Nau Kơp Bunuyh 15:15 - Nau Brah Ndu Ngơi 2023

¹⁵ Tâm phung tâm rƀŭn, knŏng geh du nau vay dăp nsum gay dŏng ma khân may jêh ri ma lĕ phung gŭ njưh ƀât lât ta nklang khân may. Nây jêng du nau vay dăp n'ho ro tâm lĕ rngôch rô̆. Khân may jêh ri phung gŭ njưh ƀât lât da dê du ai tâm ban tanăp Brah Yêhôva.

Nau Kơp Bunuyh 15:15 ပူးပေါင်းရင်းမြစ်များ

Êsther 9:27

pôri phung Yuđa njêng ma khân păng nơm, ma phung kon sau khân păng jêh ri ma lĕ rngôch phung tâm rnglăp ndrel ma khân păng jêng du nau vay: Ăp năm djôt prăp bar nar di tĭng nâm samƀŭt, tâm mông hŏ nal jêh ăp năm, mâu dơi chalơi ôh.

Nau Ngluh Êjipt 12:14

Nau aơ mra jêng du nau ndray ma khân may. Tâm lĕ rngôch rô̆ ăn khân may mât păng tâm ban du nar rƀŭn ma Brah Yêhôva, jêng nau ntăm djôt prăp n'ho ro.

Nau Ngluh Êjipt 12:24

Djôt prăp hom nau rƀŭn aơ jêng nau ntăm n'ho ro ăn ma khân may jêh ri ma phung kon sau khân may.

Nau Ngluh Êjipt 12:43

Brah Yêhôva lah ma Y-Môis jêh ri ma Y-Arôn: “Aơ jêng nau vay ma nau rƀŭn Nau Găn: Phung bu năch mâu dơi ôh nhêt sa tâm nau rƀŭn nây.

Nau Ngluh Êjipt 12:49

Nây jêng du nau vay nsum ăn ma bunuyh tơm bri nđâp ma bu năch gŭ njưh ta klang khân may.”

Nau Ngluh Êjipt 28:43

Y-Arôn jêh ri phung kon bu klâu păng mra nsoh kho nây ăp tơ̆ khân păng lăp tâm Ngih Bok Nau Tâm Rƀŭn mâu lah nôk khân păng văch dăch nơng ƀư brah gay pah kan tâm Ntŭk Kloh Ueh; lah mâu geh khân păng mra geh nau tih jêh ri khĭt. Nây jêng du nau vay n'ho ro ma Y-Arôn jêh ri ma phung kon sau păng.”

Kan Lêvi 24:22

Phung kon knŏng geh du nau vay dơi dŏng ăn ma bunuyh gŭ njưh jêh ri ma bunuyh ƀon tơm; yorlah Gâp jêng Yêhôva Brah Ndu khân may.’”

Nau Kơp Bunuyh 10:8

Phung kon bu klâu Y-Arôn jêng phung kôranh ƀư brah mra uh lĕ nŭng nây. Nĕ jêng nau vay nal n'ho ro ma khân may tâm lĕ rngôch rnôk.

Nau Kơp Bunuyh 15:14

Tơlah du huê bu năch gŭ njưh ƀât lât ndrel ma khân may mâu lah geh du huê gŭ ta nklang khân may ntơm bơh rô̆ nây tât rô̆ ri, ăn ŭnh sa nhhơr du ndơ ƀư brah, geh n'hôl ƀâu kah ma Brah Yêhôva ăn ƀư di ngăn tâm ban nau khân may hŏ ƀư.

Nau Kơp Bunuyh 15:29

Knŏng geh du nau vay nsum dŏng ma ăp mbu nơm ƀư tih mâu ŭch ƀư, nđâp lah phung ƀon lan Israel mâu lah bunuyh bu năch gŭ njưh ƀât lât ta nklang khân păng.

Nau Kơp Bunuyh 18:8

Brah Yêhôva lah ma Y-Arôn: “Aơ, Gâp ăn jêh ma may mât uănh lĕ ndơ nhhơr Gâp, jêng lĕ rngôch ndơ ƀư brah kloh ueh phung ƀon lan Israel hŏ nhhơr jêh. Gâp ăn jêh lĕ ndơ nhhơr nây ma may jêh ri ma phung kon bu klâu may nâm jêng kô̆ ma nau pah kan ndơ ƀư brah di tĭng vay n'ho ro.

Nau Kơp Bunuyh 9:14

Tơlah du huê bu năch gŭ ta nklang khân may, jêh ri ŭch kah gĭt prăp Rƀŭn Nau Găn ma Brah Yêhôva, ƀư hom tĭng nâm nau vay dăp jêh ri nau vay ma Rƀŭn Nau Găn. Khân may mra geh du nau vay dăp nsum ma nơm gŭ njưh ƀât lât jêh ri ma bunuyh ƀon lan nơm.’

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Kôlôh 3:11

Ta aơ mâu hôm tâm nkhah phung Grek, mâu lah phung Yuđa, bunuyh dơn koh ntâu mâu lah mâu dơn koh ntâu, bunuyh bri, mâu lah phung Syth, bunuyh dĭk bu mâu lah kon me; ƀiălah Brah Krist jêng lĕ rngôch jêh ri tâm lĕ rngôch.

Yôsuê 8:33

Lĕ rngôch bunuyh ƀon lan, lĕ phung bu năch, bunuyh tơm bri, phung kôranh bu ranh, phung kôranh chiă uănh, jêh ri phung phat dôih gŭ dâk bar đah Hip Nau Tâm Rnglăp panăp phung kôranh ƀư brah tâm noi deh Lêvi jêng phung tung Hip Nau Tâm Rnglăp Brah Yêhôva. Du n'gul phung ƀon lan gŭ dâk panăp yôk Gêrisim, jêh ri du n'gul ri gŭ dâk panăp yôk Êbal, tĭng nau Y-Môis, oh mon Brah Yêhôva, ntăm jêh ntơm bơh saơm, gay ăn nau ueh uĭn ma phung ƀon lan Israel.

I Samuel 30:25

Ntơm bơh nar nây, Y-Đavit njêng nau nây jêng du nau vay dăp jêh ri nau vay ƀư ma phung Israel kŏ tât ta nar aơ.