Nau Kơp Bunuyh 14:21 - Nau Brah Ndu Ngơi 2023

²¹ Ƀiălah, Gâp sŏk nau rêh jêh ri nau chrêk rmah bêng ma lam n'gor Gâp jêng Brah Yêhôva gay sơm ton pô aơ:

Nau Kơp Bunuyh 14:21 ပူးပေါင်းရင်းမြစ်များ

Nau Mprơ Ơm 57:6

Khân păng nthăng nhuăl tâm dâng jâng gâp, Huêng gâp mpât n'gơ. Khân păng kuyh ntu jru tanăp gâp Ƀiălah khân păng nơm tŭp ta nây. (Sêla)

Nau Mprơ Ơm 72:19

Khư mprơ tâm rnê amoh chrêk rmah Păng tât n'ho ro! Ăn lam neh ntu dơi bêng ma nau chrêk rmah Păng! Amen! Amen!

Nau Ngluh Êjipt 9:16

Ƀiălah mâm ƀư Gâp ăn may rêh gay ma ăn may saơ nau brah Gâp, jêh ri bu mbơh nkoch lam bri neh ntu.

Êsai 49:18

N'gơr hom măt may uănh văr jŭm; Lĕ rngôch khân păng tâm rƀŭn ndrel văch ma may!” Brah Yêhôva lah: “Tĭng nâm Gâp gŭ rêh mro mrăng, May mra văn lĕ rngôch khân păng tâm ban ma ndơ nkrơ̆, Jêh ri may djôt khân păng tâm ban ma nse vân bŭt bu ur nđăp ma sai!

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Yêrêmi 22:24

Brah Yêhôva lah: “Nâm bu Gâp gŭ rêh mro mrăng, nđâp lah Y-Jêhôjakin, kon bu klâu Y-Jêhôjakim, hađăch Yuđa, jêng rgên chrăk ta ti ma Gâp, Gâp ăt doh lơi may.

Êsêkiêl 18:3

Kôranh Brah Yêhôva lah: ‘Tĭng nâm Gâp gŭ rêh mro mrăng, khân may mâu mra dŏng nau hôr nây tâm bri Israel đŏng ôh.’

Êsêkiêl 20:36

Nâm bu Gâp phat dôih jêh phung chô yau khân may tâm bri rdah n'gor bri Êjipt tâm ban pônây lĕ Gâp mra phat dôih khân may,’ Kôranh Brah Yêhôva lah pônây.

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Êsêkiêl 33:27

Pônây may lah hom ma khân păng pô aơ: Kôranh Brah Yêhôva lah: ‘Di ngăn tĭng nâm Gâp gŭ rêh mro mrăng, phung gŭ tâm ntŭk rlâm rai mra chôt khĭt ma đao, jêh ri Gâp mra jao phung gŭ tâm mir ăn ma mpô mpa sa kăp sa rvăn; bi ma phung gŭ tâm pôih tahan, trôm ntu mra khĭt yor nau ji tưp.

Êsêkiêl 5:11

Yêhôva Brah Ndu lah: “N'hêl nê̆ tĭng nâm Gâp gŭ rêh mro mrăng, yor may hŏ ƀư ƀơ̆ ƀơch jêh ntŭk kloh ueh Gâp tă bơh lĕ nau mhĭk Gâp tâm rmot yor ri Gâp mra ƀư rai may mâu mra nhhuach. Măt Gâp mâu mra yô̆ may đŏng ôh.

Habakuk 2:14

Yorlah gĭt năl nau chrêk rmah Brah Yêhôva Mra bêng ler lam neh ntu Nâm bu dak nkŭm bêng dak mƀŭt.

Sôphôni 2:9

Yor nây, Brah Yêhôva ma phung tahan, Jêng Brah Ndu phung Israel lah pô aơ: “N'hêl nanê̆ tĭng nâm Gâp gŭ rêh mro mrăng! Môap mra jêng tâm ban Sôdôm Jêh ri phung ƀon lan Ammôn mra jêng tâm ban Gômôrơ; Khân păng mra jêng du ntŭk bêng ma pôm lok, Du ntu boh, du ntŭk rngol n'ho ro. Phung ƀon lan Gâp hôm e gŭ rêh mra ntŭng pit ƀư rai lơi khân păng, Phung ƀon lan Gâp hôm klen mra pit in bri neh khân păng ƀư drăp ndơn.”

Nau Kơp Bunuyh 14:28

Lah hom ma khân păng, ‘Brah Yêhôva lah: Gâp sŏk nau rêh Gâp gay ngơi pô aơ Gâp mra ƀư ma khân may di nâm nau Gâp hŏ tăng jêh khân may njang mbung:

Mathay 6:10

Ăn ƀon bri hađăch Mbơ̆ gơnh tât, Ăn nau May ŭch mra jêng, ta neh ntu tâm ban ma ta klơ trôk!

Nau Vay Nkah Tay 32:40

Gâp yơr ti let klơ trôk Jêh ri mbơh: ‘Gâp dơi rêh ƀaƀơ n'ho ro!’