Nau Kơp Bunuyh 13:32 - Nau Brah Ndu Ngơi 2023

³² Khân păng nkoch tay ma phung ƀon lan Israel ma n'gor khân păng hăn n'hut uănh jêh jêng mâu ueh, jêh ri lah pô aơ: “N'gor hên hŏ hăn n'hut uănh jêh jêng du n'gor sa rvăn phung ƀon lan păng nơm. Lĕ rngôch phung bunuyh hên saơ lĕ tâm n'gor nây jêng phung juat toyh.

Nau Kơp Bunuyh 13:32 ပူးပေါင်းရင်းမြစ်များ

II Samuel 21:20

Geh đŏng nau tâm lơh êng ta ƀon Gat, geh du huê bunuyh toyh juat geh prao nglau ti ta ăp mpang ti păng jêh ri geh prao nglau jâng ta ăp jâng păng, lĕ rngôch jêng bar jât ma puăn nglau; păng tâm ban lĕ jêng mpôl ntil Rapha.

I Nau Rêh Jêng 20:6

Geh đŏng nau tâm lơh ta ƀon Gat, ta nây geh du huê bunuyh săk jăn juat toyh, ăp mpang ti geh prao nglau jêh ri ăp mpang jâng geh đŏng prao mlâm, lĕ rngôch jêng bar jât ma puăn nglau; păng jêng noi deh phung toyh juat.

Nau Mprơ Ơm 106:24

Thoi ma nây, phung chô yau hên tâm rmot ma n'gor neh ueh uĭn, Mâu chroh ôh ma nau Păng ngơi.

Êsêkiêl 36:12

Gâp mra ăn geh phung ƀon lan gŭ ta klơ neh khân may, jêng phung ƀon lan Israel Gâp, N'hêl nanê̆, khân păng mra dơi jêng ndơ may jêh ri may mra jêng drăp ndơn khân păng jêh ri khân may mra jêng drăp ndơn ma khân păng; may mâu mra ƀư roh lơi phung kon khân păng đŏng ôh.’”

Amôt 2:10

Gâp hŏ ngluh jêh khân may tă bơh n'gor bri Êjipt, Jêh ri njŭn khân may gŭ tâm bri rdah puăn jât năm Gay ăn khân may sŏk pit bri phung Amôrit ƀư drăp ndơn.

Amôt 2:9

Nđâp tơlah pônây, Gâp nơm yơh hŏ ƀư rai jêh phung Amôrit tanăp măt khân păng, Jêng phung bunuyh prêh nâm bu tơm si sêdar, Jêh ri dăng ktang nâm bu tơm si guyh. Gâp ƀư rai jêh play khân păng ta klơ n'gĭng Jêh ri reh khân păng tâm dâng neh.

Nau Kơp Bunuyh 13:28

Ƀiălah, phung ƀon lan gŭ tâm n'gor nây jêng ktang, ƀon jêng toyh nâp ngăn jêh ri dĭ ngăn. Hên saơ đŏng phung kon sau Y-Anak gŭ ta nây.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Nau Vay Nkah Tay 1:28

Ta ntŭk he mra hăn? Phung oh nâu he đă hăn gay n'hut uănh n'gor, khăn păng hŏ ƀư rdja nuih n'hâm he, dôl khân păng lah: Phung ƀon lan nây jêng dăng ktang ngăn jêh ri juat lơn ma he. Lĕ ƀon toyh khân păng dĭ toyh, bât pêr nâp prêh tât ta trôk. Rlau ma nây hên saơ phung kon sau phung ƀon lan Anakim gŭ ta nây đŏng.’