng, khư geh nau tâm rnê jêh ri nau dơi n'ho ro! Amen.

I Samuel 2:28

Gâp hŏ săch jêh ngih păng tă bơh lĕ rngôch phung ndŭl mpôl Israel, gay jan kôranh ƀư brah Gâp, nhhơr ndơ ƀư brah klơ nơng ƀư brah Gâp, gŭch ndơ ƀâu kah, jêh ri nsoh êphôt tanăp Gâp. Gâp hŏ ăn ma noi deh chô yau may prăp tâm du kô̆ tâm lĕ ndơ nhhơr bơh phung ƀon lan Israel gŭ tâm ŭnh nhhơr ma Gâp.