Nau Kơp Bunuyh 14:2 - Nau Brah Ndu Ngơi 2023

² Lĕ rngôch phung ƀon lan Israel njang mbung đah Y-Môis jêh ri Y-Arôn; lĕ rngôch phung tâm rƀŭn lah ma bar hê: “Ueh lơn hên khĭt tâm n'gor bri Êjipt mâu lah khĭt tâm bri rdah aơ!

Nau Kơp Bunuyh 14:2 ပူးပေါင်းရင်းမြစ်များ

I Phung Hađăch 19:4

Bi păng hăn trong du nar đŏng lăp tâm bri rdah. Păng gŭ tâm dâng du tơm si n'ho toyh jêh ri mbơh sơm dăn ma păng khĭt: “Hơi Kôranh Brah! Lĕ găp jêh. Dăn ma May nglôch lơi nau rêh gâp, yorlah gâp mâu jêng ueh lơn ôh đah phung chô yau gâp.”

Ndrom Samƀŭt bơh Yôp 3:11

Mâm ƀư gâp mâu khĭt ro nôk mhe deh, Mâu tăch n'hâm dôl nôk mhe luh bơh ndŭl mê̆?

Nau Mprơ Ơm 106:24

Thoi ma nây, phung chô yau hên tâm rmot ma n'gor neh ueh uĭn, Mâu chroh ôh ma nau Păng ngơi.

Nau Mprơ Ơm 106:25

Khân păng ngơi ƀŭk dŭk suyh tâm pôih tahan, Mâu tông bâr Brah Ndu Yêhôva.

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Ngluh Êjipt 14:11

Khân păng lah ma Y-Môis: “Ơm mâu tŏng ntu môch tâm n'gor Êjipt dĭng may njŭn leo hên khĭt tâm bri rdah aơ? May leo phung hên luh bơh n'gor Êjipt mâm ndơ ƀư ŭch hơh?

Nau Ngluh Êjipt 15:24

Phung ƀon lan ngơi njang bâr ma Y-Môis: “Moh ndơ he mra sŏk gay ma nhêt?”

Nau Ngluh Êjipt 17:3

Ƀiălah ta nây phung ƀon lan ji hir dak jêh ri khân păng nduyh ma Y-Môis: “Mâm ƀư may ngluh hên bơh n'gor Êjipt jêh ri gay ăn ma hên, phung kon hên jêh ri mpôl mpô mpa hên rong khĭt ma nau ji hir dak?”

Yônais 4:3

Ơ Brah Yêhôva, aƀaơ aơ gâp vơl dăn ma May sŏk hom nau rêh gâp, yorlah ma gâp, khĭt ueh lơn đah hôm rêh!”

Yônais 4:8

Tơlah luh nar, Brah Ndu rơm ăn sial duh khôm tă mpeh luh nar jêh ri nar jŭr nđat ta klơ bôk Y-Yôna kŏ tât păng huơi jêh ri păng dăn dơi khĭt jêh ri lah pô aơ: “Bi ma gâp, khĭt ueh lơn đah hôm rêh!”

Nau Kơp Bunuyh 11:1

Aƀaơ, phung ƀon lan ngơi ƀrôk jêh ri nau nây ƀư Brah Yêhôva mâu di nuih. Brah Yêhôva tăng jêh ri Păng hao ji nuih. Ŭnh Brah Yêhôva su ta nklang phung ƀon lan jêh ri su ma ŭnh ta pĭt ntŭk rmlak tahan.

Nau Kơp Bunuyh 11:15

Tơlah Kôranh Brah ƀư pô aơ ma gâp jêh ri tơlah gâp geh nau yô̆ tanăp măt Kôranh Brah, dăn nkhĭt hom gâp gay gâp mâu saơ ôh nau rêh ni gâp!”

Nau Kơp Bunuyh 11:5

Hên kah gĭt ma ka hên sa mâu rvăt ma prăk ta Êjipt, nđâp ma rpŭng, rpŭng tôk, kdĭm, jiăm jêh ri toi.

Nau Kơp Bunuyh 14:1

Lĕ rngôch phung tâm rƀŭn nter huy; phung ƀon lan nhĭm nhhiăng tâm măng nây.

Nau Kơp Bunuyh 14:22

lĕ rngôch phung saơ jêh nau chrêk rmah jêh ri nau mbên khlay Gâp hŏ ƀư jêh tâm n'gor Êjipt jêh ri tâm bri rdah, ƀiălah hŏ rlong uănh jêh Gâp jât tơ̆, tâm ban đŏng mâu tông bâr Gâp ôh,

Nau Kơp Bunuyh 16:13

Di lĕ jêng du nau jê̆ nau may hŏ njŭn leo hên du luh bơh n'gor bêng ma dak toh jêh ri dak sŭt, gay khĭt tâm bri rdah, gay njêng may nơm kôranh hên?

Nau Kơp Bunuyh 16:41

Ôi taơ, lĕ rngôch phung ƀon lan Israel tâm rƀŭn ngơi ƀrôk tâm rdâng đah Y-Môis jêh ri Y-Arôn. Khân păng lah: “Khân may hŏ nkhĭt jêh ri phung ƀon lan Brah Yêhôva!”

Nau Kơp Bunuyh 17:6

Y-Môis ngơi ma phung ƀon lan Israel, jêh ri lĕ rngôch kôranh tĭng nâm ndŭl mpôl khân păng djôt leo chê̆ ma păng ăp nơm du mâng jra, jêng jât ma bar mlâm mâng jra. Mâng jra Y-Arôn gŭ ndrel ma lĕ mâng jra êng.

Nau Kơp Bunuyh 20:2

Nôk nây, mâu geh ôh dak ma phung tâm rƀŭn, pôri khân păng rƀŭn ndrel gay tâm rdâng đah Y-Môis jêh ri Y-Arôn.

Nau Kơp Bunuyh 20:3

Phung ƀon lan tâm jreh đah Y-Môis jêh ri lah: “Oh nâu hên khân păng hŏ khĭt jêh tanăp Brah Yêhôva; ueh lơn khĭt ndrel ma phung oh nâu hên đŏng!

Nau Kơp Bunuyh 20:4

Mâm may njŭn jêh phung tâm rƀŭn Brah Yêhôva mŭt tâm bri rdah aơ gay hên jêh ri mpô mpa rong hên khĭt ta aơ?

Nau Kơp Bunuyh 21:5

Phung ƀon lan ngơi tâm rdâng đah Brah Ndu jêh ri Y-Môis. Khân păng lah: “Mâm may njŭn hên du luh bơh n'gor Êjipt ăn khĭt tâm bri rdah nây? Yorlah ta aơ mâu geh piăng let jêh ri mâu geh dak nhêt, jêh ri hên tâm rmot ma ndơ sông sa dơm dam aơ.”

I Kôrintô 10:10

Jêh ri lơi ngơi ƀŭk dŭk suyh ôh nâm bu phung ƀaƀă tâm khân păng, jêh ri khân păng khĭt đah ti tông mpăr ƀư rai.

Nau Vay Nkah Tay 1:27

Khân may ngơi ƀrôk tâm ngih bok jêh ri lah: ‘Brah Yêhôva tâm rmot ma he, pôri Păng njŭn he luh bơh n'gor Êjipt jêh ri jao he tâm ti phung Amôrit, gay ƀư rai he.

Nau Vay Nkah Tay 9:23

Nôk đă khân may bơh Kadês Barnê, Brah Yêhôva ntĭnh jêh: ‘Hăn hao hom jêh ri pit sŏk n'gor Gâp hŏ ăn jêh ma khân may,’ ƀiălah khân may tâm rdâng đah nau ntrŭnh bơh Yêhôva Brah Ndu, mâu rnơm nsing, jêh ri mâu đŏng tông bâr Păng.

ហេឞ្រើ 3:16

Mbu nơm jêng phung tăng jêh bâr Păng, ƀư nau tâm rdâng? Mâu di hĕ jêng phung bunuyh Y-Môis njŭn leo luh bơh n'gor Êjipt?

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.