Nau Kơp Bunuyh 14:14 - Nau Brah Ndu Ngơi 2023

¹⁴ jêh ri khân păng mra mbơh nau nây ma phung ƀon lan n'gor khân păng nơm. Hơi Brah Yêhôva, phung ƀon lan Êjipt hŏ gĭt jêh ma Kôranh Brah gŭ ta nklang Phung ƀon lan Israel jêh ri tâm mpơl jêh ăn khân păng saơ. N'gâng tŭk Kôranh Brah gŭ ta klơ phung ƀon lan aơ jêh ri May hăn panăp khân păng, tâm n'gâng tŭk dôl nar jêh ri tâm meh n'gâng ŭnh dôl măng.

Nau Kơp Bunuyh 14:14 ပူးပေါင်းရင်းမြစ်များ

Nau Ntơm 32:30

Y-Yakôb ntơ ntŭk nây Pêniêl, jêh ri păng rblang: “Yorlah gâp lĕ saơ jêh Brah Ndu măt đah măt ƀiălah nau rêh gâp ăt geh nau đăp mpăn.”

Nêhêmi 9:12

Nôk nar Kôranh Brah njŭn leo khân păng ma n'gâng tŭk Jêh ri bri măng ma n'gâng ŭnh gay nchrat ang tâm trong khân păng hăn rgăn.

Nêhêmi 9:19

Kôranh Brah ăt yô̆ nđach, mâu chalơi ôh khân păng tâm bri rdah. N'gâng tŭk njŭn trong nôk nar, mâu nkhah bơh khân păng, N'gâng ŭnh nchrat ang dôl bri măng ta klơ trong ăn khân păng dơi hăn.

Nau Mprơ Ơm 105:39

Brah Yêhôva ăn ndâr tŭk gay nkŭm khân păng, Jêh ri dôl măng geh ŭnh sol trong khân păng.

Nau Mprơ Ơm 78:14

Păng njŭn khân păng nôk nar ma ndâr tŭk, Jêh ri lĕ dôl măng ma ŭnh ang.

Nau Ngluh Êjipt 15:14

Lĕ phung ƀon lan tăng jêh nau nây klach râm sâr da dê, Nau klach krit lăp tâm phung Philistin.

Nau Ngluh Êjipt 33:11

Brah Yêhôva ngơi ma Y-Môis tâm tra năp tâm ban ma du huê bunuyh ngơi ma băl păng. Jêh nây Y-Môis plơ̆ sĭt let rmlak tahan, ƀiălah nơm groi kan păng dôl ndăm jêng Y-Yôsuê, kon bu klâu Y-Nun, mâu luh ôh bơh Ngih Bok.

Nau Ngluh Êjipt 33:16

Tơlah May mâu hăn ndrel ma hên, mâm bu gĭt ngăn ma gâp jêh ri phung ƀon lan May geh nau yô̆ tanăp măt May? Geh May hăn ndrel, gâp jêh ri phung ƀon lan May mra dơi tâm nkhah bơh phung ƀon lan êng klơ neh.”

Nau Ngluh Êjipt 40:38

Yorlah tâm lĕ nar khân păng hăn trong, ndâr tŭk Brah Yêhôva gŭ ta klơ Ngih Bok nôk nar jêh ri geh ŭnh tâm ndâr tŭk nôk măng tanăp măt lĕ rngôch ngih Israel.

Nau Kơp Bunuyh 10:34

Nôk nar tơlah phung ƀon lan Israel trơn rmlak tahan hăn du luh, ndâr tŭk Brah Yêhôva gŭ ta klơ khân păng.

Nau Kơp Bunuyh 12:8

Gâp ngơi đah păng mbung ndrăng mbung ma nau rah vah, mâu geh nau ngơi ndâp Jêh ri păng saơ rup Brah Yêhôva. Mâm khân may mâu klach ƀiălah ngơi kek đah oh mon Gâp jêng Y-Môis?”

Yôhan 1:18

Ê hŏ geh bunuyh saơ Brah Ndu, knŏng Kon Dul gŭ tâm nuih n'hâm Mbơ̆ jêng Nơm tâm mpơl jêh Mbơ̆ ăn ma he gĭt.

Yôhan 14:9

Brah Yêsu lah: “Hơi Y-Philip, Gâp gŭ ndrel ma khân may hŏ jŏ jêh, ƀiălah khân may mâu gĭt năl Gâp! Mbu nơm hŏ saơ Gâp jêng saơ jêh Mbơ̆. Mâm ƀư may lah: ‘Ntĭm Mbơ̆ ma hên ƀă’?

I Kôrintô 13:12

Aƀaơ aơ he knŏng saơ tâm măt rchŏk tâm nau mâu rah vah; tât rnôk nây, he mra saơ muh măt tâm thâng. Aƀaơ aơ gâp gĭt geh nau keh; tât rnôk nây taơ, gâp mra gĭt năl tâm ban ma Kôranh Brah gĭt năl jêh gâp.

Nau Vay Nkah Tay 1:19

Jêh nây, tĭng nâm nau Yêhôva Brah Ndu ntăm, he luh bơh Hôrep hăn tât ta mpeh klơ dor yôk phung Amôrit, rgăn lĕ bri rdah toyh dŭt krit kir khân may hŏ saơ jêh, jêh nây he hăn tât ta Kadês Barnê.

Nau Vay Nkah Tay 34:10

Bah kơi taơ, tâm phung Israel mâu hôm geh ôh du huê nơm mbơh lor tâm ban Y-Môis, nơm Brah Yêhôva dơi gĭt măt tâm rđĭl ma măt.

Nau Vay Nkah Tay 5:24

‘Yêhôva Brah Ndu hên tâm mpơl jêh ma hên saơ nau chrêk ma lơp jêh ri nau rnam Păng, jêh ri hên hŏ tăng jêh bâr Păng ngơi tă bơh tâm nklang ŭnh. Nar aơ, hên hŏ saơ jêh Brah Ndu ngơi đah bunuyh ƀiălah bunuyh hôm e rêh.

Nau Vay Nkah Tay 5:4

Brah Yêhôva hŏ ngơi jêh đah khân may tra năp muh măt bơh ta nklang ŭnh ta klơ yôk.

Yôsuê 5:1

Lah lĕ rngôch phung hađăch Amôrit gŭ đah ri dak krong Yurdan mpeh nhâp nar, jêh ri lĕ rngôch phung hađăch Kanaan gŭ dăch dak mƀŭt tăng nau Brah Yêhôva hŏ ƀư jêh ma dak krong Yurdan suăt kroh tanăp phung ƀon lan Israel kŏ tât hăn rgăn lăn jêh, pôri khân păng rdja nuih n'hâm jêh ri mâu hôm blau mĭn ôh gay tâm rdâng đah phung ƀon lan Israel.

I Yôhan 3:2

Hơi phung gâp rŏng, aƀaơ he jêng kon Brah Ndu; bi mâm nau he mra jêng ê hŏ tâm mpơl ôh. He gĭt tơlah Păng tâm mpơl, he mra tâm ban ma Păng, yorlah he mra saơ Păng nâm bu Păng ơm geh kơt nây.