Nau Kơp Bunuyh 12:2 - Nau Brah Ndu Ngơi 2023

² Bar hê lah pô aơ: “Brah Yêhôva knŏng lah ma Y-Môis dơm hĕ? Mâu di Păng ngơi đŏng ma he?” Brah Yêhôva tăng nau nây.

Nau Kơp Bunuyh 12:2 ပူးပေါင်းရင်းမြစ်များ

Nau Ntơm 29:33

Păng ntreo đŏng jêh ri deh du huê kon bu klâu, amoh păng Y-Simêôn jêh ri lah: “Brah Yêhôva tăng jêh bu mâu lăng rŏng ôh ma gâp, Păng ăn tay kon bu klâu aơ ma gâp.”

II Samuel 11:27

Tơlah nau ndrê klâng lĕ jêh, Y-Đavit prơh bu hăn leo păng ma ngih hađăch; păng dơi jêng ur hađăch jêh ri deh ăn ma hađăch du huê kon bu klâu. Ƀiălah nau Y-Đavit ƀư nây rngot ma Brah Yêhôva.

II Phung Hađăch 19:4

N'hêl nanê̆ Yêhôva Brah Ndu may hŏ tăng jêh lĕ rngôch nau Y-Rabshakeh ngơi jêh ri kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng, jêh ri Yêhôva Brah Ndu may mra rmal ma khân păng yor lĕ nau ngơi Păng hŏ tăng jêh. Yor ri, dăn ma may mbơh sơm hom ma phung hôm klen.’”

Nau Ngluh Êjipt 4:14

Brah Yêhôva luh ji nuih ma Y-Môis, Păng lah: “Mâu di bơh Y-Arôn, bunuyh Lêvi, jêng nâu may ƀơh? Gâp gĭt păng geh blau ngơi ueh. Aơ, păng văch gay tâm mâp đah may; lah păng saơ may, păng mra geh nau maak ngăn tâm nuih n'hâm.

Nau Ngluh Êjipt 4:30

Y-Arôn nkoch tay lĕ rngôch nau Brah Yêhôva hŏ ngơi jêh đah Y-Môis, jêh ri ƀư lĕ nau mbên khlay tanăp phung ƀon lan.

Nau Ngluh Êjipt 5:1

Jêh nây, Y-Môis jêh ri Y-Arôn hăn mbơh ma Pharaôn jêh ri lah: “Brah Yêhôva, Brah Ndu phung Israel, lah: ‘Ăn phung ƀon lan Gâp hăn gay ma khân păng nkra nau tâm rƀŭn yơk mbah ma Gâp tâm bri rdah.’”

Nau Ngluh Êjipt 7:10

Pôri Y-Môis jêh ri Y-Arôn hăn tât ta Pharaôn jêh ri ƀư tĭng nâm nau Brah Yêhôva hŏ ntĭnh jêh. Y-Arôn klŭp mâng jra păng tanăp măt Pharaôn jêh ri phung oh mon păng, mâng jra plăch jêng bêh ro.

Nau Hôr 13:10

Nau sưr knŏng ăn tât nau tâm djrel, Bi nau blau mĭn gŭ ndrel bunuyh dơn iăt nau ntĭm nti.

Êsai 37:4

N'hêl nanê̆ Yêhôva Brah Ndu may hŏ tăng jêh nau Y-Rabshakeh ngơi, kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng; jêh ri Yêhôva Brah Ndu may mra rmal ma khân păng tĭng nâm nau Păng tăng jêh. Yor nây, ăn may mbơh sơm hom ma phung hôm klen ta aơ!’”

Mika 6:4

Gâp njŭn leo jêh may du luh bơh n'gor bri Êjipt, Hŏ chuai jêh may du luh bơh ngih jêng bu nă Jêh ri hŏ prơh jêh Y-Môis, Y-Arôn, H'Miriam Văch panăp măt may.

Nau Kơp Bunuyh 11:1

Aƀaơ, phung ƀon lan ngơi ƀrôk jêh ri nau nây ƀư Brah Yêhôva mâu di nuih. Brah Yêhôva tăng jêh ri Păng hao ji nuih. Ŭnh Brah Yêhôva su ta nklang phung ƀon lan jêh ri su ma ŭnh ta pĭt ntŭk rmlak tahan.

Nau Kơp Bunuyh 11:29

Y-Môis ơh nau: “Di lĕ may nach yor ma gâp? Vư! Ŭch ma lĕ rngôch phung ƀon lan Brah Yêhôva jêng phung nơm mbơh lor jêh ri Brah Yêhôva ăn ma Huêng Brah Păng ma khân păng!”

Nau Kơp Bunuyh 12:3

Y-Môis jêng du huê bunuyh hêt rhôi, hêt rhôi lơn ma lĕ rngôch bunuyh ta neh ntu.

Nau Kơp Bunuyh 16:3

khân păng tâm rƀŭn ndrel tâm rdâng đah Y-Môis jêh ri Y-Arôn. Khân păng phong: “Khân may ƀư jêh rmeh ir! Yorlah lĕ rngôch phung tâm rƀŭn jêng kloh ueh jêh ri Brah Yêhôva dôl gŭ ta nklang khân păng. Pôri, mâm khân may n'hao êng khân may nơm ta klơ lơn phung tâm rƀŭn Brah Yêhôva?”

Samƀŭt Pôl Njuăl Ăn Ma Phung Nsing Ta Ƀon Rôm 12:10

Rŏng hom ndrăng khân may nơm dơh dăch tâm ban ma oh nâu; ăn lĕ nuih n'hâm yơk hom ndrăng khân may.

Samƀŭt Pôl Njuăl Ăn Ma Phung Nsing Ta Ƀon Rôm 12:3

Yorlah bơh nau hŏ yô̆ jêh ma gâp, gâp lah ma ăp nơm tâm khân may, lơi mĭn rlau ir ma khân may nơm, ƀiălah mĭn rvê hom di rnâng, tĭng nâm ma nau chroh Brah Ndu ăn jêh ma ăp bunuyh.

Philip 2:14

Ƀư hom lĕ kan, lơi ngơi ƀŭk dŭk suyh mâu lah vât vâng ôh,

Philip 2:3

Lơi ƀư ôh du ntil ndơ yor ma nuih n'hâm mbeh, mâu lah yor ma nau lư n'găr gơnh roh, ƀiălah dêh rhêt hom, uănh phung êng jêng khlay rlau lơn ma khân may nơm.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.