Nau Kơp Bunuyh 14:19 - Nau Brah Ndu Ngơi 2023

¹⁹ Gâp dăn ma Kôranh Brah yô̆ an nau tih ma phung ƀon lan aơ tĭng nâm nau yô̆ nđach toyh Kôranh Brah, tĭng nâm Păng hŏ yô̆ an jêh âk tơ̆ ma khân păng ntơm bơh du tă bơh Êjipt tât ma aƀaơ ri.”

Nau Kơp Bunuyh 14:19 ပူးပေါင်းရင်းမြစ်များ

I Phung Hađăch 8:34

pônây dăn May klơ trôk rkêng tôr iăt, yô̆ an nau tih ma phung ƀon lan Israel May jêh ri ƀư ăn khân păng plơ̆ sĭt ma n'gor May ăn jêh ma chô yau khân păng.

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Nau Mprơ Ơm 85:2

May yô̆ an jêh phung djơh mhĭk ma phung ƀon lan May Jêh ri nkŭm lĕ rngôch nau tih khân păng. (Sêla)

Nau Ngluh Êjipt 32:32

Ƀiălah aƀaơ dăn Kôranh Brah yô̆ an nau tih ma khân păng! Tơlah mâu, dăn may jut lơi amoh gâp bơh ndrom samƀŭt May hŏ nchih jêh.”

Nau Ngluh Êjipt 33:17

Brah Yêhôva lah ma Y-Môis: “Gâp mra ƀư nau may dăn ma Gâp, yorlah may geh jêh nau yô̆ tanăp măt Gâp, jêh ri Gâp gĭt năl may ma amoh may nơm.”

Nau Ngluh Êjipt 34:9

Păng ngơi: “Ơ Kôranh Brah! Tơlah gâp geh nau yô̆ tanăp măt Kôranh Brah, dăn Kôranh Brah hăn ndrel hên. Nđâp lah aơ jêng phung ƀon lan dăng ko, dăn Kôranh Brah yô̆ an ma nau djơh mhĭk jêh ri nau tih hên jêh ri dơn hên jêng drăp ndơn Kôranh Brah.”

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Daniel 9:19

Ơ Kôranh Brah, iăt hom! Ơ Kôranh Brah, yô̆ an hom! Ơ Kôranh Brah, uănh ntreng hom jêh ri ƀư! Ơ Brah Ndu gâp, yor amoh May, lơi ta rlu; yorlah ƀon May jêh ri phung ƀon lan May dơi rnha jêh ma amoh May!”

Amôt 7:2

Tơlah krah sa lĕ jêh gơ̆ tâm bri nây, gâp lah pô aơ: “Hơi Kôranh Brah Yêhôva, gâp vơh vơl dăn May yô̆ an hom! Mâm Y-Yakôb hôm dâk dơi lĕ? Yor păng jê̆ lê̆ ir.”

Amôt 7:5

Rnôk nây gâp lah pô aơ: “Hơi Kôranh Brah Yêhôva, gâp vơh vơl ma May, rlu hom ti! Mâm Y-Yakôb hôm dâk dơi lĕ? Yor păng jêng jê̆ lê̆ ir!”

Yônais 3:10

Rnôk nây, Brah Ndu saơ nau khân păng ƀư jêh ri saơ khân păng hŏ chalơi jêh trong mhĭk khân păng pôri Păng tâm rgâl nau mĭn ma nau mhĭk tât ta klơ khân păng nâm bu hŏ lah, jêh ri Păng mâu ƀư nau nây ôh.

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Nau Kơp Bunuyh 23:21

Păng mâu saơ ôh nau jêr tâm phung Yakôb Mâu lĕ păng saơ nau uh ah tâm phung Israel. Brah Yêhôva Brah Ndu khân păng gŭ ndrel ma khân păng, Hađăch nter răm maak nklang Israel.

Yakơ 5:15

Nau mbơh sơm tâm nau chroh mra sâm rdâk an bunuyh nây dâk; tơlah bunuyh ji geh nau tih, ăt mra geh nau yô̆ an đŏng.