Nau Kơp Bunuyh 14:24 - Nau Brah Ndu Ngơi 2023

²⁴ Ƀiălah yorlah oh mon Gâp jêng Y-Kalep mâu geh du nau mĭn đah khân păng, ƀiălah păng hăn tĭng Gâp ma lĕ nuih n'hâm răp jăp, Gâp mra njŭn păng lăp tâm n'gor păng lĕ hăn n'hut uănh jêh; noi deh bunuyh mra dơi n'gor nĕ jêng drăp ndơn.

Nau Kơp Bunuyh 14:24 ပူးပေါင်းရင်းမြစ်များ

I Nau Rêh Jêng 29:18

Hơi Yêhôva Brah Ndu phung chô yau hên jêng Y-Abraham, Y-Isăk, jêh ri Y-Israel! Dăn ăn ma phung ƀon lan May djôt prăp mro nau ton jêh ri nau mĭn nây tâm nuih n'hâm, jêh ri ăn ma nuih n'hâm khân păng gŭ mpeh ma May.

I Nau Rêh Jêng 29:9

Phung ƀon lan hâk răm ngăn yorlah nau phung nây ăn jêh ma nuih n'hâm lŏng jêh ri lĕ nuih n'hâm nhhơr ma Brah Yêhôva. Hađăch Đavit răm maak tâm ban đŏng.

II Nau Rêh Jêng 25:2

Păng ƀư nau di tanăp măt Brah Yêhôva, ƀiălah nuih n'hâm mâu dơi jêng kloh rsang ngăn ôh.

Nau Mprơ Ơm 119:145

Ơ Brah Yêhôva, gâp kuăl mbơh sơm ma May ma lĕ nuih n'hâm, dăn plơ̆ lah an ma gâp; Gâp mra djôt prăp nau vay May dăp.

Nau Mprơ Ơm 119:80

Ăn nuih n'hâm gâp ƀư rĭng tâm lĕ nau vay May dăp; Gay ma gâp mâu bêk ôh.

Nau Hôr 23:26

Hơi kon gâp, nhhơr hom nuih n'hâm may ma gâp, Jêh ri măt may maak rŏng hom tâm trong gâp;

Nau Kơp Bunuyh 13:30

Nôk nây ro, Y-Kalep ƀư ma phung ƀon lan gŭ rklăk hom, dôl khân păng ngơi ƀrôk đah Y-Môis, jêh ri păng lah: “Ăn he hăn hao hom jêh ri pit sŏk n'gor nây, yorlah he dơi tâm lơh.”

Nau Kơp Bunuyh 14:30

mâu mra dơi lăp ôh tâm n'gor Gâp hŏ ton jêh ăn ma khân may, knŏng Y-Kalep kon bu klâu Y-Jêphunê jêh ri Y-Yôsuê, kon bu klâu Y-Nun.

Nau Kơp Bunuyh 26:65

Yorlah Brah Yêhôva lah jêh ma khân păng pô aơ: “Khân păng mra khĭt tâm bri rdah!” Pôri, mâu hôm geh du huê nuyh rêh ôh, knŏng Y-Kalep, kon bu klâu Y-Jêphunê jêh ri Y-Yôsuê, kon bu klâu Y-Nun.

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Êphêsô 6:6

mâu di tông bâr knŏng tanăp măt ôh, nâm bu khân may joi nau maak ma bunuyh, ƀiălah nâm bu phung dĭk Brah Krist, lĕ nuih n'hâm ƀư nau Brah Ndu ŭch.

Nau Vay Nkah Tay 1:36

knŏng Y-Kalep kon bu klâu Y-Jêphunê. Păng mra saơ n'gor nây jêh ri Gâp mra ăn ma păng jêh ri ma phung kon sau păng n'gor păng jot jâng jêh, yorlah păng tĭng ndô̆ Yêhôva ma lĕ nuih n'hâm.’

Nau Vay Nkah Tay 6:5

Ăn khân may yơk rŏng ma Yêhôva Brah Ndu khân may ma lĕ nuih n'hâm, ma lĕ huêng, jêh ri ma lĕ n'hâm suan.

Kôlôh 3:23

Moh ntil khân may ƀư, ƀư hom ma lĕ nuih n'hâm, nâm bu ƀư ma Kôranh Brah lĕ, mâu di ƀư ma bunuyh ôh,