Nau Kơp Bunuyh 11:23 - Nau Brah Ndu Ngơi 2023

²³ Brah Yêhôva lah ma Y-Môis: “Ti Brah Yêhôva jêng gleh ir lĕ? Ăn may kâp uănh nau Gâp ngơi jêh ma may mra dơi jêng nau ngăn mâu lah mâu!”

Nau Kơp Bunuyh 11:23 ပူးပေါင်းရင်းမြစ်များ

Nau Ntơm 18:14

Geh lĕ moh ntil nau jêr ir kŏ tât Brah Yêhôva mâu dơi ƀư? Tât yan lĕ tâm nal, năm taơ Gâp mra plơ̆ tay ma may, jêh ri H'Sara mra geh du huê kon bu klâu.”

II Phung Hađăch 4:43

Oh mon păng lah: “Mâm ƀư gâp pă ndơ nây ma du rhiăng bunuyh sa?” Ƀiălah Y-Êlisê lah: “Pă hom lĕ piăng let nĕ ma khân păng sa, yorlah Brah Yêhôva lah: ‘Khân păng mra sa jêh ri hôm rmeh.’”

II Phung Hađăch 7:2

Kôranh tahan rgong kơl, jêng nơm hađăch nsing tâm ti păng, plơ̆ lah ma bunuyh Brah Ndu pô aơ: “Nđâp tơlah Brah Yêhôva geh pơk lĕ mpông bloh klơ trôk, nau nây dơi tât lĕ?” Y-Êlisê plơ̆ lah: “Măt may nơm ro yơh saơ nau nây, ƀiălah may mâu mra sa ndơ nây ôh.”

Nau Mprơ Ơm 78:41

Khân păng ƀaƀơ nau rlong uănh Brah Ndu, Ƀư rmanh Nơm Kloh Ueh Israel.

Nau Ngluh Êjipt 6:1

Brah Yêhôva lah ma Y-Môis: “Aƀaơ may mra saơ lĕ nau Gâp mra ƀư ma Pharaôn. Nanê̆, yor tă bơh mpang ti nau brah Gâp, hađăch nây mra ăn phung Israel hăn luh; yor tă bơh mpang ti nau brah Gâp, hađăch nây mra mprơh khân păng luh bơh n'gor păng.”

Êsai 50:2

Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Êsai 59:1

Aơ, ti Brah Yêhôva mâu jêng gleh ôh dĭng Păng mâu dơi tâm rklaih; Tôr Păng mâu lĕ tê̆k dĭng Păng mâu dơi tăng.

Yêrêmi 14:9

Mâm ƀư May nâm bu bunuyh phit phơr, Nâm bu du huê dăng ktang mâu dơi yơr ti tâm rklaih bu ôh? Ƀiălah, ơ Kôranh Brah, May hôm e gŭ ta nklang hên, Hên dơi ntơ ma amoh May, Lơi ta chalơi hên ôh!”

Yêrêmi 32:17

‘Ơ Yêhôva Brah Ndu ơi! May yơh geh nau brah toyh jêh ri mpang ti brah toyh may rhăk njêng jêh trôk jêh ri neh ntu! Mâu geh ôh du ntil nau jêng jêr ir ma May.

Yêrêmi 32:27

“Aơ, Gâp jêng Yêhôva, Brah Ndu ma lĕ rngôch bunuyh; geh lĕ moh nau jêr ir ma Gâp đŏng?

Êsêkiêl 12:25

Yorlah Gâp jêng Brah Yêhôva, Gâp mra lah jêh ri nau Gâp lah mra jêng nau ngăn, mâu mra jŏ đŏng ôh. Hơi ngih phung dăng tâm rdâng! Tâm nar khân may nơm Gâp mra mbơh lor jêh ri păng mra jêng nau ngăn, Kôranh Brah Yêhôva lah pônây.”

Êsêkiêl 24:14

Gâp, Brah Yêhôva, hŏ lah jêh nau nây mra geh tât. Gâp mra ƀư, Gâp mâu mra plơ̆ rŭch ôh, mâu yô̆ ôh, mâu tâm rgâl nau mĭn ôh. Bu mra phat dôih may tĭng nâm trong jêh ri kan may pah,’ Kôranh Brah Yêhôva lah pônây.”

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Mika 2:7

Hơi ngih Yakôb! Mâm nănh ngơi pô aơ: “Brah Yêhôva roh nau nsrôih lĕ mâu?” Păng ƀư lĕ nau kơt nây ƀơh? Mâu di nau ngơi Gâp geh nau khlay Ăn ma mbu nơm chuat hăn ma nau sŏng?

Nau Kơp Bunuyh 11:22

Tơlah bu nkhĭt lĕ biăp jêh ri ndrôk, tŏng ma khân păng lĕ? Tơlah bu nhŭp lĕ ka tâm dak rlai, tŏng ma khân păng lĕ?”

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Mathay 19:26

Brah Yêsu uănh ma khân păng jêh ri lah: “Kon bunuyh mâu dơi ƀư nau aơ ôh, ƀiălah Brah Ndu dơi ƀư lĕ rngôch nau.”

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Luka 1:37

Yorlah mâu geh moh nau kan Brah Ndu mâu dơi ƀư.”