Nau Kơp Bunuyh 14:9 - Nau Brah Ndu Ngơi 2023

⁹ Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Nau Kơp Bunuyh 14:9 ပူးပေါင်းရင်းမြစ်များ

Nau Ntơm 48:21

Y-Israel lah tay ma Y-Yôsep: “Aơ, gâp dăch khĭt, ƀiălah Brah Ndu mra kâp kơl jêh ri njŭn leo đŏng khân may sĭt ta n'gor phung che khân may.

II Nau Rêh Jêng 13:12

Aơ, Brah Ndu gŭ ndrel ma hên jêh ri chiă uănh ma hên. Phung kôranh ƀư brah Păng djôt nŭng ntrŭt tahan uh huy tâm rdâng đah khân may. Ơ phung Israel! Lơi ta tâm rdâng ôh đah Yêhôva Brah Ndu phung chô yau khân may, yorlah khân may mâu mra dơi ôh!”

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 20:17

Tâm nau lơh nây, khân may mâu mra tâm lơh ôh. Gŭ nâp hom tâm ntŭk jêh ri dâk nsrâng gay kâp uănh nau tâm rklaih Brah Yêhôva, Nơm gŭ ndrel ma khân may. Ơ phung Yuđa jêh ri phung gŭ ta Yêrusalem! Lơi klach ôh, lơi krit ôh! Ôi taơ hăn luh tâm mâp hom đah khân păng, yorlah Brah Yêhôva gŭ ndrel ma khân may.’”

II Nau Rêh Jêng 32:8

Păng knŏng geh ti nglay săk; bi he geh Yêhôva Brah Ndu gŭ ndrel he gay kâp kơl, jêh ri sâm tâm lơh ăn ma he.” Phung ƀon lan geh nau n'hao nuih yor bơh nau ngơi Y-Hêsêkia, hađăch Yuđa.

Nêhêmi 4:14

Jêh sek uănh, gâp dâk hăn jêh ri ngơi ma phung ndrŏng, phung kôranh, jêh ri phung ƀon lan hôm e klen pô aơ: “Lơi klach ôh ma khân păng. Kah gĭt hom pô aơ Kôranh Brah jêng Nơm dŭt toyh jêh ri geh nau klach yơk, mra tâm lơh ăn ma phung oh nâu, ăn ma phung kon bu klâu, kon bu ur, ăn ma phung ur, jêh ri ma phung ngih vâl khân may.”

Nau Mprơ Ơm 106:24

Thoi ma nây, phung chô yau hên tâm rmot ma n'gor neh ueh uĭn, Mâu chroh ôh ma nau Păng ngơi.

Nau Mprơ Ơm 121:5

Brah Yêhôva jêng nơm mât mray may; Brah Yêhôva jêng gui nkŭm pa ma may.

Nau Mprơ Ơm 14:4

Di lĕ rngôch phung djơh mhĭk mâu gĭt rbăng da dê? Khân păng sa rvăn phung ƀon lan Gâp tâm ban ma sa ƀănh, Jêh ri mâu mâp kuăl mbơh sơm ma Brah Yêhôva.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:7

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:8

Văch hom uănh lĕ nau kan Brah Yêhôva, Nau Păng ƀư rai ƀư jêh ta neh ntu.

Nau Mprơ Ơm 74:14

May yơh nchah lơi bôk Lêviathan, Ăn păng ƀư ndơ sông sa ma phung gŭ tâm bri rdah.

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Nau Ngluh Êjipt 14:13

Y-Môis lah ma phung ƀon lan: “Lơi klach ôh, iăt ma gŭ nâp jêh ri mra saơ nau tâm rklaih bơh Brah Yêhôva mra ƀư ăn ma khân may nar aơ. Lĕ phung Êjipt khân may saơ nar aơ mâu hôm ôh mra saơ.

Nau Ngluh Êjipt 33:16

Tơlah May mâu hăn ndrel ma hên, mâm bu gĭt ngăn ma gâp jêh ri phung ƀon lan May geh nau yô̆ tanăp măt May? Geh May hăn ndrel, gâp jêh ri phung ƀon lan May mra dơi tâm nkhah bơh phung ƀon lan êng klơ neh.”

Êsai 1:2

Ơ lĕ ndâr trôk gŭ iăt hom, ơ neh ntu rkêng tôr iăt hom! Yorlah Brah Yêhôva lah pô aơ: “Gâp hŏ mât mơh jêh oh kon, ăn khân păng toyh kuăng, Ƀiălah khân păng tâm rdâng jêh đah Gâp.

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 63:10

Ƀiălah khân păng hŏ tâm rdâng Jêh ri ƀư rngot jêh Brah Huêng Ueh Păng; Yor nây, Păng plơ̆ jêng nơm rlăng đah khân păng, Păng nơm yơh tâm lơh đah khân păng.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 42:11

Lơi ta klach ôh ma hađăch Babilôn, jêng ma nơm khân ay may klach; Brah Yêhôva lah, lơi klach ôh ma hađăch nây, yorlah Gâp gŭ ndrel ma khân ay may gay koh dŏng jêh ri tâm rklaih khân may tă bơh ti hađăch nây.

Yêrêmi 48:45

“Nơm nchuăt du hŏ huăr ngăn jêh Nde tâm dâng n'hâm gui ƀon Hêsbôn; Ƀiălah ŭnh hĭt luh tă bơh Hêsbôn, Chông ŭnh bơh ta nklang phung Sihôn, Ƀư rai ndâr kleng bri Môap, Jêh ri nting bôk phung ƀon lan drơu drơu.

Daniel 9:5

Hên hŏ geh nau tih jêh, ƀư nau tih, gŭ ngao djơh mhĭk, hên tâm rdâng, chalơi đah lĕ nau vay ntăm jêh ri nau vay ƀư bơh May.

Daniel 9:9

Nau yô̆ nđach jêh ri yô̆ an jêng tâm Kôranh Brah da dê jêng Brah Ndu hên, yorlah hên ƀư nau tâm rdâng jêh đah May.

Nau Kơp Bunuyh 13:30

Nôk nây ro, Y-Kalep ƀư ma phung ƀon lan gŭ rklăk hom, dôl khân păng ngơi ƀrôk đah Y-Môis, jêh ri păng lah: “Ăn he hăn hao hom jêh ri pit sŏk n'gor nây, yorlah he dơi tâm lơh.”

Nau Kơp Bunuyh 17:6

Y-Môis ngơi ma phung ƀon lan Israel, jêh ri lĕ rngôch kôranh tĭng nâm ndŭl mpôl khân păng djôt leo chê̆ ma păng ăp nơm du mâng jra, jêng jât ma bar mlâm mâng jra. Mâng jra Y-Arôn gŭ ndrel ma lĕ mâng jra êng.

Nau Kơp Bunuyh 20:2

Nôk nây, mâu geh ôh dak ma phung tâm rƀŭn, pôri khân păng rƀŭn ndrel gay tâm rdâng đah Y-Môis jêh ri Y-Arôn.

Nau Kơp Bunuyh 24:8

Brah Ndu hŏ njŭn jêh khân păng luh bơh n'gor Êjipt; Khân păng geh nau ktang nâm ndrôk bri, Mra rvăn lĕ bri dak rlăng ma khân păng, Nkê̆ch lơi jêh nting khân păng jêng âk gâl, Jêh ri pănh ma hăr ƀư rai khân păng.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Nau Vay Nkah Tay 1:21

Aơ Yêhôva Brah Ndu ăn jêh n'gor nây ma khân may. Hăn hao hom, sŏk dơn hom drăp ndơn, tĭng nâm Yêhôva Brah Ndu phung chô yau khân may hŏ lah jêh ma khân may. Lơi klach mâu lah rdja nuih n'hâm ôh.’

Nau Vay Nkah Tay 1:26

Ƀiălah khân may mâu ôh ŭch hăn hao n'gor nây jêh ri tâm rdâng đah nau ntăm Yêhôva Brah Ndu.

Nau Vay Nkah Tay 1:29

Ƀiălah gâp lah jêh ma khân may: ‘Lơi khân may krit jêh ri klach ôh ma khân păng.

Nau Vay Nkah Tay 31:6

Ăn dăng ktang jêh ri janh nănh! Lơi ta klach, lơi ir krit tanăp măt phung ƀon lan nây, yorlah Yêhôva Brah Ndu khân may yơh hăn ndrel ma khân may. Păng mâu mra tâm nkhah ôh bơh ma khân may, mâu lĕ chalơi khân may!”

Nau Vay Nkah Tay 31:8

Brah Yêhôva Nơm mra hăn lor ma may; Păng mra gŭ ndrel ma may, mâu mƀăr may, mâu lĕ chalơi may. Lơi ta klach jêh ri lơi ir krit ôh!”

Nau Vay Nkah Tay 32:42

Gâp mra ƀư ma hăr djrêp mham, Măt đao sa rvăn puăch, Jêng mham bơh phung bunuyh bu nă jêh ri phung bu sreh nkhĭt jêh, Bôk phung kôranh tahan rlăng.”

Nau Vay Nkah Tay 7:18

Ƀiălah khân may lơi klach ôh. Kah gĭt tay hom moh nau Yêhôva Brah Ndu khân may hŏ ƀư jêh ma Pharaôn jêh ri ma lĕ n'gor Êjipt.

Nau Vay Nkah Tay 7:21

Lơi klach ma phung ƀon lan nây, yorlah Yêhôva Brah Ndu dôl gŭ ta nklang khân may jêng Brah Ndu toyh jêh ri geh nau klach yơk.

Nau Vay Nkah Tay 9:7

“Ăn khân may kah gĭt, lơi ta chuêl, tâm bri rdah khân may hŏ nsônh jêh nau ji nuih Yêhôva Brah Ndu kơt nĕ. Tă bơh nar khân may du luh bơh n'gor Êjipt kŏ tât ta ntŭk aơ, khân may hŏ tâm rdâng ƀaƀơ jêh đah Brah Yêhôva.

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

Yôsuê 14:12

Pônây, ăn hom ma gâp bri klơ dor yôk aơ tĭng nâm nau Brah Yêhôva ngơi jêh tâm nar nĕ, yorlah tâm rnôk nây may tăng jêh ta aơ geh phung Anakim nđâp ma lĕ ƀon toyh jêh ri nâp ngăn. Dăn Brah Yêhôva gŭ ndrel ma gâp gay gâp mprơh khân păng tĭng nâm Brah Yêhôva lah jêh.”

Phung Kôranh Phat Dôih 1:22

Bi ngih Yôsep tâm ban đŏng hăn hao lơh ƀon Bêthel, jêh ri Brah Yêhôva gŭ ndrel khân păng.