Nau Kơp Bunuyh 16:41 - Nau Brah Ndu Ngơi 2023

⁴¹ Ôi taơ, lĕ rngôch phung ƀon lan Israel tâm rƀŭn ngơi ƀrôk tâm rdâng đah Y-Môis jêh ri Y-Arôn. Khân păng lah: “Khân may hŏ nkhĭt jêh ri phung ƀon lan Brah Yêhôva!”

Nau Kơp Bunuyh 16:41 ပူးပေါင်းရင်းမြစ်များ

I Phung Hađăch 18:17

Tơlah Y-Ahap saơ Y-Êli, Y-Ahap ngơi đah păng: “Di lĕ may jêng nơm ƀư rkhŭk phung Israel?”

Nau Mprơ Ơm 106:13

Ƀiălah khân păng chuêl kan Păng gơnh ngăn; Mâu gŭ kâp ôh nau Păng nkah nti.

Nau Mprơ Ơm 106:23

Yor nây, Brah Ndu lah pô aơ Păng mra ƀư rai khân păng. Ƀiălah Y-Môis jêng nơm Păng săch jêh, Dâk ntŭk pêch đang tanăp Păng, Gay dăn lơi ăn Păng ji nuih ƀư rai khân păng.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Yêrêmi 38:4

Phung kôranh lah ma hađăch: “Ăn bu nkhĭt lơi bunuyh aơ, yorlah đơ nau păng ngơi ƀư rdja nuih n'hâm phung tahan hôm tâm ƀon aơ tâm ban ma lĕ rngôch phung ƀon lan. Bunuyh aơ mâu joi ôh nau ueh ma phung ƀon lan ƀiălah knŏng djôt leo ma nau rai yot dơm.”

Yêrêmi 43:3

Ƀiălah Y-Baruk nơm yơh, kon bu klâu Y-Nêria, nsŭk may tâm rdâng đah hên, ŭch jao hên tâm ti phung Kaldê, gay ma khân păng nkhĭt hên mâu lah njŭn leo hên jêng bu nă tâm bri Babilôn.”

Amôt 7:10

Rnôk nây, Y-Amasia kôranh ƀư brah Bêthel, njuăl bunuyh hăn mbơh ma Y-Jêrôbôam hađăch Israel pô aơ: “Y-Amôt tâm nchră nau tâm rdâng đah may ta trôm nuih n'hâm Israel; bri dak mâu ŭch dơn ôh lĕ nau păng ngơi.

Nau Kơp Bunuyh 14:2

Lĕ rngôch phung ƀon lan Israel njang mbung đah Y-Môis jêh ri Y-Arôn; lĕ rngôch phung tâm rƀŭn lah ma bar hê: “Ueh lơn hên khĭt tâm n'gor bri Êjipt mâu lah khĭt tâm bri rdah aơ!

Mathay 5:11

Ueh maak ngăn ma khân may tơlah yorlah Gâp bu suai rak, ƀư mhĭk, ngơi nchơt âk ntil nau mhĭk ma khân may.

Kôranh Oh Mon 21:28

Khân păng nter huy: “Hơi phung Israel, văch kơl hom hên! Aơ, bunuyh aơ nti lah lam ntŭk, tâm rdâng đah phung ƀon lan, đah nau vay, jêh ri ta ntŭk aơ; rlau lơn ma nĕ, păng njŭn leo phung Grek lăp tâm ngih brah, ƀư ƀơ̆ ntŭk kloh ueh aơ.”

Kôranh Oh Mon 5:28

“Hên hŏ buay khân may ktang ngăn, mâu ăn nti lah ma amoh bunuyh nây ôh, ƀiălah aƀaơ ri khân may hŏ ƀư jêh ma ƀon Yêrusalem bêng ler nau khân may nti, khân may ŭch ăn mham Bunuyh nây nkhŭt tay ta hên!”

I Kôrintô 10:10

Jêh ri lơi ngơi ƀŭk dŭk suyh ôh nâm bu phung ƀaƀă tâm khân păng, jêh ri khân păng khĭt đah ti tông mpăr ƀư rai.

II Kôrintô 6:8

nđâp tơlah bu rnê mâu lah bêk prêng, nđâp tơlah geh nau lư mhĭk mâu lah ueh. Bu ƀư ma hên nâm bu phung ngơi mƀruh, ƀiălah hên jêng bunuyh nanê̆ ngăn;

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.