Nau Kơp Bunuyh 14:18 - Nau Brah Ndu Ngơi 2023

¹⁸ ‘Brah Yêhôva mâu gơnh nuih ôh, Jêh ri ndrŏng ma nuih n'hâm yô̆ nđach, Yô̆ an nau tih jêh ri nau tâm rdâng, Ƀiălah mâu kơp nơm geh nau tih ôh jêng mâu geh nau tih, Jêh ri rmal ma phung kon sau kŏ tât pe puăn rô̆ nuyh Yorlah nau tih phung chô yau.’

Nau Kơp Bunuyh 14:18 ပူးပေါင်းရင်းမြစ်များ

Nêhêmi 9:17

Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Ndrom Samƀŭt bơh Yôp 21:19

Khân may lah: ‘Brah Ndu prăp nau djơh mhǐk khân păng ma phung kon khân păng mra dơn.’ Dăn May mplơ̆ nau nây ma khân păng nơm, gay khân păng gǐt.

Nau Mprơ Ơm 103:8

Brah Yêhôva bêng ma nau yô̆ nđach, vay ƀư ueh, Mâu gơnh duh nuih jêh ri ndrŏng ma nau ueh.

Nau Mprơ Ơm 108:4

Yorlah nuih n'hâm ueh Kôranh Brah dŭt toyh lơn ma lĕ ndâr trôk, Nau răp jăp ngăn May prêh tât ta ndâr tŭk.

Nau Mprơ Ơm 109:14

Ăn bu nkah tay lĕ nau mhĭk phung chô yau păng tanăp măt Brah Yêhôva; Nau tih me păng bu mâu jut lơi ôh.

Nau Mprơ Ơm 145:8

Brah Yêhôva ăn nau ueh ƀaƀơ, vay yô̆ nđach Mâu gơnh duh nuih jêh ri bêng nau ueh.

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Ngluh Êjipt 20:6

Ƀiălah Gâp mra ăn nau yô̆ tât rbăn rô̆ ma lĕ phung rŏng ma Gâp jêh ri djôt prăp lĕ nau vay ntăm bơh Gâp.

Yêrêmi 23:2

Yor nây, aơ jêng nau Yêhôva Brah Ndu phung Israel prăp ăn ma phung rmăk biăp chiă uănh phung ƀon lan Gâp: ‘Khân may hŏ ƀư nchah rai pru pra jêh biăp Gâp, mprơh du jêh ri mâu njrăng ma khân păng. Aơ, Gâp mra rkêng tôr iăt tâm rdâng đah khân may yor nau mhĭk khân may ƀư jêh,’ Brah Yêhôva lah pônây.

Yêrêmi 32:18

May tâm mpơl nau yô̆ tât rbăn rô̆ nuyh, ƀiălah rmal nau tih phung mbơ̆ tât ma phung kon sau. Ơ! May jêng Brah Ndu dŭt toyh jêh ri Nơm geh nau brah, amoh May jêng Brah Yêhôva ma phung tahan.

Nau Nhĭm Vơl 5:7

Chô yau hên hŏ ƀư tih jêh ri abaơ lĕ khĭt jêh; Hên mra anh nau mhĭk khân păng.

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Nau Kơp Bunuyh 14:17

Yor ri, aƀaơ gâp dăn nau brah Brah Yêhôva mpơl tâm nau chrêk rmah nâm Kôranh Brah hŏ ntăm jêh pô aơ:

Nau Kơp Bunuyh 23:21

Păng mâu saơ ôh nau jêr tâm phung Yakôb Mâu lĕ păng saơ nau uh ah tâm phung Israel. Brah Yêhôva Brah Ndu khân păng gŭ ndrel ma khân păng, Hađăch nter răm maak nklang Israel.

Samƀŭt Pôl Njuăl Ăn Ma Phung Nsing Ta Ƀon Rôm 5:21

Pônây, nau tih chiă uănh jêh ma nau khĭt, bi nau yô̆ chiă uănh ma nau sŏng srăng gay djôt leo nau rêh n'ho ro tâm Brah Yêsu Krist, Kôranh Brah he.

Nau Vay Nkah Tay 5:10

Ƀiălah Gâp mra ăn nau yô̆ tât rbăn rô̆ ma lĕ phung ma lĕ phung rŏng ma Gâp jêh ri djôt prăp lĕ nau vay ntăm bơh Gâp.

Nau Vay Nkah Tay 5:9

May mâu dơi chon mbah ôh tanăp lĕ rup nây mâu lah yơk mbah khân păng, yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât pe puăn rô̆ nuyh.

Nau Vay Nkah Tay 7:10

Ƀiălah đah lĕ bunuyh tâm rmot ma Păng, pôri Păng har plơng ma nau ƀư rai lơi khân păng. Păng mâu njong ôh ƀiălah har plơng lĕ phung bunuyh tâm rmot ma Păng.

Nau Vay Nkah Tay 7:9

Yor ri, ăn khân may gĭt năl Yêhôva Brah Ndu khân may jêng Brah Ndu, Brah Ndu răp jăp, Nơm djôt prăp nau tâm rnglăp jêh ri nau ueh tât âk rbăn rô̆ nuyh ma lĕ phung rŏng ma Păng jêh ri djôt prăp nau vay Păng ntăm.