Nau Kơp Bunuyh 15:31 - Nau Brah Ndu Ngơi 2023

³¹ Yorlah păng tâm rmot ma nau Brah Yêhôva ngơi, ƀư tih nau vay Păng ntăm, pôri bu nsot lơi păng; nau tih păng mra nkhŭt ma păng nơm.’”

Nau Kơp Bunuyh 15:31 ပူးပေါင်းရင်းမြစ်များ

II Samuel 12:9

Mâm ƀư may mưch rmot nau Brah Yêhôva ngơi, ŭch ƀư nau mhĭk tanăp măt Păng? May hŏ sŏk đao phung Ammôn nkhĭt Y-Uri, bunuyh Hitit, sŏk jêh ur păng njêng ur may.

Nau Mprơ Ơm 107:11

Yorlah tâm rdâng jêh đah nau Brah Ndu ngơi, Jêh ri tâm rmot ma nau nti lah Nơm Dŭt Prêh.

Nau Mprơ Ơm 119:126

Tât jêh mông Brah Yêhôva pah kan, Yorlah kon bunuyh hŏ rlau jêh nau vay May.

Nau Mprơ Ơm 38:4

Yorlah nau djơh mhĭk gâp bun dăp hao rlau bôk gâp; Khân păng tŭn gâp ta klơ gâp tâm ban ma du ntil anh jâk.

Nau Ngluh Êjipt 30:33

Mbu nơm lŭk lai du ntil dak ƀâu kah tâm ban ma nây mâu lah sŏk dak ƀâu kah nây mhĭng ma bunuyh bu năch, ăn bu mra ngluh lơi păng luh bơh phung ƀon lan.’”

Nau Hôr 13:13

Mbu nơm tâm rmot nau bu nti mra roh păng nơm, Bi ma nơm klach yơk nau vay ntăm nanê̆ mra geh nau nkhôm.

Êsai 30:12

Yor nây, Nơm Kloh Ueh Israel lah pô aơ: “Yorlah khân may mưch ma nau ngơi aơ, Rnơm ma nau tŭn jot jêh ri nau mƀruh, Jêh ri rnơm ma nau nây,

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Êsêkiêl 18:20

Moh huêng ƀư tih mra khĭt. Kon mâu mra anh nau tih mbơ̆ păng jêh ri mbơ̆ ăt mâu lĕ anh nau tih kon păng. Nau sŏng srăng bunuyh sŏng srăng mra dơi prăp ăn ma bunuyh sŏng srăng; nau ƀai du huê bunuyh ƀai bu mra prăp ăn ma bunuyh ƀai.

Kan Lêvi 26:15

dun lĕ nau vay dăp bơh Gâp jêh ri nuih n'hâm khân may dĭl khek ma nau Gâp đă, yor nây khân may mâu ƀư tĭng kơt lĕ nau vay ntăm jêh ri ƀư rai lơi nau tâm rnglăp bơh Gâp,

Kan Lêvi 26:43

Neh khân păng chalơi mra dơn lĕ năm saƀat ntrok tay năng nar ma neh nôk khân păng chalơi jêng rngot njăp mâu geh bunuyh gŭ ta nây. Khân păng mra dơn nau rmal yorlah khân păng mưch rmot nau vay Gâp ƀư jêh ri nuih n'hâm khân păng dĭl khek lĕ nau vay Gâp dăp.

Kan Lêvi 5:1

“Lah du huê ƀư tih yor păng mâu ŭch mbơh du nau kan păng hŏ saơ jêh mâu lah lĕ gĭt, nđâp lah bu đă păng ngơi nau ton ma nau păng saơ nây, pôri păng mra tuy nau tih păng nơm.

Nau Kơp Bunuyh 9:13

Ƀiălah nơm jêng kloh jêh ri mâu nsong ôh ntŭk ngai, ƀiălah mâu kah gĭt prăp ôh Rƀŭn Nau Găn, bu mra nsot lơi nơm nây luh bơh phung ƀon lan păng nơm, yorlah păng mâu mâp nhhơr ôh ndơ ƀư brah ma Brah Yêhôva ta nar tâm nal jêh. Nơm nây mra anh nau tih păng.

Nau Vay Nkah Tay 17:12

Mbu moh ƀư ma nau sưr mâu tông ôh bâr ma kôranh phat dôih mâu lah kôranh ƀư brah dôl gŭ pah kan tanăp Yêhôva Brah Ndu, pôri bunuyh nây mra khĭt. Ăn khân may ƀư rai lơi nau djơh mhĭk bơh Israel.

I Têsalônik 4:8

Yor ri, mbu nơm dun nau hên ngơi, mâu di dun kon bunuyh ôh, ƀiălah jêng dun Brah Ndu, Nơm ăn jêh Brah Huêng Ueh Păng ma khân may.

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

II Pêtrôs 2:21

Ueh lơn khân păng mâu gĭt trong nau sŏng srăng ueh lơn lĕ gĭt ƀiălah rle ndŭr kơi đah nau vay kloh ueh bu ntĭm nti jêh ma khân păng.

I Samuel 3:14

Yor ri, Gâp sơm ton ma ngih Y-Êli pô aơ nau tih ngih nây mâu mra dơi chuai ma mpa ƀư brah mâu lah ma ndơ nhhơr ôh.”