Nau Kơp Bunuyh 11:31 - Nau Brah Ndu Ngơi 2023

³¹ Rnôk nây, Brah Yêhôva ăn du rôn sial khôm sĭm gôi tă bơh dak mƀŭt tât ta rmlak tahan jêh ri leo phung sĭm gôi jŭm rmlak tahan, ăp mpeh dĭ du nar hăn trong jêh ri tă bơh klơ neh plơ̆ klơ mbâl klăp lah du met.

Nau Kơp Bunuyh 11:31 ပူးပေါင်းရင်းမြစ်များ

Nau Mprơ Ơm 105:40

Tơlah khân păng dăn, Yêhôva ăn phung sĭm gôi văch, Jêh ri sŏk ƀănh bơh trôk ăn păng sa hơm raơm.

Nau Mprơ Ơm 106:15

Brah Ndu ăn moh ndơ khân păng dăn, Ƀiălah ăn nau ji kuet ƀư rai ma nau rêh khân păng.

Nau Mprơ Ơm 135:7

Păng ăn ndâr tŭk hao bơh nglĕ dŭt rplay neh, Ƀư lơp nglaih ndrel ma mih, Ăn sial khôm luh tă bơh lĕ jay Păng prăp drăp ndơ khlay.

Nau Ngluh Êjipt 10:13

Pôri Y-Môis yơr mâng jra leo ta n'gor Êjipt. Brah Yêhôva njŭn leo sial tă pa lơ khôm ta n'gor nây tâm du nar măng; tât ôi taơ, sial tă pa lơ leo krah văch.

Nau Ngluh Êjipt 10:19

Brah Yêhôva leo sial tă pa dâng dăng ngăn khôm lơi krah jêh ri ăn khân păng tŭp tâm Dak Mƀŭt Chăng. Lam n'gor Êjipt mâu hôm geh ôh du mlâm krah.

Nau Ngluh Êjipt 15:10

May hŏ nsôr jêh n'hâm, dak mƀŭt rdŭl bŭk khân păng; Khân păng ngâm nâm bu rchuăl ndrak tâm n'hong dak ktang.

Nau Ngluh Êjipt 16:13

Kêng mhaơ nar nây, sĭm gôi mpăr tât jêh ri nkŭm klơ ngih bok khân păng; bi kêng ôi geh dak ngom nkŭm jŭm ngih bok khân păng.

Nau Kơp Bunuyh 11:30

Y-Môis jêh ri phung bu ranh phung Israel plơ̆ sĭt ma rmlak tahan.