Nau Kơp Bunuyh 14:40 - Nau Brah Ndu Ngơi 2023

⁴⁰ Khân păng dâk ơm ôi hăn hao n'gơn yôk jêh ri lah: “Hên mra hăn tât ntŭk Brah Yêhôva hŏ ton jêh yorlah hên ƀư tih jêh.”

Nau Kơp Bunuyh 14:40 ပူးပေါင်းရင်းမြစ်များ

Nơm Nti 9:3

Aơ jêng nau mhĭk tât tâm lĕ rngôch moh nau geh tât tâm dâng nar: Yorlah ăp bunuyh dơn nsum du mrô tâm nal yor ri nuih n'hâm kon bunuyh bêng ma nau janh ƀai, jêh ri nau brŭt ndrăng chiă uănh nau mĭn khân păng du bông nau rêh, gay nglĕ dŭt mra hăn lăp tâm ma nau khĭt.

Nau Kơp Bunuyh 15:30

Ƀiălah mbu ŭch ƀư tih, gĭt lah bunuyh ƀon lan gŭ tâm n'gor mâu lah phung gŭ njưh ƀât lât, bunuyh nây ngơi sưr ma Brah Yêhôva jêh ri bu mra nsot lơi păng bơh phung ƀon lan Păng.

Nau Kơp Bunuyh 22:34

Y-Balaam lah ma tông mpăr Brah Yêhôva: “Gâp hŏ ƀư tih jêh yorlah gâp mâu gĭt ôh May hŏ dâk jêh tâm trong gay ŭch nking gâp. Aƀaơ, tơlah May mâu di nuih gay gâp hăn, gâp mra plơ̆ sĭt ro yơh.”

Luka 13:25

Tơlah kôranh ngih dâk jêh ri nchăng mpông jêh, khân may gŭ padih, goh mpông jêh ri kuăl pô aơ: ‘Ơ kôranh, dăn pơk mpông ma hên!’ Păng mra plơ̆ lah: ‘Gâp mâu gĭt khân may ntŭk tă.’

Nau Vay Nkah Tay 1:41

Nôk nây khân may hŏ plơ̆ lah ma gâp: ‘Hên ƀư tih jêh đah Yêhôva; hên mra hăn hao jêh ri tâm lơh tĭng nâm nau Yêhôva Brah Ndu hŏ ntĭnh jêh ma he.’ Ăp nơm tâm phung khân may ndrăp ndơ tâm lơh jêh ri mĭn pô aơ hăn hao klơ yôk jêng kan nơih.

Nau Vay Nkah Tay 1:43

Gâp hŏ nkoch jêh lĕ nau ngơi aơ ƀiălah khân may mâu iăt ôh gâp. Khân may tâm rdâng đah nau Brah Yêhôva ntĭnh, jêh ri rôih ko hăn hao klơ yôk.