Nau Kơp Bunuyh 14:6 - Nau Brah Ndu Ngơi 2023

⁶ Y-Yôsuê, kon bu klâu Y-Nun, jêh ri Y-Kalep, kon bu klâu Y-Jêphunê, jêng bar hê tâm lĕ phung hăn n'hut uănh jêh n'gor, nkhêk bok ao khân păng nơm.

Nau Kơp Bunuyh 14:6 ပူးပေါင်းရင်းမြစ်များ

Nau Ntơm 37:29

Nôk Y-Ruben plơ̆ tay ta ntu nây, mâu saơ ôh Y-Yôsep gŭ tâm dâng nây, pôri păng nkhêk ao păng nơm,

Nau Ntơm 37:34

Y-Yakôb nkhêk kho ao, sŏk bok ƀau mbăn ta bŭt jêh ri rngot klâng ma kon păng jŏ nar.

Nau Ntơm 44:13

Khân păng nkhêk ao khân păng, ăp nơm dơm ƀau klơ ndŭr kơi seh bri, jêh ri plơ̆ sĭt ta ƀon.

II Samuel 3:31

Y-Đavit lah ma Y-Jôap jêh ri lĕ rngôch phung ƀon lan tĭng ndô̆ păng: “Nkhêk hom ao khân may, nsoh ao ma bok ƀau, jêh ri nhĭm vơl ma Y-Apner.” Jêh nây Y-Đavit tĭng groi băng.

II Phung Hađăch 18:37

Y-Êliakim, kon Y-Hilkia jêng kôranh mât uănh ngih hađăch, Y-Sêpna jêng kôranh nchih samƀŭt jêh ri Y-Jôa jêng kôranh kâp nchih samƀŭt nau tât, kon Y-Asap, nkhêk ao khân păng nơm, jêh nây plơ̆ sĭt nkoch tay ma hađăch Hêsêkia lĕ nau Y-Rabshakeh ngơi.

I Nau Rêh Jêng 7:27

Y-Êlisama jêng mbơ̆ Y-Nun; jêh ri Y-Nun jêng mbơ̆ Y-Yôsuê.

Ndrom Samƀŭt bơh Yôp 1:20

Y-Yôp dâk ro, nkhêk ao păng jêh ri poih bôk jêh nây chon mon ta neh mbah yơk

Nau Kơp Bunuyh 13:30

Nôk nây ro, Y-Kalep ƀư ma phung ƀon lan gŭ rklăk hom, dôl khân păng ngơi ƀrôk đah Y-Môis, jêh ri păng lah: “Ăn he hăn hao hom jêh ri pit sŏk n'gor nây, yorlah he dơi tâm lơh.”

Nau Kơp Bunuyh 13:6

ndŭl mpôl Yuđa, geh Y-Kalep, kon bu klâu Y-Jêphunê;

Nau Kơp Bunuyh 13:8

ndŭl mpôl Êphraim, geh Y-Hôsêa, kon bu klâu Y-Nun;

Nau Kơp Bunuyh 14:24

Ƀiălah yorlah oh mon Gâp jêng Y-Kalep mâu geh du nau mĭn đah khân păng, ƀiălah păng hăn tĭng Gâp ma lĕ nuih n'hâm răp jăp, Gâp mra njŭn păng lăp tâm n'gor păng lĕ hăn n'hut uănh jêh; noi deh bunuyh mra dơi n'gor nĕ jêng drăp ndơn.

Nau Kơp Bunuyh 14:30

mâu mra dơi lăp ôh tâm n'gor Gâp hŏ ton jêh ăn ma khân may, knŏng Y-Kalep kon bu klâu Y-Jêphunê jêh ri Y-Yôsuê, kon bu klâu Y-Nun.

Nau Kơp Bunuyh 14:38

Ƀiălah tâm phung hăn n'hut uănh n'gor knŏng geh Y-Yôsuê, kon bu klâu Y-Nun, jêh ri Y-Kalep, kon bu klâu Y-Jêphunê, hôm e rêh.

Nau Kơp Bunuyh 14:5

Y-Môis jêh ri Y-Arôn chon mon chŭn muh măt ta neh tanăp lĕ rngôch phung ƀon lan Israel tâm rƀŭn.

Nau Kơp Bunuyh 14:7

Bar hê bunuyh lah đah ma lĕ rngôch phung ƀon lan Israel tâm rƀŭn: “N'gor hên hŏ hăn n'hut uănh jêng du n'gor ueh ngăn.

Mathay 26:65

Nôk nây, kôranh ƀư brah toyh lơn nkhêk ao păng nơm jêh ri lah: “Păng ngơi sưr rlau jêh. Mâm ƀư he ŭch ma nơm mbơh đŏng? Khân may mhe tăng jêh nau păng ngơi sưr rlau nây. Mâm khân may mĭn?”

Markôs 14:63

Kôranh ƀư brah toyh lơn nkhêk ao păng jêh ri lah: “Moh nau mbơh êng ma he hôm joi đŏng?

Kôranh Oh Mon 14:14

Ƀiălah bar hê kôranh oh mon jêng Y-Ƀarnaƀas jêh ri Y-Pôl gĭt nau nây, khân păng nkhêk ao khân păng nơm, rduh lăp tâm nklang phung âk jêh ri ngơi huy:

Yôsuê 14:6

Rnôk nây, phung kon sau Y-Yuđa hăn văch ma Y-Yôsuê ta Gilgal, jêh ri Y-Kalep, kon bu klâu Y-Jêphunê, phung Kênisit, lah ma păng pô aơ: “May gĭt nau Brah Yêhôva ngơi jêh ma Y-Môis, bunuyh Brah Ndu, ta Kadês Barnê tât ma may jêh ri gâp.

Yôsuê 7:6

Y-Yôsuê nkhêk ao păng nơm jêh ri nđâp ma phung bu ranh Israel păn muh măt ta neh panăp Hip Nau Tâm Rnglăp Brah Yêhôva kŏ tât kêng măng jêh ri sui neh muy ta klơ bôk khân păng nơm.

Phung Kôranh Phat Dôih 11:35

Y-Jêptê saơ jêh păng luh du, păng nkhêk ro bok ao păng nơm jêh ri lah: “Hơi kon! Kon bu ur gâp, kon ƀư ăn ma gâp rngot hâu ngăn ngên! Kon jêng nau uh ah toyh ma gâp! Yorlah gâp ngơi jêh nau ton sơm tanăp Brah Yêhôva jêh ri mâu dơi rgâl ôh.”