Nau Kơp Bunuyh 14:23 - Nau Brah Ndu Ngơi 2023

²³ mâu mra du huê bunuyh tâm khân păng mra saơ n'gor Gâp sơm ton jêh gay ăn ma phung chô yau khân păng. Mâu geh du huê ôh mưch ma Gâp mra saơ n'gor nây.

Nau Kơp Bunuyh 14:23 ပူးပေါင်းရင်းမြစ်များ

Nêhêmi 9:23

Kôranh Brah hŏ ƀư jêh ma noi deh khân păng âk nâm bu mănh klơ trôk, Jêh ri njŭn khân păng tât ta n'gor Kôranh Brah hŏ ton ăn jêh ma phung chô yau khân păng ăn khân păng mra lăp pit sŏk n'gor bri nây.

Nau Mprơ Ơm 106:26

Yor nây, Păng yơr ti ton pô aơ: “Gâp mra ƀư ma khân păng cha lôt prah tâm bri rdah,

Nau Mprơ Ơm 95:11

Yor nây, Gâp ji nuih ton pô aơ: “Khân păng mâu mra lăp tâm nau Gâp rlu ôh.”

Yêrêmi 18:10

ƀiălah tơlah bri dak nây ƀư nau mhĭk tâm dâng măt Gâp, mâu iăt ôh bâr Gâp, pôri Gâp mra tâm rgâl nau mĭn ăn nau ueh uĭn ăn ma khân păng.

Êsêkiêl 20:15

Gâp yơr ti ton jêh ma khân păng tâm bri rdah pô aơ Gâp mâu mra leo khân păng lăp ôh tâm n'gor bri Gâp hŏ ăn ma khân păng, jêng n'gor bri bêng ma dak toh jêh ri dak sŭt, bri ueh lơn tâm lĕ rngôch bri.

Nau Kơp Bunuyh 26:64

Tâm phung bunuyh aơ mâu geh mbu tâm phung Y-Môis jêh ri kôranh ƀư brah Y-Arôn hŏ kơp jêh tâm nau kơp phung ƀon lan Israel tâm bri rdah Sinai.

Nau Kơp Bunuyh 26:65

Yorlah Brah Yêhôva lah jêh ma khân păng pô aơ: “Khân păng mra khĭt tâm bri rdah!” Pôri, mâu hôm geh du huê nuyh rêh ôh, knŏng Y-Kalep, kon bu klâu Y-Jêphunê jêh ri Y-Yôsuê, kon bu klâu Y-Nun.

Nau Kơp Bunuyh 32:11

‘Phung bunuyh du luh jêh tă bơh n'gor Êjipt, ntơm bơh bar jât năm leo klơ mâu mra saơ n'gor Gâp hŏ ton jêh gay ăn ma Y-Abraham, ma Y-Isăk, jêh ri ma Y-Yakôb, yorlah khân păng mâu lĕ nuih n'hâm hăn tĭng Gâp,

Nau Vay Nkah Tay 1:8

Aơ, Gâp ăn jêh n'gor aơ ma khân may! Lăp jêh ri pit sŏk hom n'gor Brah Yêhôva hŏ ton jêh ăn ma chô yau khân may jêng Y-Abraham, Y-Isăk, Y-Yakôb jêh ri ma phung kon sau khân păng.’

ហេឞ្រើ 4:3

Bi ma he jêng phung bunuyh chroh jêh, he hăn lăp tâm nau rlu, nâm bu Brah Ndu hŏ lah jêh: “Nâm bu nau Gâp sơm ton jêh tâm nau ji nuih: ‘Khân păng mâu mra hăn lăp tâm nau rlu Gâp ôh!’ ” Nđâp tơlah nau kan Păng hŏ lôch jêh ntơm bơh rhăk njêng neh ntu.