Nau Kơp Bunuyh 15:30 - Nau Brah Ndu Ngơi 2023

³⁰ Ƀiălah mbu ŭch ƀư tih, gĭt lah bunuyh ƀon lan gŭ tâm n'gor mâu lah phung gŭ njưh ƀât lât, bunuyh nây ngơi sưr ma Brah Yêhôva jêh ri bu mra nsot lơi păng bơh phung ƀon lan Păng.

Nau Kơp Bunuyh 15:30 ပူးပေါင်းရင်းမြစ်များ

Nau Ntơm 17:14

Mbu nơm bu klâu mâu geh ôh koh ntâu, jêng mâu dơn siăt ntâu ta chiông ndơ chrach, pôri bu mra ngluh lơi păng bơh phung ƀon lan, yorlah păng chalơi nau Gâp tâm rnglăp.”

Ndrom Samƀŭt bơh Yôp 38:15

Nau ang hŏ roh jêh bơh phung djơh, Nting tur dŭt dăng bơh khân păng bu hŏ nkê̆ch pă.

Nau Mprơ Ơm 19:13

Dăn Kôranh Brah mât oh mon Kôranh Brah bơh mĭn ŭch ƀư tih; Ăn nau tih nây lơi chiă uănh gâp Pôri gâp mâu mra dơi geh nau nduyh ôh, Jêh ri mâu ƀư tih toyh.

Nau Mprơ Ơm 69:9

Yorlah nau duh nđơr ma Ngih May su lơi gâp, Nau bêk prêng phung bêk prêng May hŏ nkhŭt jêh tâm gâp.

Nau Mprơ Ơm 74:18

Ơ Brah Yêhôva, ăn kah gĭt ma nau nơm rlăng suai rak, Jêh ri du mpôl băl rluk ngơi mhĭk ma amoh May.

Nau Mprơ Ơm 74:22

Ơ Brah Ndu, dâk hăn hom koh dŏng nau May ngơi. Ăn kah gĭt tay ma phung rluk suai rak May ăp nar.

Nau Mprơ Ơm 79:12

Ơ Kôranh Brah, dăn mplơ̆ lơi ro ma lĕ bri dak văr jŭm hên bar âk lơn tơ̆ pơh. Ma nau khân păng ƀư mhĭk jêh ma May.

Nau Mprơ Ơm 89:51

Ơ Brah Yêhôva, nây jêng nau bêk phung rlăng May dŏng jêh Gay ƀư nau bêk ăp nhuat bunuyh May troch jêh dak ngi.

Nau Ngluh Êjipt 21:14

Tơlah du huê ndra ŭch rduh lơh jêh ri ndra ŭch tâm nkhĭt bunuyh chiau meng păng, ăn khân may têk păng luh bơh nơng ƀư brah Gâp jêh ri nkhĭt păng.

Nau Ngluh Êjipt 30:33

Mbu nơm lŭk lai du ntil dak ƀâu kah tâm ban ma nây mâu lah sŏk dak ƀâu kah nây mhĭng ma bunuyh bu năch, ăn bu mra ngluh lơi păng luh bơh phung ƀon lan.’”

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Êsêkiêl 20:27

Yor ri, hơi kon bunuyh, ngơi hom ma ngih Israel jêh ri lah ma khân păng: ‘Kôranh Brah Yêhôva lah: Phung chô yau khân may ngơi sưr jêh ma Gâp yorlah khân păng mâu răp jăp đah Gâp.

Kan Lêvi 20:10

‘Tơlah du huê bu klâu ƀư tih văng tĭr đah du huê bu ur lĕ geh sai, mâu lah đah ur nơm chiau meng păng, lĕ bu ur jêh ri bu klâu nây mra nkhĭt da dê.

Kan Lêvi 20:3

Bi Gâp, Gâp mâu mra uănh măt nơm nây đŏng ôh jêh ri nsot lơi păng tă bơh phung ƀon lan păng, yorlah păng hŏ nhhơr jêh du huê tâm phung kon sau păng ma Môlek, ƀư ƀơ̆ jêh ngih brah kloh ueh jêh ri ngơi sưr amoh kloh ueh Gâp.

Kan Lêvi 20:6

‘Tơlah mbu nơm n'gĭl uănh ta phung ngơi ndrel đah brah mhĭk jêh ri phung n'hŭm, ƀư nau văng tĭr đah phung nây, Gâp mra tâm rdâng đah bunuyh nây jêh ri mra nsot lơi păng luh bơh phung ƀon lan păng.

Nau Kơp Bunuyh 15:29

Knŏng geh du nau vay nsum dŏng ma ăp mbu nơm ƀư tih mâu ŭch ƀư, nđâp lah phung ƀon lan Israel mâu lah bunuyh bu năch gŭ njưh ƀât lât ta nklang khân păng.

Nau Kơp Bunuyh 9:13

Ƀiălah nơm jêng kloh jêh ri mâu nsong ôh ntŭk ngai, ƀiălah mâu kah gĭt prăp ôh Rƀŭn Nau Găn, bu mra nsot lơi nơm nây luh bơh phung ƀon lan păng nơm, yorlah păng mâu mâp nhhơr ôh ndơ ƀư brah ma Brah Yêhôva ta nar tâm nal jêh. Nơm nây mra anh nau tih păng.

Mathay 12:32

Mbu nơm ngơi mhĭk ma Kon Bunuyh mra dơi yô̆ an; ƀiălah mbu nơm ngơi mhĭk ma Brah Huêng Ueh, nau tih păng bu mâu mra dơi yô̆ ôh tâm rnôk aơ mâu lah tâm rnôk pakơi taơ.”

Nau Vay Nkah Tay 1:43

Gâp hŏ nkoch jêh lĕ nau ngơi aơ ƀiălah khân may mâu iăt ôh gâp. Khân may tâm rdâng đah nau Brah Yêhôva ntĭnh, jêh ri rôih ko hăn hao klơ yôk.

Nau Vay Nkah Tay 32:27

Ƀiălah Gâp klach phung rlăng nsônh, Phung rlăng mĭn vĭ, Lah pô aơ: ‘Dơi tâm lơh tă bơh ti he, Brah Yêhôva mâu mâp ƀư ôh lĕ rngôch nau nây!’

ហេឞ្រើ 10:26

Yorlah tơlah he gĭt năl nau ngăn jêh, ƀiălah hôm mĭn ŭch ƀư tih, mâu hôm geh mpa ƀư brah ma nau chuai nau tih đŏng ôh,

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

II Pêtrôs 2:10

lor lơn jêng phung bunuyh ƀư tĭng nau kơnh ŭch djơh mhĭk, mưch rmot ma nau chiă uănh. Phung nĕ dăng bôk hâu ngăn jêh ri sưr rlau, mâu klach ôh ngơi djơh tât ma phung geh nau chrêk rmah;

I Yôhan 5:16

Tơlah mbu nơm saơ oh nâu păng nơm ƀư tih, ƀiălah nau tih nây mâu kŏ tât khĭt ôh, vơh vơl hom, jêh ri Brah Ndu mra ăn nau rêh ma bunuyh nây, jêng ma phung ƀư nau tih mâu kŏ tât khĭt. Geh đŏng nau tih njŭn leo tât nau khĭt; gâp mâu đă ma ăn khân may mbơh sơm dăn ma nau tih aơ.

I Samuel 2:25

Tơlah du huê bunuyh ƀư tih ma huê bunuyh ri, Brah Ndu phat dôih ma bunuyh nây; ƀiălah tơlah du huê nuyh ƀư tih ma Brah Yêhôva, mbu nơm mra mbơh sơm kơl an?” Ƀiălah khân păng mâu ŭch iăt ôh nau mbơ̆ khân păng, yorlah Brah Yêhôva ŭch nkhĭt lơi khân păng.

I Samuel 3:14

Yor ri, Gâp sơm ton ma ngih Y-Êli pô aơ nau tih ngih nây mâu mra dơi chuai ma mpa ƀư brah mâu lah ma ndơ nhhơr ôh.”