Nau Kơp Bunuyh 14:34 - Nau Brah Ndu Ngơi 2023

³⁴ Khân may hăn n'hut uănh ndah âk nar, jêng puăn jât nar, pôri khân may mra anh nau rmal yorlah nau tih khân may nơm dôl puăn jât năm, ăp nar ntrok ma du năm. Dôl nây khân may mra gĭt nau rmal Gâp.

Nau Kơp Bunuyh 14:34 ပူးပေါင်းရင်းမြစ်များ

I Phung Hađăch 8:56

“Mât ton ma Brah Yêhôva, Nơm ăn jêh ma phung ƀon lan Israel Păng geh nau rlu tĭng nâm lĕ rngôch nau Păng hŏ ntăm jêh! Tâm lĕ rngôch nau ton ueh Păng hŏ ntăm jêh ma Y-Môis, oh mon Păng, mâu geh ôh du bâr ngơi mâu hoch.

II Nau Rêh Jêng 36:21

Tât ngăn ƀoi nau Brah Yêhôva hŏ dŏng jêh bâr mbung Y-Yêrêmi ngơi, neh dơi ntop dơn tay năm saƀat. Tâm lĕ năng nar cha lat jêh, neh dơi rlu kŏ tât rĭng pơh jât năm.

Nau Mprơ Ơm 105:42

Yorlah Păng kah gĭt ma nau Păng ton kloh ueh, Jêh ri mâu chuêl ôh Abraham jêng oh mon Păng.

Nau Mprơ Ơm 38:4

Yorlah nau djơh mhĭk gâp bun dăp hao rlau bôk gâp; Khân păng tŭn gâp ta klơ gâp tâm ban ma du ntil anh jâk.

Nau Mprơ Ơm 77:8

Nau ueh Păng lôch mro măng lĕ? Nau Păng ton roh n'ho ro mâu hôm lĕ?

Nau Mprơ Ơm 95:10

Tâm puăn jât năm, Gâp tâm rmot ma phung mpôl băl aơ, Gâp lah: “Nây jêng du phung ƀon lan vĭ nhhơt, Mâu gĭt năl ôh trong Gâp.”

Êsêkiêl 14:10

Lĕ bar mra dơn nau tâm rmal; nau tâm rmal prăp ma nơm mbơh lor jêh ri nau tâm rmal prăp ma nơm joi ôp jêng tâm ban da dê.

Êsêkiêl 23:35

Yor nây, Kôranh Brah Yêhôva lah: ‘Yorlah ay lĕ chuêl Gâp jêh, chalơi Gâp pakơi ay, yor nây ay dơn nau tât geh yor nau ƀơ̆ nau ka n'hong ay!’”

Êsêkiêl 4:5

Yorlah Gâp hŏ nal jêh ma may, mrô nar tâm ban đah mrô năm khân păng ƀư tih, nây jêng pe rhiăng sĭn jât nar. Pônây may mra anh nau tih ma ngih Israel.

Êsêkiêl 4:6

Tơlah lôch jêh nar nây, may mra bê̆ch nkêng rle pa ma jêh ri anh nau tih ăn ma ngih Yuđa tâm puăn jât nar Gâp nal ăn may, du nar jêng du năm.

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Ndrom Samƀŭt bơh Ôsê 9:12

Nđâp tơlah khân păng mât rong phung kon Tâm ban lĕ Gâp mra sŏk lơi kŏ tât mâu hôm geh du huê bu klâu ôh. Rêh ni ngăn yơh ma khân păng Tơlah Gâp chalơi khân păng!

Kan Lêvi 20:19

Mâu dơi bê̆ch nsum đah oh ruh me may mâu lah oh ruh mbơ̆ may, yor nau ƀư kơt nây jêng nau bêk prêng ndŭl mpôl dăch may; bar hê khân păng mra tuy nau tâm rmal yor nau djơh khân păng.

Sakari 11:10

Pônây, Gâp sŏk mâng jra Gâp ntơ Nau Yô̆ jêh ri nkê̆ch lơi păng, gay chalơi nau tâm rnglăp Gâp hŏ ƀư jêh đah lĕ rngôch phung ƀon lan.

Nau Kơp Bunuyh 13:25

Khân păng hăn n'hut uănh n'gor tâm puăn jât nar jêh ri plơ̆ sĭt.

Nau Kơp Bunuyh 18:23

Ƀiălah phung Lêvi mra pah kan tâm Ngih Bok Nau Tâm Rƀŭn jêh ri khân păng mra anh nau tih khân păng. Khân păng mâu mra geh drăp ndơn ôh ta nklang phung ƀon lan Israel. Nĕ jêng du nau vay dăp n'ho ro tâm lĕ rngôch rô̆.

Nau Kơp Bunuyh 32:13

Yor ri, Brah Yêhôva hao ji nuih ma Phung ƀon lan Israel, jêh ri Păng ƀư ăn ma khân păng hăn nsong blêng tâm bri rdah tâm puăn jât năm, kŏ tât nôk lĕ rô̆ phung ƀư nau mhĭk tanăp măt Brah Yêhôva lĕ rai lôch jêh.

Kôranh Oh Mon 13:18

Păng ŭn nuih phung nây klăp lah puăn jât năm tâm bri rdah.

Nau Vay Nkah Tay 2:7

Yorlah Yêhôva Brah Ndu hŏ ăn nau ueh uĭn jêh ma khân may tâm lĕ rngôch kan ti bơh khân may. Păng gĭt nau hăn rgăn bri rdah dŭt toyh aơ. Tâm puăn jât năm aơ Yêhôva Brah Ndu khân may hôm gŭ ndrel mro ma khân may; khân may mâu pưt du ntil ndơ ôh.’

ហេឞ្រើ 4:1

Pôri, dôl geh nau ton ăn lăp tâm nau rlu Kôranh Brah ăt hôm nây, ăn he klach hom gay lơi geh du huê tâm phung he mâu geh nau di.

Yôsuê 14:10

Aơ, tâm puăn jât ma prăm năm aơ, ntơm bơh nar Brah Yêhôva ngơi nau nây ma Y-Môis, nôk phung Israel hôm hăn nsong tâm bri rdah, Brah Yêhôva hŏ prăp jêh nau rêh gâp tât ta aƀaơ aơ, jêh ri nar aơ gâp geh jêh pham jât ma prăm năm.

Nau Tâm Mpơl 11:3

Gâp mra ăn ma bar hê nơm mbơh Gâp, khân păng nsoh ao bok ƀau jêh ri ngơi nau mbơh lor tâm du rbăn bar rhiăng prao jât nar.”

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.