Nau Kơp Bunuyh 14:3 - Nau Brah Ndu Ngơi 2023

³ Mâm Yêhôva njŭn leo hên mŭt ta n'gor aơ gay ăn hên khĭt ma đao? Phung ur kon hên mra jêng ndơ khân păng sŏk gro. Bi ma hên, mâu ueh hĕ ăn ma hên plơ̆ sĭt rlet ma n'gor bri Êjipt?”

Nau Kơp Bunuyh 14:3 ပူးပေါင်းရင်းမြစ်များ

Nêhêmi 9:17

Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Nau Mprơ Ơm 78:40

Âk tơ̆ jêh khân păng ƀư nau tâm rdâng đah Brah Ndu tâm bri rdah, Jêh ri ƀư rngot ma Brah Ndu tâm ntŭk rngol!

Nau Ngluh Êjipt 16:3

Phung ƀon lan Israel lah ma bar hê khân păng: “Ueh lơn hên khĭt ma ti Brah Yêhôva tâm n'gor Êjipt, nôk hôm gŭ dăch glah puăch jêh ri sa ƀănh kŏ hơm! Ƀiălah khân may njŭn tay hên lăp tâm bri rdah aơ gay ăn lĕ rngôch phung ƀon lan aơ khĭt nau ji ngot.”

Nau Ngluh Êjipt 5:21

Phung kôranh mbŭch ngơi: “Bar hê khân may hŏ ƀư ma hên jêng ndơ ƀơ̆ bơch tanăp măt pharaôn jêh ri phung oh mon păng, hŏ ndơ̆ jêh đao gưm tâm ti khân păng gay ma nkhĭt hên. Dăn Brah Yêhôva sek uănh jêh ri phat dôih khân may!”

Yêrêmi 42:14

jêh ri lah pô aơ: ‘Mâu, hên ŭch hăn ma n'gor bri Êjipt, jêng ntŭk hên mâu mra saơ nau tâm lơh, mâu tăng bâr nŭng đŏng ôh, hên mâu mra rvê kƀah ndơ sông sa đŏng ôh, jêh ri hên mra gŭ rêh ta nây yơh,’

Yêrêmi 42:19

Ơ phung Yuđa hôm e klen, Brah Yêhôva hŏ lah jêh ma khân may: ‘Lơi ta hăn ôh ma n'gor bri Êjipt.’ Ăn khân ay may gĭt rah vah ngăn nar aơ gâp mbơh jêh ăn ma khân ay may.

Yêrêmi 9:3

“Khân păng van mpiăt khân păng nâm bu van na Khân păng chiă uănh tâm n'gor đah nau mƀruh Mâu di đah nau nanê̆ ngăn ôh. Khân păng hăn bơh nau mhĭk aơ tât nau mhĭk ri, Ƀiălah mâu gĭt năl Gâp.” Brah Yêhôva lah pônây.

Nau Kơp Bunuyh 11:20

ƀiălah sa lĕ du khay, kŏ tât dôl puăch nây luh du ta trôm muh jêh ri tâm rmot ma ndơ, yorlah khân may dun jêh ma Brah Yêhôva Nơm dôl gŭ ta nklang khân may, jêh ri nhĭm tanăp Păng pô aơ: “Mâm ƀư hên dĭng du luh tă bơh Êjipt?”’”

Nau Kơp Bunuyh 16:13

Di lĕ jêng du nau jê̆ nau may hŏ njŭn leo hên du luh bơh n'gor bêng ma dak toh jêh ri dak sŭt, gay khĭt tâm bri rdah, gay njêng may nơm kôranh hên?

Nau Kơp Bunuyh 20:3

Phung ƀon lan tâm jreh đah Y-Môis jêh ri lah: “Oh nâu hên khân păng hŏ khĭt jêh tanăp Brah Yêhôva; ueh lơn khĭt ndrel ma phung oh nâu hên đŏng!

Nau Kơp Bunuyh 21:5

Phung ƀon lan ngơi tâm rdâng đah Brah Ndu jêh ri Y-Môis. Khân păng lah: “Mâm may njŭn hên du luh bơh n'gor Êjipt ăn khĭt tâm bri rdah nây? Yorlah ta aơ mâu geh piăng let jêh ri mâu geh dak nhêt, jêh ri hên tâm rmot ma ndơ sông sa dơm dam aơ.”

Kôranh Oh Mon 7:39

Ƀiălah phung chô yau he mâu tông bâr păng, dun păng jêh ri rle nuih n'hâm khân păng nơm plơ̆ ma n'gor Êjipt.

Nau Vay Nkah Tay 1:39

Bi phung kon jê̆ khân may, khân may mĭn khân păng mra jêng ndơ ma phung rlăng pit sŏk, jêh ri phung kon bu klâu khân may, nar aơ ê mâp gĭt năl nau ueh mâu lah nau mhĭk, khân păng mra dơi lăp tâm n'gor nây. Gâp mra ăn n'gor nây ma khân păng gay ƀư drăp ndơn.