Nau Kơp Bunuyh 15:20 - Nau Brah Ndu Ngơi 2023

²⁰ Ntơm bơh rnih pach lor lơn, ăn khân may ƀư du mlâm du ƀănh jê̆ jêh ri nhhơr tĭng nau yơr hao. Khân may nhhơr hom nâm nhhơr du ndơ nhhơr bơh ntŭk mprah ba.

Nau Kơp Bunuyh 15:20 ပူးပေါင်းရင်းမြစ်များ

Nêhêmi 10:37

Hên hŏ ton tâm ban lĕ djôt leo tât ta lĕ jay kloh ueh ngih Brah Ndu rnih ueh lor lơn, lĕ ndơ ƀư brah, kao play tâm lĕ ntil tơm play, ndrănh mhe jêh ri dak ngi ôlive, jêh nây jao ma phung kôranh ƀư brah. Hôm du kô̆ tâm jât kao play luh tă tâm neh, hên djôt leo chê̆ ma phung Lêvi jêng phung sŏk du kô̆ tâm jât kao play bơh neh lŏ tâm lĕ rngôch ƀon hên.

Nau Ngluh Êjipt 23:19

Ăn djôt leo dĭng lĕ play dak bôk dŭt ueh bơh neh may lăp tâm ngih Brah Yêhôva Brah Ndu. May mâu dơi gâm ôh be tâm dak toh me păng.”

Nau Ngluh Êjipt 34:26

Ăn may nhhơr play dak bôk dŭt ueh bơh neh may lăp tâm ngih Brah Yêhôva Brah Ndu. May mâu dơi gâm ôh be tâm dak toh me păng.”

Êsêkiêl 44:30

Lĕ rngôch kao play dak bôk dŭt ueh tâm lĕ rngôch play kao ndrel lĕ rngôch ndơ ƀư brah rnih môi khân may hŏ nhhơr jêh, jêng ndơ phung kôranh ƀư brah da dê. Khân may mra nhhơr đŏng ăn ma phung kôranh ƀư brah rnih pach ueh lơn khân may gay ma nau ueh uĭn dơi gŭ tâm ngih khân may.

Kan Lêvi 2:12

Khân may dơi nhhơr lĕ ntil ndơ nây ma Brah Yêhôva tâm ban ndơ nhhơr bôk yan, ƀiălah mâu dơi su ôh păng ta klơ nơng ƀư brah nâm bu ndơ ƀư brah geh ndơ ƀâu kah.

Kan Lêvi 2:14

Tơlah khân may sŏk kao play dak bôk ƀư ndơ ƀư brah rnih môi nhhơr ma Brah Yêhôva, ăn khân may sŏk ba mhe, vâr tâm ŭnh jêh ri kĭn jêng rnih,

Kan Lêvi 23:10

“Ăn may ntăm hom ma phung ƀon lan Israel pô aơ: ‘Lah khân may hŏ lăp jêh tâm n'gor Gâp ăn ma khân may jêh ri khân may hŏ kăch roih lĕ yan play, ăn khân may djôt leo du nchăp ba bôk yan tât ta kôranh ƀư brah.

Kan Lêvi 23:20

Kôranh ƀư brah mra nhhơr lĕ mpa nây tanăp Brah Yêhôva, ndrel ma bar mpơng piăng let ƀư đah ba bôk yan jêh ri bar mlâm biăp kon, tĭng nau vay ƀư ndơ̆ đah aơ ndơ̆ đah ri. Lĕ rngôch mpa nây mra jêng kloh ueh ma Brah Yêhôva jêh ri ăn mpa nây ma kôranh ƀư brah.

Nau Kơp Bunuyh 15:21

Ntơm bơh rô̆ aơ tât rô̆ ri, khân may nhhơr hom tĭng nau yơr hao ma Brah Yêhôva du ndơ nhhơr ma rnih pach lor lơn phung kon.’”

Nau Kơp Bunuyh 18:12

Gâp ăn ma may lĕ ndơ nhhơr bôk yan phung ƀon lan Israel nhhơr ma Brah Yêhôva, jêng lĕ kô̆ nâm dak ngi, ndrănh krăk ƀâu jêh ri ba ueh ngăn ngên.

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Samƀŭt Pôl Njuăl Ăn Ma Phung Nsing Ta Ƀon Rôm 11:16

Tơlah kô̆ rnih lor lơn nhhơr jêng kloh ueh, lĕ rngôch mbŭch rnih jêng kloh ueh tâm ban lĕ; tơlah reh jêng kloh ueh, đơ n'gĭng păng kloh ueh tâm ban lĕ.

I Kôrintô 15:20

Ƀiălah aƀaơ, Brah Krist dâk rêh tay jêh tă bơh nau khĭt. Păng jêng play bôk yan ma phung khĭt jêh.

Nau Vay Nkah Tay 14:22

“Ăn khân may prăp êng du kô̆ tâm jât lĕ rngôch ndơ bơh găr ntil khân may srih jêh ndơ nây luh tă bơh mir ăp năm.

Nau Vay Nkah Tay 14:23

Khân may mra sa du kô̆ tâm jât ba, dak ngi, ndrănh, tâm ban đŏng lĕ kon dak bôk tâm mpôl biăp, mpôl ndrôk khân may tanăp măt Yêhôva Brah Ndu khân may, ta ntŭk Păng mra săch gay ăn amoh Păng gŭ ta nây. Aơ jêng nau khân may dơi nti gay du njăr rêh klach yơk ma Yêhôva Brah Ndu khân may.

Nau Vay Nkah Tay 16:13

“Lôch jêh bun nsĭt play do tă bơh ntŭk mprah ba jêh ri ntŭk păt ndrănh, ăn khân may kah gĭt prăp nau rƀŭn Ngih Ndưp tâm pơh nar.

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

Nau Tâm Mpơl 14:4

Phung bunuyh nây mâu mâp ƀư ƀơ̆ ƀơch đah bu ur ôh, yorlah khân păng jêng phung kloh. Mbah ntŭk Kon Biăp hăn, phung bunuyh nây hăn tĭng ta ntŭk nây. Bu hŏ chuai jêh khân păng tă bơh nklang kon bunuyh gay ƀư play bôk yan ma Brah Ndu jêh ri ma Kon Biăp.