Nau Kơp Bunuyh 16:40 - Nau Brah Ndu Ngơi 2023

⁴⁰ Nau aơ nkah ăn gĭt ma phung ƀon lan Israel pô aơ mâu geh ôh du huê nơm, knŏng noi deh Arôn, dơi vay hăn dăch gay gŭch ndơ ƀâu kah tanăp Brah Yêhôva; lah mâu, bunuyh nây mra jêng nâm bu Y-Kôra jêh ri phung ndrel ma păng, di nâm nau Brah Yêhôva hŏ ntăm jêh ma Y-Môis.

Nau Kơp Bunuyh 16:40 ပူးပေါင်းရင်းမြစ်များ

Êsra 2:62

Phung nây joi amoh săk khân păng tâm ndrom samƀŭt noi deh, ƀiălah mâu dơi joi ôh yor ri yơh bu kơp khân păng jêng ƀơ̆ ƀơch, jêh ri bu ngluh lơi khân păng tă bơh nau kan kôranh ƀư brah.

Nau Mprơ Ơm 115:10

Ơ ngih Arôn, rnơm nsing hom ma Brah Yêhôva: Păng jêng nơm kơl jêh ri khêl khân păng.

Êsêkiêl 40:46

jêh ri jrô rlet mpeh pa lơ prăp ăn ma phung kôranh ƀư brah mât uănh nơng ƀư brah. Nây jêng phung kon bu klâu Y-Sadôk, nây jêng tâm nklang phung kon bu klâu Y-Lêvi văch dăch Brah Yêhôva gay ma pah kan ma Păng.”

Êsêkiêl 43:19

Kôranh Brah Yêhôva lah: ‘Dôl phung kôranh ƀư brah, mpôl Lêvi tâm noi deh Y-Sadôk, văch dăch Gâp, gay pah kan ma Gâp, may jao ăn hom ma khân păng du mlâm ndrôk nkuăng rah gay ma ƀư brah chuai nau tih.

Kan Lêvi 22:10

Nơm gŭ padih rnăk vâl kôranh ƀư brah, nơm nây mâu dơi sa lĕ ndơ nhhơr kloh ueh. Bunuyh bu năch mâu lah bunuyh kan nkhôm tâm jây kôranh ƀư brah mâu dơi sa ndơ nhhơr kloh ueh.

Nau Kơp Bunuyh 1:51

Ăp tơ̆ ngih bok trơn ntŭk pôri phung Lêvi mra rơih păng jêh ri tơlah tât ntŭk ndâk tay Ngih Bok, khân păng mra ndâk păng. Tơlah bunuyh êng hăn dăch mra nkhĭt.

Nau Kơp Bunuyh 16:39

Pônây Y-Êlêasar kôranh ƀư brah sŏk lĕ khăl gŭch ƀâu kah ma kông tă bơh phung ŭnh sa nôk nhhơr jêh; jêh ri đă ƀư jêng lĕ pŏk ƀư chiăr n'hơ gay nkŭm nơng ƀư brah.

Nau Kơp Bunuyh 3:10

Pôri may mra dơm ma Y-Arôn jêh ri phung kon bu klâu păng ƀư nau pah kan kôranh ƀư brah, bi phung êng văch dăch, ăn bu nkhĭt păng.”

Nau Kơp Bunuyh 3:38

Phung ndâk ngih bok panăp Ngih Bok mpeh luh nar, panăp Ngih Bok Nau Tâm Rƀŭn mpeh luh nar jêh, jêng Y-Môis, Y-Arôn jêh ri phung kon bu klâu păng. Khân păng djôt kan chiă uănh ntŭk kloh ueh ntrok an ma phung ƀon lan Israel. Phung êng hăn dăch nây mra khĭt.

ហេឞ្រើ 5:4

Mâu geh du huê săch êng ma păng nơm kan khlay nây ôh, ƀiălah geh nau kuăl tă bơh Brah Ndu, nâm bu Y-Arôn.

Yôsuê 4:7

khân may plơ̆ lah hom pô aơ: Dak ta dak krong Yurdan suăt tăch grăl tanăp Hip Nau Tâm Rnglăp Brah Yêhôva. Lah Hip Nau Tâm Rnglăp rgăn dak krong Yurdan dak krong tâm rnglah jêh ri lĕ rplay lŭ aơ jêng ndơ ndray n'ho ro ma phung ƀon lan Israel.”

Yuđas 1:11

Rêh ni ngăn ma khân păng! Yorlah tĭng trong Y-Kain; yor drăp ndơ dĭng tŭp tâm nau tih Y-Balam; jêh ri geh nau roh rai yorlah nau tâm rdâng nâm bu Y-Kôrê.