Nau Kơp Bunuyh 11:18 - Nau Brah Ndu Ngơi 2023

¹⁸ Ăn may lah ma phung ƀon lan pô aơ: ‘Ôi taơ, ndrăp ăn kloh hom khân may nơm jêh ri khân may mra sa puăch. Yorlah tôr Brah Yêhôva tăng khân may nhĭm nhhiăng pô aơ “Mbu mra ăn ma hên puăch sa” yorlah hên hŏ gŭ rêh jêh ueh jêh ta Êjipt. Yor ri, Brah Yêhôva mra ăn puăch ma khân may jêh ri khân may mra sa puăch.

Nau Kơp Bunuyh 11:18 ပူးပေါင်းရင်းမြစ်များ

Nau Ntơm 35:2

Y-Yakôb lah ma ngih păng jêh ri lĕ rngôch phung hăn ndrel ma păng: “Chalơi hom lĕ rup brah bu năch luh bơh khân may. Ƀư kloh hom khân may nơm jêh ri rgâl lơi kho ao khân may.

Ndrom Samƀŭt bơh Yôp 20:13

Lah mâu ŭch chalơi nau djơh mhĭk, Păng hôm mât nau djơh mhĭk tâm mbung păng.

Ndrom Samƀŭt bơh Yôp 20:23

Brah Ndu nkhŭt nau ji nuih tâm păng, Ƀư ăn bêng nuih n'hâm păng kơnh, Hoch nau dŭt ji nuih jêng ndơ sông sa ma păng.

Nau Mprơ Ơm 78:20

Nđâp tơlah Păng dong jêh lŭ toyh Ăn luh dak rdŭl luh jêng dak n'hor, Dơi lĕ Păng ăn ƀănh? Jêh ri ăn puăch ma phung ƀon lan Păng lĕ?”

Nau Ngluh Êjipt 16:8

Y-Môis lah: “Mhaơ aơ Brah Yêhôva mra ăn puăch ma khân may sa, jêh ri kêng ôi ăn piăng let mra rmeh ler yorlah Brah Yêhôva hŏ tăng jêh nau khân may nduyh Păng. Bi ma hên mbu jêng? Mâu di ma hên ôh khân may nduyh, ƀiălah nduyh ma Brah Yêhôva ya.”

Nau Ngluh Êjipt 19:10

Brah Yêhôva lah ma Y-Môis: “Hăn hom ma phung ƀon lan, prăp êng khân păng ăn kloh ueh ta nar aơ jêh ri ôi taơ. Đă khân păng pih lơi kho ao khân păng;

Nau Ngluh Êjipt 19:15

Păng ntăm ma phung ƀon lan: “Ăn khân may ndrăp kŏ tât nar tal pe. Lơi ta khân may bê̆ch ndrel ma du huê bu ur ôh.”

Nau Ngluh Êjipt 19:22

Nđâp lah phung kôranh ƀư brah kđôi lĕ, dôl văch dăch Brah Yêhôva, ăt ŭm rao ăn kloh khân păng nơm mơ; lah mâu iăt Brah Yêhôva mra rmal ma khân păng.”

Nau Kơp Bunuyh 11:1

Aƀaơ, phung ƀon lan ngơi ƀrôk jêh ri nau nây ƀư Brah Yêhôva mâu di nuih. Brah Yêhôva tăng jêh ri Păng hao ji nuih. Ŭnh Brah Yêhôva su ta nklang phung ƀon lan jêh ri su ma ŭnh ta pĭt ntŭk rmlak tahan.

Nau Kơp Bunuyh 11:19

Khân may mra sa puăch mâu di ôh knŏng du nar, bar nar, prăm nar, jât nar mâu lah bar jât nar,

Kôranh Oh Mon 7:39

Ƀiălah phung chô yau he mâu tông bâr păng, dun păng jêh ri rle nuih n'hâm khân păng nơm plơ̆ ma n'gor Êjipt.

Yôsuê 7:13

Dâk hom, ƀư kloh ueh phung ƀon lan jêh ri lah pô aơ: ‘Nar ôi taơ, khân may ƀư kloh hom khân may nơm yorlah Yêhôva Brah Ndu Israel lah: “Ơ Israel, khân may hôm mât lĕ ndơ prăp ma nau ƀư rai tâm nklang khân may! Khân may mâu dơi tâm rdâng đah phung rlăng khân may ôh kŏ tât rnôk khân may sŏk ngluh lơi lĕ ndơ prăp ma nau ƀư rai nây.”

Phung Kôranh Phat Dôih 21:2

Phung ƀon lan văch ma Bêthel, gŭ ta nây tanăp Brah Ndu kŏ tât măng jêh ri khân păng nter huy jêh ri nhĭm hâu ngăn ngên.