Nau Kơp Bunuyh 11:17 - Nau Brah Ndu Ngơi 2023

¹⁷ Gâp mra jŭr jêh ri ngơi ndrel đah may ta nây. Gâp mra sŏk Huêng Gâp gŭ ta klơ may gay ăn ma khân păng, jêh ri khân păng mra anh nau kan jâk phung ƀon lan aơ ndrel ma may, mâu di du huê may anh nau jâk nây.

Nau Kơp Bunuyh 11:17 ပူးပေါင်းရင်းမြစ်များ

Nau Ntơm 11:5

Brah Yêhôva jŭr uănh ƀon toyh jêh ri ngih gung phung kon bunuyh dôl ntơm ndâk.

Nau Ntơm 17:22

Lôch jêh ngơi, Brah Ndu Y-Abraham jêh ri gŭ klơ trôk.

Nau Ntơm 17:3

Y-Abram chŭn muh măt ta neh. Brah Ndu lah ma păng:

Nau Ntơm 18:33

Lôch jêh lah đah Y-Abraham, Brah Yêhôva dâk hăn, bi Y-Abraham plơ̆ sĭt ta ngih bok păng nơm.

II Phung Hađăch 2:15

Tơlah phung oh mon phung nơm mbơh lor gŭ ta Yêrikô saơ Y-Êlisê bơh ngai jêh ri lah: “Huêng brah Y-Êli gŭ jêh ta Y-Êlisê.” Khân păng hăn chuă vơt păng, chon mon ta neh tanăp măt păng

II Phung Hađăch 2:9

Tơlah lĕ rgăn jêh kơh tê̆, Y-Êli lah ma Y-Êlisê pô aơ: “Dăn hom moh nau may ŭch ma gâp ƀư ma may, êlor ma bu leo gâp hao tă bơh may.” Y-Êlisê lah: “Gâp dăn ma may, ăn gâp ndơn bar tơ̆ rlau lơn huêng brah may.”

Nêhêmi 9:20

Kôranh Brah hŏ ăn jêh Brah Huêng ueh bơh Kôranh Brah, gay ntĭm nti khân păng. Kôranh Brah mâu dun ăn mana ma trôm mbung khân păng jêh ri ăn dak nhêt nôk khân păng ji hir.

Nau Ngluh Êjipt 18:18

May jêh ri phung ƀon lan hăn văch ma may mra huăr ngăn yorlah kan nây jâk ngăn ma may, êng du huê may mâu dơi ƀư ôh.

Nau Ngluh Êjipt 18:22

Ăn khân păng gŭ phat dôih phung ƀon lan mro, jêh ri mra njŭn tanăp may lĕ nau toyh, bi lĕ nau kan jê̆, ăn phung kôranh nây mra phat dôih êng. Pôri kan may n'gơch lơn, jêh ri khân păng mra kơl kan jâk ndrel ma may.

Nau Ngluh Êjipt 19:11

tât nar tal pe; ăn khân may ndrăp yorlah ta nar nây Brah Yêhôva mra jŭr văch tanăp măt lĕ rngôch phung ƀon lan tâm yôk Sinai.

Nau Ngluh Êjipt 19:20

Brah Yêhôva jŭr ta klơ n'gơn yôk Sinai. Brah Yêhôva kuăl Y-Môis ăn hao ta n'gơn yôk jêh ri Y-Môis hăn hao.

Nau Ngluh Êjipt 34:5

Brah Yêhôva jŭr tâm ndâr tŭk, dâk ta meng Y-Môis jêh ri rnha amoh Păng jêng Yêhôva.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 63:11

Nôk nây, phung ƀon lan Păng kah gĭt Ma Y-Môis rnôk kăl e jêh ri ôp: “Mbah ntŭk Nơm hŏ njŭn leo rmăk biăp Jêh ri phung biăp luh hao bơh dak mƀŭt? Mbah ntŭk Nơm dơm jêh Brah Huêng Ueh Păng Ta nklang khân păng?”

Yôel 2:28

“Jêh ta nây, Gâp mra nkhŭt Huêng Brah Gâp ta klơ lĕ rngôch nglay săk. Phung kon bu klâu jêh ri phung kon bu ur khân may mra mbơh lor; Phung bu ranh geh nau mbơi, Phung bu klâu ndăm mra saơ nau tâm saơ.

Nau Kơp Bunuyh 11:25

Brah Yêhôva jŭr tâm ndâr tŭk jêh ri ngơi ma Y-Môis. Păng sŏk Huêng Brah gŭ ta klơ Y-Môis jêh ri ăn ma pơh jât kôranh bu ranh. Nôk Huêng Brah gŭ ta klơ pơh jât kôranh bu ranh, khân păng mbơh lor. Ƀiălah khân păng mâu hôm mbơh lor đŏng.

Nau Kơp Bunuyh 12:5

Brah Yêhôva jŭr tâm meh ndâr tŭk jêh ri gŭ ta mpông Ngih Bok Nau Tâm Rƀŭn, jêh nây kuăl Y-Arôn jêh ri H'Miriam. Nôk bar hê khân păng hăn tât,

Nau Kơp Bunuyh 12:8

Gâp ngơi đah păng mbung ndrăng mbung ma nau rah vah, mâu geh nau ngơi ndâp Jêh ri păng saơ rup Brah Yêhôva. Mâm khân may mâu klach ƀiălah ngơi kek đah oh mon Gâp jêng Y-Môis?”

Nau Kơp Bunuyh 27:18

Brah Yêhôva lah ma Y-Môis: “Săch hom Y-Yôsuê, kon bu klâu Y-Nun, du huê bunuyh geh Huêng Brah tâm păng, jêh ri pah ti ta klơ păng,

Nau Kơp Bunuyh 7:89

Tơlah Y-Môis lăp Ngih Bok Nau Tâm Rƀŭn gay tâm ngơi ndrel đah Brah Yêhôva, păng tăng bâr Kôranh Brah ngơi ma păng nơm tă bơh ndrŭp nau yô̆ an ta klơ Hip Nau Tâm Rnglăp, ta vah vang bar chêrubim. Jêh ri kơt nĕ păng tâm ngơi ndrel jêh đah Brah Yêhôva.

Yôhan 3:13

Ê hŏ geh du huê hao ta klơ trôk, ƀiălah knŏng geh Nơm jŭr tă bơh trôk, jêng Kon Bunuyh.

Yôhan 7:39

Păng lah nau aơ nchŏng ma Brah Huêng Ueh, lĕ phung bunuyh chroh ma Păng mra sŏk dơn; yorlah Brah Huêng Ueh ê hŏ jŭr, yorlah Brah Yêsu ê hŏ geh nau tâm rnê.

Samƀŭt Pôl Njuăl Ăn Ma Phung Nsing Ta Ƀon Rôm 8:9

Ƀiălah tơlah Brah Huêng Ueh Brah Ndu gŭ ngăn tâm khân may, khân may mâu gŭ rêh tĭng nâm nglay săk ôh, ƀiălah gŭ rêh tĭng nâm Brah Huêng Ueh; ƀiălah mbu nơm mâu geh Brah Huêng Ueh Brah Krist, păng mâu jêng phung Brah Krist ôh.

I Kôrintô 2:12

Ƀiălah, he mâu sŏk dơn ôh huêng bơh neh ntu, ƀiălah Brah Huêng Ueh bơh Brah Ndu, gay ma dơi gĭt rbăng lĕ nau dơi Brah Ndu ăn ma he.

I Têsalônik 4:8

Yor ri, mbu nơm dun nau hên ngơi, mâu di dun kon bunuyh ôh, ƀiălah jêng dun Brah Ndu, Nơm ăn jêh Brah Huêng Ueh Păng ma khân may.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

Yuđas 1:19

Khân păng yơh jêng phung tâm nkhah mpôl, phung bunuyh gŭ rêh tĭng nglay săk, mâu geh Brah Huêng Ueh ôh.

I Samuel 10:6

Huêng Brah Yêhôva mra văch gŭ ndrel ma may ma nau brah, jêh ri may mra mbơh lor ndrel ma khân păng, jêh ri may mra njêng săk jêng du huê bunuyh êng.