Nau Kơp Bunuyh 16:11 - Nau Brah Ndu Ngơi 2023

¹¹ Yor ri, may jêh ri lĕ rngôch phung hăn tĭng ma may rgum gay ŭch tâm rdâng đah Brah Yêhôva! Mbu Y-Arôn jêng kŏ tât khân may ngơi ƀrôk tâm rdâng đah păng?”

Nau Kơp Bunuyh 16:11 ပူးပေါင်းရင်းမြစ်များ

I Nau Rêh Jêng 26:19

Nây jêng lĕ mbŭch phung mât njrăng mpông pêr tâm kan kon sau Kôra jêh ri Y-Mêrari.

Nau Mprơ Ơm 106:16

Tâm pôih tahan, khân păng tâm keh nach đah Y-Môis jêh ri Y-Arôn, Jêng nơm kloh ueh Brah Yêhôva.

Nau Ngluh Êjipt 17:2

Phung ƀon lan tâm rlăch đah Y-Môis jêh nây lah: “Ăn hom dak ma hên nhêt.” Y-Môis ơh ma khân păng: “Mâm ƀư khân may joi nau đah gâp? Mâm ƀư khân may janh rlong uănh Brah Yêhôva?”

Nau Kơp Bunuyh 11:1

Aƀaơ, phung ƀon lan ngơi ƀrôk jêh ri nau nây ƀư Brah Yêhôva mâu di nuih. Brah Yêhôva tăng jêh ri Păng hao ji nuih. Ŭnh Brah Yêhôva su ta nklang phung ƀon lan jêh ri su ma ŭnh ta pĭt ntŭk rmlak tahan.

Nau Kơp Bunuyh 16:12

Y-Môis prơh bu hăn kuăl Y-Dathan jêh ri Y-Abiram, phung kon bu klâu Y-Êliap, ƀiălah bar hê khân păng lah: “Hên mâu hăn văch ôh!

Nau Kơp Bunuyh 16:3

khân păng tâm rƀŭn ndrel tâm rdâng đah Y-Môis jêh ri Y-Arôn. Khân păng phong: “Khân may ƀư jêh rmeh ir! Yorlah lĕ rngôch phung tâm rƀŭn jêng kloh ueh jêh ri Brah Yêhôva dôl gŭ ta nklang khân păng. Pôri, mâm khân may n'hao êng khân may nơm ta klơ lơn phung tâm rƀŭn Brah Yêhôva?”

Luka 10:16

Mbu nơm iăt khân may, jêng iăt Gâp; mbu nơm dun khân may, jêng dun Gâp. Mbu dun Gâp, jêng dun Nơm hŏ njuăl Gâp.”

Yôhan 13:20

Nanê̆, Gâp lah ngăn ma khân may, mbu nơm rom bunuyh Gâp njuăl, jêng păng rom Gâp tâm ban lĕ; jêh ri mbu nơm rom Gâp, nâm bu ntĭt rom Nơm hŏ njuăl Gâp văch.”

Kôranh Oh Mon 5:4

Lah ê hŏ tăch neh nây, di lĕ păng ăt hôm ma may? Lah may tăch jêh, may mâu geh nau dơi dŏng prăk nây? Mâm ƀư may mĭn tâm nuih n'hâm tâm ban pônây? May ngơi mƀruh mâu di ma kon bunuyh ôh, ƀiălah may ngơi mƀruh ma Brah Ndu yơh.”

Samƀŭt Pôl Njuăl Ăn Ma Phung Nsing Ta Ƀon Rôm 13:2

Yor nây mbu nơm tâm rdâng ma kôranh chiă uănh jêng tâm rdâng đah nau Brah Ndu njêng; jêh ri phung bunuyh ƀư kơt nây mra dơn nau tâm rmal ma păng nơm.

I Kôrintô 10:10

Jêh ri lơi ngơi ƀŭk dŭk suyh ôh nâm bu phung ƀaƀă tâm khân păng, jêh ri khân păng khĭt đah ti tông mpăr ƀư rai.

I Kôrintô 3:5

Lah ndrĭ, mbu nơm jêng Y-Apôlôs? Mbu nơm jêng Y-Pôl? Khân păng knŏng jêng phung oh mon, yor ma khân păng yơh khân may chroh jêh, tĭng nâm Kôranh Brah dăp jêh ma ăp nơm.

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.

I Samuel 8:7

Brah Yêhôva lah ma Y-Samuel: “Gŭ iăt hom ma lĕ nau ngơi phung ƀon lan lah ma may, yorlah mâu di khân păng dun ma may ôh, ƀiălah dun ma Gâp, gay ma Gâp mâu hôm jêng hađăch khân păng đŏng ôh.