Nau Kơp Bunuyh 14:11 - Nau Brah Ndu Ngơi 2023

¹¹ Brah Yêhôva lah ma Y-Môis pô aơ: “Ndah hŏ jŏ phung ƀon lan aơ mưch Gâp jêh ri ndah nâm jŏ khân păng mâu mra chroh ôh ma Gâp, nđâp lah Gâp hŏ ƀư jêh âk nau mbên khlay ta nklang khân păng?

Nau Kơp Bunuyh 14:11 ပူးပေါင်းရင်းမြစ်များ

Nau Mprơ Ơm 106:24

Thoi ma nây, phung chô yau hên tâm rmot ma n'gor neh ueh uĭn, Mâu chroh ôh ma nau Păng ngơi.

Nau Mprơ Ơm 78:22

Yorlah khân păng mâu chroh ma Brah Ndu ôh, Mâu lĕ rnơm ma nau Păng tâm rklaih.

Nau Mprơ Ơm 78:32

Nđâp tơlah lĕ nau nây, khân păng ăt hôm ƀư tih, Mâu chroh ôh ma nau mbên khlay Păng.

Nau Mprơ Ơm 95:8

Lơi ƀư dăng ôh nuih n'hâm khân may nâm bu ta Mêriba, Nâm bu ta nar Masa tâm bri rdah.

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 16:28

Brah Yêhôva lah ma Y-Môis: “Khân may mâu djôt prăp ôh nau vay ntăm jêh ri nau Gâp ntĭm tât ndah nâm jŏ?

Nau Ngluh Êjipt 23:21

Tanăp tông mpăr, ăn blau njrăng jêh ri tông bâr păng. Lơi ƀư ôh nau tâm rdâng đah păng, yorlah păng mâu mra yô̆ an ôh nau khân nơm tâm rdâng, yorlah amoh Gâp gŭ tâm păng.

Nau Ngluh Êjipt 32:9

Yêhôva lah đŏng ma Y-Môis: “Gâp hŏ uănh saơ jêh phung ƀon lan aơ, jêng du phung ƀon lan dăng ko.

Nau Hôr 1:22

“Hơi phung rluk, khân may rŏng nau rluk kŏ tât ndah dŭt jŏ? Phung mưch mra rŏng ma nau tâm mưch Jêh ri phung rluk mra tâm rmot ma nau blau mĭn kŏ tât ndah nâm jŏ?

Yêrêmi 13:10

Phung ƀon lan mhĭk aơ mâu ŭch iăt ôh nau Gâp, sŏl ko ƀư tĭng nau mĭn nuih n'hâm khân păng nơm, nchuăt tĭng ndô̆ phung brah êng ŭch pah kan jêh ri yơk mbah. Khân păng mra jêng mâu hôm dŏng nâm bu rse vân bŭt aơ.”

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Êsêkiêl 20:13

Ƀiălah ngih Israel, tâm rdâng đah Gâp tâm bri rdah. Khân păng mâu ŭch chuat tĭng ôh nau vay dăp bơh Gâp, dun lơi nau vay ƀư bơh Gâp jêng nau ăn ma mbu nơm tông mra yor nau nây dơi rêh; khân păng ƀư tih rlau keh lĕ rngôch nar saƀat Gâp. Rnôk nây, Gâp lah Gâp mra nkhŭt nau Gâp ji nuih ta klơ khân păng jêh ri ƀư rai tâm bri rdah.

Ndrom Samƀŭt bơh Ôsê 8:5

Hơi Samari, ndrôk kon may lĕ chalơi jêh! Nau ji nuih Gâp hŏ su ma khân păng. Kŏ tât ndah jŏ Khân păng mâu ƀư tih?

Sakari 8:14

Yorlah Brah Yêhôva ma phung tahan lah: “Nâm bu Gâp hŏ ăn jêh nau mhĭk tât khân may, lah chô yau khân may nsônh nuih Gâp, Gâp mâu rgâl ôh nau mĭn,” Brah Yêhôva ma phung tahan lah kơt nây,

Nau Kơp Bunuyh 14:23

mâu mra du huê bunuyh tâm khân păng mra saơ n'gor Gâp sơm ton jêh gay ăn ma phung chô yau khân păng. Mâu geh du huê ôh mưch ma Gâp mra saơ n'gor nây.

Nau Kơp Bunuyh 14:27

“Ndah hŏ jŏ phung tâm rƀŭn janh ƀai aơ ăt njang mbung đah Gâp? Gâp hŏ tăng jêh nau phung ƀon lan Israel njang mbung, ngơi ƀrôk Gâp.

Nau Kơp Bunuyh 32:10

Tâm nar nây, nau ji nuih bơh Brah Yêhôva hit hao jêh ri Păng sơm ton lah:

Mathay 17:17

Brah Yêsu plơ̆ lah: “Hơi ndŭl mpôl mâu chroh jêh ri dăng bôk, ndah nâm jŏ Gâp mra gŭ ndrel đah khân may? Ndah nâm jŏ Gâp mra nsrôih dơn đah khân may? Njŭn leo hom kon se nây ma Gâp.”

Markôs 9:19

Brah Yêsu plơ̆ lah: “Hơi ndŭl mpôl mâu chroh ri, ndah jŏ Gâp mra gŭ ndrel đah khân may? Ndah jŏ Gâp mra nsrôih dơn đah khân may? Njŭn leo hom kon se nây ma Gâp.”

Yôhan 10:38

Bi tơlah Gâp pah kan, lah khân may mâu chroh ma Gâp kđôi lĕ, chroh hom ma kan Gâp ƀư aơ, gay khân may dơi gĭt năl jêh ri gĭt rbăng Mbơ̆ gŭ tâm Gâp jêh ri Gâp gŭ tâm Mbơ̆.”

Yôhan 12:37

Nđâp tơlah Brah Yêsu hŏ ƀư âk nau khlay tanăp khân păng kđôi lĕ, ƀiălah khân păng ăt mâu chroh lĕ ma Brah Yêsu,

Yôhan 15:24

Lah Gâp mâu ƀư ôh kan tâm nklang khân păng lĕ nau kan ê mâp bu ƀư khân păng mâu geh nau tih ôh. Ƀiălah aƀaơ khân păng saơ jêh ƀiălah tâm rmot ma Gâp nđâp ma Mbơ̆ Gâp.

Nau Vay Nkah Tay 1:32

Nđâp lah kơt nây, khân may ăt mâu iăt ôh ma Yêhôva Brah Ndu khân may

ហេឞ្រើ 3:16

Mbu nơm jêng phung tăng jêh bâr Păng, ƀư nau tâm rdâng? Mâu di hĕ jêng phung bunuyh Y-Môis njŭn leo luh bơh n'gor Êjipt?

ហេឞ្រើ 3:18

Mbu đah Păng sơm ton jêh pô aơ khân păng mâu dơi lăp ôh tâm nau rlu Păng? Mâu di hĕ ma phung mâu tông bâr Păng?

ហេឞ្រើ 3:8

Lơi ăn dăng ôh nuih n'hâm khân may nâm bu nôk tâm rdâng, Tâm nar rlong uănh tâm ntŭk bri rdah,